Informazioa euskaraz bidaltzeko orduan Nafarroako Gobernuak “uzkur” jokatzen duela salatu dute
Administrazioa Euskaraz taldeak "jarrera aldatzeko" eskatu dio Exekutiboari, izan ere, euren aburuz, Arartekoari emandako erantzunean UPNren Gobernuaren ildoa jarraitzeko prest dagoela "garbi" ikusten du.
Administrazioa Euskaraz taldeak Gobernuaren euskararen erabilpenaren inguruko hausnarketa egin du ohar baten bidez.
Nafarroako Gobernu berriak ETB Nafarroan normaltasunez ikustea eta Euskalerria Irratiaren lizentzia errealitate bihurtzea lortu dituela azpimarratu du AET-k. "Eskertzekoa da hori, baina horrekin euskararen aldeko jarduna bukatutzat eman ote duen susmoa dugu", aipatu dute.
Aurreko Nafarroako Gobernuak eremu mistoko herritarrei zuzendutako informazioa gaztelania hutsean bidaltzen zuela gogoratu dute. Orain arte, modu orokorrean horrelako informazio gutunak bidaltzea ez zaio egokitu Nafarroako Gobernu berriari eta ezin da ziurtatu nola eginen duen.
Baina ezaguna da nola jokatzen ari den aurreko Gobernuak jaso zituen kexekin, Gobernu berriari horrelako espedienteak bukatzea dagokiolako. Adibidez, Iruñeko herritar batek kexa jarri zuen Nafarroako Arartekoaren bulegoan, koloneko minbiziaren Programari buruzko informazioa gaztelania hutsean jaso zuelako.
AET-k gogoratzen duenez, oraingo Nafarroako Gobernuak Arartekoari erantzun dio programa informatikoak ez duela aukerarik ematen horrelako kexa onartzeko. Informazioa gaztelania hutsean edo elebidun bidaltzen dela, eta hori osasun etxearen arabera edo hizkuntz eremuaren arabera egiten dela. Hau da, eremu euskaldunean elebidun bidaltzen duela eta gainontzeko eremuetan gaztelania hutsean.
"Arazoa, noski, ez da informatikoa. Nahi izanez gero, hori erraz konpon daiteke. Arazoa da sistema hori aldatzeko borondate politikoa izatea. Nafarroako Arartekoari emandako erantzunean borondate hori ez da inondik inora agertu", salatu du Administrazioa Euskaraz taldeak.
AET-k Nafarroako Gobernuari eskatzen dio horrelako jokaera aldatzea, "Arartekoari emandako erantzuna ikusita garbi baitago UPNren Gobernuaren ildoari jarraitzeko prest dagoela".
"Espero dezagun hurrengo informazioaren garaian oraingo Gobernuak irizpide euskaltzaleari bidea ematea. Bestela, ustekabe handia eramanen du jendeak, sinistuta baitago orain bai Gobernu euskaltzalea dugula".
Oharra: Albiste hau Ahotsa.info gunetik ekarria da lizentzia libreei esker.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Hemen da "uda bete abentura bizitzeko aukera." Zabalik dago aurtengo Euskal Udalekuetan izena emateko epea. 6 urtetatik 17 urtera arteko haur eta gazteentzako hamaika txanda antolatu dituzte Bernedo, Abaigar eta Goñi herrietan.
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal hizkuntzalaritza esperimentaleko katedra berria estreinatu dute Baionako fakultatean.
Bilbon eginiko aurkezpenean iragarri dute ekitaldia, euskarari "arnas berri bat emateko eta behar duen indarraldia gorpuzten hasteko" lehen urratsa izango dela nabarmenduta. Euskaltzale guztiei, baina, oro har, "justizia sozialean eta gizarte kohesioan aurre... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
Anton Txekhov, Raymond Carver eta Alice Munroren ipuingintzari buruzko mahai-ingurua egin dute Iker Sancho, Harkaitz Cano eta Isabel Etxeberria idazle eta itzultzaileek, Ignacio Aldecoa zenaren ipuin literarioaren jaialdian, Gasteizen. Beñat Sarasolak gidatuta, autore... [+]
Euskaraldiaren hamaikakoa aurkeztu dute Nafarroan: Julio Soto bertsolaria, Edurne Pena aktorea, Julen Goldarazena musikaria (Flakofonki), Claudia Rodriguez Goxuan Saltsan taldeko abeslaria, Eneko Garcia (Albina Stardust), Yasmine Khris Maansri itzultzaile eta kazetaria,... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.