Independentisten arteko ika-mika Katalunian: Puigdemontek Konstituzionalean Torrenten aurka egin du
Urak nahasita datoz Katalunian: Carles Puigdemontek, atzerriratutako Generalitateko presidenteak, errekurtsoa jarri du Roger Torrent Kataluniako parlamentuko lehendakariaren kontra Espainiako Auzitegi Konstituzionalean, parlamentuko mahaiak boto delegaturako aukera ukatu diolako.
ERC eta Junts per Catalunyaren arteko tentsioaren erakusgarri da Puigdemonten salaketa. Kataluniak independentzia lortzen saiatzeko bidea hartu zuenetik, bi partiduen arteko tirabirak etengabekoak izan dira, baina momentu garrantzitsuenetan lortu izan dute kontsentsuetara iristea.
Baina 2018 osoan zehar bi indar politikoen arteko distantzia geroz eta handiagoa bilakatu da eta azken salaketa honekin aspaldian ez bezain nabarmen ageri da zatiketa iritzi publikoaren begietan.
Nació Digital agerkarian Oriol Marchek idatzi duenez, hitz egiten duenaren arabera desberdin uler daiteke Puigdemonten ekimena: Junts per Catalunyaren arabera, Roger Torrentek urtarriletik zekien Puigdemontek Konstituzionalera joko zuela, Puigdemonten alderdikoa den parlamentuko presidenteordea, Josep Costa, harekin bildu baitzen gaiaz informatzeko. ERCk, ordea, erabakiaren berririk ez zuela dio.
Kataluniako Gobernuaren bozeramaileak, Elsa Artadik (Junts per Catalunyakoa hau ere), garrantzia kendu nahi izan zion astearteko berriari, “gai teknikoa” dela adieraziz. Artadiren arabera, Puigdemontek Konstituzionalean errekurtsoa jartzea erdibideko urrats bat da, gaia ahalik eta azkarren Europako justiziaren esku uzteko.
Baina horretan ere ez daude ados JxC eta ERC: errepublikarren ustez, Konstituzionalera jotzea ez da “ezinbestekoa” Puigdemonten afera Europara eramateko.
Albistea argitaratu eta lehenbiziko erreakzioen ondoren, bi alderdietako kideak saiatu dira ekaitz mediatikoa baretzen. Aste gutxi geratzen dira Espainiako Auzitegi Gorenean prozesu independentista gidatu zuten buruzagi politikoen aurkako epaiketa hasteko eta independentismo kataluniarrari ez zaio interesatzen momentu horretara zatiketa-giroan iristea.
Goiburu baten bidez ezagutu nuen Juana Dolores; zera zioen: iraultzaileagoa zela ondo idaztea, katalanez idaztea baino. Flipatu egin nuela aitortu diot, eta berak esan dit bizitzako lehen elkarrizketa zuela hura. Lau urte geroago, berritasunaren olatua surfeatu du, eta... [+]
Esan ohi da uda sasoia parentesia dela politikan. Agian politikaren ikuspegi instituzional hutsa duenak pentsatuko du horrela, baina oraindik ere amaitzear den aurtengo udak eman digu zer aztertu.
Uda sasoia hasteko zela osatu zen Araba, Bizkaia eta Gipuzkoako autonomia... [+]
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
Baratzerako udako nagiak astindu ditzagun. Lehen udazkenean izaten zen sagardoaren txotx denboraldiaren hasiera, orain neguaren zilborrean izaten dugu. Ezagun katalanen bat duen edozeinek pentsa dezake sagardo gozoa calçot tipula erreekin dastatzeko atzeratu eta sortu... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Carles Puigdemonten ihesaldiaren bertsio bat kontatu du La Vanguardiako kazetari Mayka Navarrok, "iturri ofizialetatik lortua". Lastozko txapelak, gurpildun aulki bat eta hiru ibilgailu erabili zituzten mossoak nahasteko. Puigdemontek “gaur edo bihar” hitz... [+]
2017tik Bruselan dago Kataluniako presidente ohia, baina itzultzea erabaki du Generalitateko hurrengo presidentearen inbestidura eztabaidarako. “Normaltasun demokratikoko baldintzak ez” izatea salatu du, eta aipatu du itzultzeak suposatzen duen atxiloketa arriskua.
Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]
2017ko erreferendumaren harira, U-1aren auzi judizialean diru publikoa bidegabe erabiltzeagatik zigortutakoei ez zaie Amnistia Legea aplikatu behar, Espainiako Auzitegi Gorenaren esanetan. Puigdemonti ez ezik, Junqerasi, Romevari, Bassari eta Turulli ere eragiten die ebazpenak.
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.
Setio egoeran bizi gara euskaldunok eta katalanak Espainiako Estatuan, eta gainera ez dugu horren kontzientzia argirik, uste dut. Katalunian hori oso nabarmena izan da azken hauteskundeetan eta ondorengo egoeran.
Benetan aztertzeko modukoa da gertatu dena: Espainiako botere... [+]
ERCk hamahiru parlamentari galdu ditu joan den igandeko hauteskundeetan eta barne krisia ate joka du. Pere Aragonés Generalitateko jarduneko lehendakariak dimisioa aurkeztu du dagoeneko eta lehen lerrotik erretiratuko dela iragarri du.