Inditexeko langileek protesta egin dute 20 saltoki ixteko enpresaren asmoaren aurka
Santo Tomas eguna baliatuz txerriaren zozketaren parodia egin dute langileek kalejiran. Inditexek 20 saltoki itxi nahi ditu Hego Euskal Herrian, abian duen digitalizazio prozesuaren lehen fasean. Berria-k argitaratu duenez, apirilerako zazpi saltoki nahi ditu itxita enpresa transnazionalak.
Donostiako kaleetan zehar egin dute kalejira Inditexeko langileak, gehienak emakumeak. San Martin merkataritza gunetik irten, eta enpresak erdigunean dituen dendetara hurbildu dira langileak. Santo Tomaseko txerriaren zozketa parodiatuz, saltokien itxierek “ beren lanpostuetan eragingo dituen ondorio latzekin alderaketa egin nahi da”, adierazi du ELA sindikatuak ohar batean.
Digitalizazio prozesua online saltzeko
2019ko udan Inditexek iragarri zuen eraldaketa digitalerako prozesu bat abiatuko zuela, salmenten %25 online egiteko helburu nagusiarekin. “Prozesu horrek, denden itxieretatik harago, neurri handiagoan edo txikiagoan, taldeko enpresetako langile guztiei eragingo die: zara, Massimo Dutti, Berskha, Stradivarius, Pull & Bear, Oysho…”.
Hego Euskal Herrian abendu hasieran hasi da “negoziazio prozesua”, eta hor jakinarazi du enpresak 20 saltoki ixteko asmoa duela. ELAk salatu duenaren arabera, enpleguak galtzeko arriskuaz gain mantentzen diren enpleguen lan-baldintzetan ere eragin dezakete itxierek eta prozesuak oro har: “Inditexek ez du bermatzen enplegua baldintza berberetan eskainiko duenik, eta ez du baztertzen bere langile batzuek bizilekuz aldatzea, Inditexen lanean jarraitu nahi badute”.
Apirilerako zazpi saltoki itxi
Berria-k argitaratu duenaren arabera, plan horren barnean apirilerako lehenbiziko zazpi saltokiak ixtea aurreikusten du Inditexek, 66 lanpostu arriskuan jarriz. Hauek dira saltokiak: Leioa eta Iruneko Stradivariusak; Iruñea eta Lasarteko Massimo Duttiak; Bilboko Pull and Bear bat; eta Gasteiz eta Barakaldon Zara bana.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Martxoak 8aren izaera iraultzailea berreskuratzeko deia egin du Itaia emakumeen antolakunde sozialistak. Irene Ruiz Itaiako kideak azaldu digunez, “oldarraldi erreakzionarioaren eta matxismoaren aurrean proposamen iraultzailea hauspotu eta kontzientzia sozialista... [+]
SPRI sozietatearen eraikinaren aurrean elkartuko dira langileak hurrengo asteko ostiralean.
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
Arriskuan dauden BSH, Sunsundegui, Nano Automotive, Siemens Gamesa, Tenerias Omega, Tasubinsa eta Volkswagen enpresetako langile batzordeek haien egonezina azaldu dute eta Nafarroako Gobernuari "benetan bermatzailea den legeria bat artikulatzea" eskatu diote.
Ibilgailu baten bidez, Ver.diren protesta batean zeuden manifestariak aurretik eraman ditu. Duela egun gutxi, supremazista zuri batek 11 pertsona erail zituen Suedian.
Otsailaren 6 honetan zenbatu dituzte departamenduko laborantza ganberarako bozak. Biarnoa eta Ipar Euskal Herria biltzen dituen departamenduan lehen indarra izaten segitzen du agroindustriaren sustatzailea den FDSEAk baina indarra galdu du: %54tik %46ra pasa da.
Izena duen oro bere izanaren jabe liburua plazaratu du LAB sindikatuko idazkaritza feministak, hainbat kide feministaren lekukotasunak oinarritzat harturik. "Genealogia edo glosario bat gauzatu dugu edo, agian, gauza biak batera dira edo baliteke ez izatea ez bata ez... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Langabeen artean, 2.302 pertsona gehiago erregistratu dituzte urtarrilean Hego Euskal Herrian, eta horietatik 2.173 emakumeak dira, Espainiako Lan Ministerioak emandako datuen arabera.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.