Info7 irratiak emititzeari utziko dio, jauzi bat eman eta euskara hutseko proiektu berri bati ekiteko
"Aztibegia elkarteak erabaki du Info7 irratiaren etapa itxi, jauzi bat eman, eta irrati proiektu berri bat sortzeko lanean murgiltzea". Hala jakinarazi du irratiaren jabe den elkarteak abenduaren 15ean emisioa etengo dutela eta urte berriarekin batera, euskarazko irrati proiektu berri bat abiatuko dutela.
FMz emititzeko legaltasuna izango zuen Euskal Herri mailako irrati proiektu bat sortzeari ekin zion Aztibegia elkarteak orain dela hamairu urte. Orain, salto bat emateko aukera ikusi dute eta aurrera egitea erabaki.
Proiektu berriak Hego Euskal Herrian legaltasun osoz emititzeko baimenak lortu dituela jakinarazi dute, zehazki, Araba, Bizkaia eta Gipuzkoako zabaltasun osoan, eta Nafarroako zati batean.
"Lorpen handia da honakoa, izan ere, komunikazio talde handiak dira FMko dialen jaun eta jabe, bezerokeria da nagusi, eta ez da batere erraza bertan lekua egitea", diote.
Aztibegia elkartearen helburuetan berresten direla adierazi dute, "legalitatean oinarritutako proiektu nazional oso bat izateko bidean urratsak ematen jarraitzeko". Ipar Euskal Herrian lizentziak lortzeak erronka izaten jarraitzen duela aipatu dute eta irrati komunitarioen esparruan ekarpena egiten jarraitu nahi dutela.
Eskerrak emateko baliatu dute albistea: "Ezinbestekoa izan da ehunka herritarren ekarpena: kolaboratzaile, tokian tokiko laguntzaile eta bereziki gaur egungo 2.000 bazkideena. Aurrera begira ere, ezinbestekoa izango da guzti hauen babesa eta ekarpena".
Bilera irekiak deitu dituzte Hego Euskal Herriko hiriburuetan
Herritarrei fase berri honi buruzko informazioa eman asmoz, bilera irekiak deitu ditu Aztibegia elkarteak Hego Euskal Herriko hiriburuetan.
Iruñean urriaren 17an 19:00etan Condestable jauregian.
Donostian urriaren 18an 19:00etan Egiako kultur etxean.
Gasteizen urriaren 24an 19:00etan Aldabe gaizarte etxean.
Bilbon urriaren 24an 19:00etan La Bolsa eraikinean.
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Pobretuak kriminalizatzeko Jaurlaritzaren politika albiste izan da, berriz ere, azaroan. Salaketa anonimorako postontzia sortu du Lanbidek, herritar zintzoek Diru-sarrerak Bermatzeko Errenta jasotzen duten herritar potentzialki iruzurtien “jardun irregularren edozein... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Azken asteotan esku artean ibili ditut honako bi liburuak: Euskararen gogoetagunea (Euskaltzaindia, 2024) eta Mariano Ferrer, el periodismo reflexivo. Kazetaritza eta konpromisoa (Erein, 2023) . Irakurri dut euskaldunen %42,2k ikusten duela ETB1, eta %20,6k irakurtzen duela... [+]
Azken asteotan esku artean ibili ditut honako bi liburuak: Euskararen gogoetagunea (Euskaltzaindia, 2024) eta Mariano Ferrer, el periodismo reflexivo. Kazetaritza eta konpromisoa (Erein, 2023) . Irakurri dut euskaldunen %42,2k ikusten duela ETB1, eta %20,6k irakurtzen duela... [+]
Egunkariaren editoreak egindako adierazpen batzuen harira hartu du neurria Israelgo Gobernuak. "Netanyahuren erregimena krudela da eta apartheid-a ari da egiten", esan zuen Amos Shocken editoreak Londresen emandako hitzaldi batean, duela hilabete.
The Guardian egunkari britainiarrak lehenbizi eta La Vanguardia katalanak (espainolez argitaratzen du edizio zabalduago bat, baina katalanezko bertsioa ere badu) erabakia jakinarazi zuten atzo X/Twitter sare soziala uzten dutela, desinformazioaren ukuilua bihurtu delakoan.
Igande honetan, azaroaren 17an estreinatuko da Barraka izeneko late-night formatuko programa, EITBren Primeran plataforman. Hiru Damatxok ekoitzi du umorez blaitutako ikuskizun bizia.