Independentisten kritiken artean iragarri ditu Pedro Sánchezek indultuak
Astearteko ministroen kontseiluak hartuko du erabakia, Espainiako presidenteak Bartzelonan jakinarazi duenez. Neurria elkarbizitzaren aldekoa dela defendatu du, baina elkarrizketa “konstituzioaren barnean” eman behar dela. Independentismoak amnistia aldarrikatu du prozesu independentistaren errepresaliatu guztientzat.
“Bihar, adiskidetasunaren espiritu konstituzionalean pentsatuz, kartzelan dauden bederatzi auzipetuei indultua ematea proposatuko diot ministroen kontseiluari”, esan du Espainiako Gobernuko presidente Pedro Sánchezek astelehenean. Mintzaldi labur batean iragarri du neurria, Bartzelonako lizeoan propio prestatutako ekitaldian, 300 pertsonaren aurrean.
Kataluniako egoera politikoa eskasa dela eta horretan guztiek dutela erantzukizunik esan du Sánchezek, “desakordioan” betikotzea dela aukera bat, baina beste bat dela hori atzean utzi eta “adiskidetasunaren” alde egitea: “Horren alde egin du Espainiako Gobernuak”, ziurtatu du. Indultuak elkarbizitzarekin lotu ditu Sánchezek: "Onartuko ditugun indultuen funtsezko arrazoia elkarbizitzarako duten baliagarritasuna da. Ziur nago milaka katalan ordezkatzen dituzten bederatzi pertsona horiek kartzelatik ateratzea Espainiako demokraziaren adostasunaren eta bizikidetzaren aldeko mezu irmoa dela”.
Ideiak libre... konstituzioa muga
Indultatuei ez diela eskatzen beren ideiak alboratu ditzatela azaldu du Espainiako presidenteak, baina baldintza at jarri dio Kataluniako eta Espainiako gobernuek hastekoa duten elkarrizketarako: “marko konstituzionala” onartzea. Bere hitzartzearen izenburua argigarria izan da, zentzu horretan: Berriz elkartu: Espainia osoarentzako etorkizuneko proiektua. Indultuen aurka dagoen eskuineko unionismoari esan dio aurkakotasun hori ulertu eta onartzen duela, baina eskatu dio ere onartu dezala indultua legezkoa dela. Voxek, Ciudadanosek zein PPk helegiteak aurkeztuko dituztela iragarri dute.
.jpg)
Amnistia
Independentismoa da indultuen ustezko onuraduna, baina kritikekin hartu du berria. Lizeo kanpoan ehunka manifestari batu dira amnistia aldarrikatzeko. Lizeoan ez da egon Kataluniako Gobernuko inongo ordezkaririk.
Modu kritikoan bada ere indultuari babesa eman dion indar independentista bakarra orain arte ERC izan da, eta nagusiki Oriol Junqueras. Ekainaren 7an argitaratutako gutun batean, lurrikara sortu zuena independentismoan, indultuak babestu zituen eta aldebakartasuna zalantzan jarri zuen. Asteburuan adierazi du indultuak “garaipen” bat direla, Espainiaren ahuleziak “agerian” uzten dituztelako. Asteburuan ere, Kataluniako Gobernuko presidente Pere Aragonesek eta Kataluniako presidente ohi Carles Puigdemontek adierazi dute indultuak ez direla “gatazka politikorako irtenbidea”, eta amnistia eta autodeterminazioa aldarrikatu dituzte. JxCATek Belgikan egin du prentsaurrekoa, gogoratuz, besteak beste, indultuek erbesteratutako buruzagi independentistak kanpoan uzten dituztela.
Prozesu independentistaren ondorioz auzipetutako pertsonak 3.000 baino gehiago direla eta ezin direla bazterrean utzi azpimarratu du CUPek, Sánchezen mintzaldiaren bitartean lizeoaren ondoan antolatu duen ekitaldian. “Pedro Sánchez jauna, ez zara ongi etorri Herrialde Katalanetara. Arazoaren parte zara”, esan du CUPeko bozeramaileak ekitaldian; “Indultuak ez dira inongo irtenbidea. Errenuntzia politiko bat dira gatazka politikoaren aurrean”, Arranekoak. "Lotsaren pakturik eta errendiziorik ez: 3.000 errepresaliatuengatik eta askatasunarengatik, independentzia", aldarrikatu du ANCk. Omnium Culturalek aministiaren aldeko 200.000 sinadura aurkeztu ditu egun berean Madrileko Diputatuen Kongresuan.
Sánchezen hitza eten du Arranek
Arran gazte erakunde independentistako kide batek eserlekutik altxatu eta Sánchezen mintzaldia eten du, justu presidenteak indultuak iragarri dituen unean. Bandera bat eskutan hartu eta indultuen aurkako eta amnistiaren aldeko oihuak bota ditu gazteak.
? Militant d'@Arran_jovent fa boikot a l'acte de @sanchezcastejon. No volem els seus indults, amnistia per totes les represaliades! pic.twitter.com/45sYLVXgr0
— Arran (@Arran_jovent) June 21, 2021
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
Joan M. Serra soziolinguistikak hizkuntza katalanaren etorkizun posibleei buruzko liburua kaleratu du: L'ús parlat del català: En un tombant decisiu (Katalanaren ahozko erabilera: bidegurutze erabakigarrian). Kike Amonarrizek irakurri du eta... [+]
Baratzerako udako nagiak astindu ditzagun. Lehen udazkenean izaten zen sagardoaren txotx denboraldiaren hasiera, orain neguaren zilborrean izaten dugu. Ezagun katalanen bat duen edozeinek pentsa dezake sagardo gozoa calçot tipula erreekin dastatzeko atzeratu eta sortu... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Carles Puigdemonten ihesaldiaren bertsio bat kontatu du La Vanguardiako kazetari Mayka Navarrok, "iturri ofizialetatik lortua". Lastozko txapelak, gurpildun aulki bat eta hiru ibilgailu erabili zituzten mossoak nahasteko. Puigdemontek “gaur edo bihar” hitz... [+]
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
2017tik Bruselan dago Kataluniako presidente ohia, baina itzultzea erabaki du Generalitateko hurrengo presidentearen inbestidura eztabaidarako. “Normaltasun demokratikoko baldintzak ez” izatea salatu du, eta aipatu du itzultzeak suposatzen duen atxiloketa arriskua.
Zortzi hilabeteko erbestealdiaren ondoren, etxera eta Directa-ko erredakziora itzuli da Rodríguez (Gramanet del Besós, Bartzelona, 1974). Inork ezer espero gabe, uztailaren 8an, arratsalde bakarrean, erabat irauli zen bere eta beste hamaika inputaturen aurkako... [+]
Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
2017ko erreferendumaren harira, U-1aren auzi judizialean diru publikoa bidegabe erabiltzeagatik zigortutakoei ez zaie Amnistia Legea aplikatu behar, Espainiako Auzitegi Gorenaren esanetan. Puigdemonti ez ezik, Junqerasi, Romevari, Bassari eta Turulli ere eragiten die ebazpenak.