Independentearen papereko edizioko lehen alea banatuko da Durangoko Azokan
Duela hiru urtetik datorren asmoa betez eta uztailean Elosuan burutu genuen baraualdian erabakitakoa mamituz, Independentearen ale berezi bat lortzeko aukera izango da aurtengo Durangoko Azokan, abenduaren 7tik 10era. Azoka horren sarreretan eskuz esku banatzen ibiliko gara hainbat boluntario, nahi duenari ale bat emateko prest. Horrekin batera, bere herrian eta inguruan ale gehiago banatu nahi dituenari sorta bat emango diogu.
Oraindik Independentea ezagutzen ez duenak paperean lortzeko aukera izango du aurtengo abendutik aurrera, Durangoko Azokatik hasita
Independentea, herri kazetagintzaren agerkaria, 2020tik ari da lanean euskarri digitalean, deklaratutako azken pandemiaren testuinguruan sortu zenetik. Izan ere, testuinguru hartan ikusi genuen bazegoela euskarazko ohiko komunikabideetan hutsune nabarmen bat, eta gure ahotsa entzunarazteko bozgorailu gisa eta ohiko hedabideetan posible ez zen gure arteko komunikazioa errazteko sortu genuen Independentea. Hiru urteko ibilbidean, euskaldun asko saretzeko tresna izan da, nahiz eta oztopoak ere ugari aurkitu dituen bere bidean. Esan behar da euskal komunikabideak askotan egon direla jo-puntuan eta, alde horretatik, Independentea ez da salbuespena izan, nahiz eta erasoak uste ez genuen tokitatik iritsi. Botereak aplikatutako zentsura hutsaren eta errepresio gordinaren bidez izan ez denean, jazarpen informalagoak maiz eraman ditu euskarazko komunikabideak autozentsurara, eta Independentearekin ere egon da, egon, hori lortzeko saiakera egin duenik. Hala ere, eta gorabeherak gorabehera, iraun egin du komunikabide txiki horrek, bere xumean.
Orain papereko edizioa dator, beraz. Pauso esanguratsu horrekin, gure herriaren historian modu ukigarri eta fisikoan sartuko da Independentea. Euskal irakurle oro gonbidatzen dugu ale bat lortzera eta, jarraian, nahi badu, bere herrian, auzoan, etxean edota lantokian banatzera. Oraindik Independentea ezagutzen ez duenak paperean lortzeko aukera izango du aurtengo abendutik aurrera, Durangoko Azokatik hasita. Euskal Herriko txoko guztietara irits dadin nahi dugu, eskuz esku pasatuz, benetako auzolan autogestionatuan, doakoa izango den ale berezia.
Ekimen honetan parte hartu nahi dutenek mezua idatz dezakete info@independentea.eus e-posta helbidera edo Durangoko Azokan bila gaitzakete.
Ihintza Tellabide Amunarriz
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
Azaroaren 15ean Errenteria-Oreretan Euskal Herria Digitala osatzen dugun eragileek antolatutako hirugarren jardunaldiak egingo ditugu. Autodefentsa digital feminista lantzeko tailer bat eta digitalizazio demokratikoa oinarri izango duen hitzaldi bat izango dira... [+]