Industria jarduerari eutsi dioten enpresek “lotura estua” dute EAJrekin, zein dira?
Jaurlaritzak bere sokako enpresei “mesede” egiteko eutsi dio produkzioari. Hori da ELAren susmoa. Astelehenean EAEko eta Nafarroako gobernuaren kontra jarritako salaketan, irregulartasunak egin dituzten enpresa horien zerrenda luze bat ere aurkeztu zuten.
ELAk eta LABek salaketa jarri dute Eusko Jaurlaritzaren eta Nafarroako Gobernuaren kontra, funtsezkoak ez diren jarduerak eteteko Espainiako Gobernuaren Errege-Dekretua hausteagatik. “Argipen oharra” kaleratu zuen EAEko administrazioak eta enpresei eskatu zien ez uzteko produkzioa bertan behera.
ARGIAk salaketaren txosten osoa aztertu ahal izan du eta argipen oharraren ondoren jarduerarekin segi duten enpresen zerrenda luze bat ageri da bertan, sindikatuen arabera legea urratu dutenak. ELAk hedabide honi azaldu dionez, gehiago egon daitezkeen arren, horiek dira ateak irekita mantendu dituzten gehientsuenak, eta “lotura estua” dukete Eusko Jaurlaritzarekin eta EAJ alderdiarekin: “Elkar elikatzen dira” azaldu du Pello Igeregik.
JAZ Zubiaurre da enpresa horietako bat, Confebaskeko presidente Eduardo Zubiaurrek Eibarren duen lantegia. Zubiaurrek, hain zuzen, adierazpen polemikoak egin zituen Radio Euskadin, Espainiako Gobernuaren errege-dekretuaren kontra eta Arantxa Tapia ekonomia Garapen sailburuaren jarrera defendatuz. Horren ostean, sareetako erabiltzaile ugarik gogorarazi zuten EAEko patronaleko ordezkari nagusia Eibarko EAJko Uri Batzarreko presidentea izan zela iraganean.
Horrez gain beste enpresa batzuk ere nabarmendu ditu sindikatuak, haien zuzendaritzako kideak EAJren hurbilekoak direlako edo Jaurlaritzarekin harremanak izan dituztelako. Tartean dira Tubacex, Nuria Lopez de Guereñu –Jaurlaritzako Garraio eta Herri Lan sailburu izandakoa eta Confebaskeko presidente ohia– kontseilari duena, baita Haizea Wind ere; duela gutxi Iñigo Urkullu lehendakariak haize errotak egiten dituen enpresaren Santurtziko planta inauguratu zuen, honek Ekarpen funts publikotik 10 milioi euro jaso eta gero.
Sindikatuek osaturiko zerrendan 37 enpresa daude, horietako batzuk aski ezagunak, hala nola Olaberriko eta Bergarako ArcelorMittal, CAFen Irungo lantegia, Lointek, Nervacero, Indaux, Lapoxi, Fundiciones del Estanda, Arania… Azkeneko honek esku hartu zuen –Unesid siderurgiako patronalaren bidez– Sánchez eta Urkulluren arteko negoziazioetan, Espainiako Gobernuak martxoaren 30ean ekonomia guztiz geldiaraztea erabaki zuenean.
ELAren esanetan soilik erlazio horiek jakinda uler litezke Arantxa Tapiaren sailaren ahaleginak enpresen produkzioari eusteko, sindikatuen esanetan kasu askotan langileen segurtasuna bermaturik ez izan arren.
Bigarren lehendakariorde eta Ekonomia, Lan eta Enpleguko sailburuak armagintza industria goraipatu eta zabaldu diren “aukera” berrien aurrean sektorea “babestuko” duela azaldu du. “Beste kontu bat da gutako bakoitzak izan ditzakegun posizio... [+]
Urtarrilaren 15ean Zedarriak enpresa foroak bere seigarren txostena aurkeztu zuen Deustuko Unibertsitatean, Bilbon. Zedarriak taldeko zuzendari Guillermo Dorronsorok azaldu zuen hurrengo urteetan “segurtasun eta defentsa industrian” diru asko inbertituko dela... [+]
Asteazkenean ekin zion Laudioko enpresak labea hozteko prozesuari, Eusko Jaurlaritzako teknikarien bermearekin. Langileak haserre eta "engainatuta" azaldu dira erakundeen jarrerarekin: "Gu babestera joan eta langileen ondoan egon behar zuena, ez da egon"... [+]
Azken urteotan, industria politikaren kontzeptua hainbat mailatan indarrez berragertu da. Neoliberalismoaren mailua izandako erakundeak, Nazioarteko Diru Funtsak, gaur egun zera azpimarratzen du: merkatuek baliabideak modu eraginkorrean esleitzeko eta arazo horiek konpontzeko... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
.png)
Gasetik sortutako elektrizitate ekoizpena bosgarren urtez jaitsi da, eta jatorri fosileko elektrizitate sorkuntza orokorra minimo historikoan dago, Ember erakundearen European Electricity Review txostenaren arabera.
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
Euskal Herriko eta Kataluniako indar eskuindarrek bat egin dute PPrekin eta Voxekin, zerga ez luzatzeko.
Zerrenda honetan, 2016az geroztik armagintza programaren batean parte hartu duten enpresak sartu ditu Gasteizkoak taldeak, edo militarrentzako produktu espezifikoak garatu dituztenak (ibilgailuak, pinturak, bateriak…). Hego Euskal Herrian sortuak, edo Hego Euskal... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Armagintzaren “moldaketa eraldatzailerako” proposamena publiko egin berri du mugimendu antimilitaristak. Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez... [+]
"Ez gaude prest lauzpabost urte barru datorkigunerako. Arriskua ziztu bizian dator guregana. Aurre egin behar diogu: Ukrainan gertatzen ari dena hemen ere gerta liteke” (...) “Errusia, Txina, baina baita Ipar Korea eta Iran ere, gogor ari dira lanean Ipar... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]