Indarkeria sexista salatzeko elkarretaratzea, Tuteran
Emakume batek salatu du larunbatean (urtarrilak 11), goizaldeko zazpietan, gizon batek eraso ziola Erriberako hiriburuko Neguko Pasealekuan. Foruzaingoa erasotzailearen bila ari da.
Emakume batek sexu erasoa jasan duela salatu du igande honetan Foruzaingoaren aurrean. Dagokion atestatua epaitegira bidali ondoren, ikerketa ireki dute orain, gertakarien egilea identifikatzen saiatzeko. Erasoa gaitzesteko eta biktimari elkartasuna adierazteko elkarretaratzea egin zuten atzo, urtarrilak 12, 300 bat lagunek.
Salaturiko sexu erasoaren aurrean "gaitzespen sakonena" agertu du Nafarroako Gobernuak, eta, aldi berean, babesa eta elkartasuna adierazi die biktimari eta haren familiari. Exekutiboak "adierazpen matxista ororen aurka borrokatzeko konpromiso irmoa" adierazi du ohar baten bidez, eta herritarrei dei egin die gaur arratsaldeko 19:00etan Tuteran deitutako elkarretaratzean parte hartzera. Ekitaldia Tuterako Foruen Plazan izango da eta Javier Remirez Presidentetza, Berdintasun, Funtzio Publiko eta Barne kontseilaria bertan izango da.
Foru Exekutiboak, Nafarroako Berdintasunerako Institutuaren (Nabi) bidez, honako hau nabarmendu du: "Emakumeen aurkako erasoak ez dira gertakari isolatuak, baizik eta emakumeenganako indarkeriaren testuinguruan kokatu behar dira, emakumeen eta gizonen arteko desberdintasunaren adierazpen eta isla basatiena baita gure gizartean".
Hori dela eta, "indarkeria mota hori prebenitzeko biderik eraginkorrena, emakume izateagatik emakumeen aurka egiten dena, politika publiko feministak" direla azpimarratu du, eta "emakumeen bizitzaren, askatasunaren, duintasunaren eta herritartasun osoaren aurka egiten duten indarkeria mota guztiak desagerrarazteko lanean jarraitzeko erantzukizuna" berretsi du.
Gainera, "eraso sexisten prebentzioan eragiten jarraitzeko konpromiso irmoa" agertu du, "emakumeen aurkako indarkeria-egoera bakar bat ere egon ez dadin", eta "noizbait eraso edo indarkeria matxista egoerak bizi izan dituzten emakume guztiei babesa eta elkartasuna" adierazi die.
Tuterako Udalak “irmoki” salatu du gertaturikoa, justiziak bere lana egin dezan lagunduko duela iragarri du, eta biktimari elkartasuna adierazi dio.
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]
Taldeak berak adierazi du Instagram bidezko ohar batean astelehenean izan dutela Ivan Carmonaren aurkako akusazioaren berri. Neska gazte bat taberna batean ukitzeagatik da salaketa, eta taldeak “sexu-eraso arintzat” jo du.
Nafarroako Iparraldeko herri batean jazo zen dena, biktima erasotzailearekin eta emaztearekin bizi zela. Neskak 17 urte zituenean bortxatu zuen lehen aldiz akusatuak, eta urtebetez luzatu ziren sexu erasoak. Biktimak 23 urterekin salatu du dena.
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
Ertzaintza gertaera ikertzen ari da, eta oraingoz ez dago atxiloturik. Bestalde, Erandion gizon bat atxilotu dute bere bikotekidea nasatik trenbidera botatzeagatik. Nafarroako Probintzia Auzitegian berriz, astelehenez hasiko da bikotekide ohiari sexu erasoak egiteaz akusatutako... [+]
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.