Ines del Rion tafallarra atzo atera zen Teixeiroko espetxetik, 26 urte preso eman ostean. Londresko Auzitegi Gorenak, bestalde, Antton Troitiño preso donostiarra baldintzpean aske uztea erabaki du Estrasburgoren epaiaren ondoren.
Espainiak ezarritako zigorra osorik beteta Troitiño 2011ko apirilean geratu zen aske, 24 urte preso eman eta gero. Apur bat geroago, ordea, Espainiako Auzitegi Nazionalak 197/2006 doktrina ezarri zion, eta berriro atxilotzeko agindua eman. Iazko ekainaz geroztik eduki dute badaezpadako espetxealdian, Long Latin kartzelan, Worcestershire konderrian.
Estrasburgok aipatutako doktrinaren aurka egin ostean, Londresko Auzitegi Goreneko presidente John Thomas de Cwmgieddek Troitiño "ahalik eta azkarren" askatzeko agindu du. "Ines del Rio aske geratu dela ikusita, badirudi egokiena dela Trotiño ere libre uztea", esan du Thomasek.
Epaile britainiarrek astebeteko epea eman diote Espainiari, estradizio eskaera atzera botako duen ala ez jakinarazteko. Bien bitartean, Long Latineko espetxetik atera eta gero, preso donostiarrak egunero aurkeztu beharko du bere burua Londresko komisaldegi batean.
Astebete igarota Espainiak bere erabakiaren berri ematen ez badio, Thomasek adierazi du Londresko Auzitegi Goreneko fiskalak eta abokatuak Troitiño auzian nola jokatu adostu beharko dutela.
Ines del Rio, etxean
Ines del Rio tafallarra atzo arratsaldeko 16:40etan atera zen Teixeiroko (Galizia) espetxetik. Gauean heldu zen Euskal Herrira. Joserra Senar Berriako kazetariak itzulerako bidaiaren kronika egin du egunkariaren gaurko edizioan.
26 urte eman ditu preso. 2008ko uztailean atera behar zuen espetxetik, baina 197/2006 doktrina aplikatu zioten eta kartzelaldia 2017. urtera arte luzatu zioten.
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Zalapartak zalaparta, eta Espainiako Senatua gainditu ondoren, Europako zigorrak bateratzeko lege aldaketak aurrera jarraituko du. Horrela, 2008an zigorrak bateratzeko Europak onartutako zuzentarauari Espainiak 2014an jarritako salbuespena desagertuko da, eta horrek 45 euskal... [+]
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.