Indarkeria matxistagatik umezurtz gelditu direnentzako dirulaguntzak bideratuko ditu Nafarroako Gobernuak
Dirulaguntzak bateragarriak izango dira zurztasun pentsioarekin, Felix Taberna Lehendakaritza eta Berdintasun Kontseilariak Foru Legebiltzarrean iragarri duenez. Genero indarkeriarekin zerikusia duten salaketak %21 hazi dira aurten, 2022arekin alderatuz.
Egunero genero indarkeriarekin zerikusia duten sei salaketatik gora jartzen dira Nafarroan, 1.517 guztira 2023ko urtarriletik abuztuaren 31ra arte. Horrek esan nahi du, 2022ko epe berdinarekiko %21 hazi direla, “gizartearen sentsibilizazio eta kontzientziazio handiagoa” dela eta, Felix Taberna lehen lehendakariorde, Lehendakaritza eta Berdintasun Kontseilariaren ustez.
Foru Parlamentuan adierazi duenez, bere lan taldeak norabide horretan jarraituko du lanean eta 2024an indarkeria matxistagatik umezurtz geratu diren pertsonek “berehalako eta kudeaketa errazeko” diru laguntza bereziak jasoko dituzte. Hala erantzun dio EH Bilduren interpelazio bati gobernuaren kontrolerako Osoko Bilkuran. Tabernak argitu du prestazio berri hori bateragarria izango dela zurztasun pentsioarekin.
Era berean, Sexu Indarkeriei Arreta Integrala Emateko Zentroa "martxan jartzen" ari direla adierazi du. Zerbitzu berri hori zabalik mantenduko da beti, baita gauetan eta jai egunetan ere. Izan ere, "erakundeok emakumeen aurkako indarkeriaren aurrean erantzun integrala emateko betebeharra dugu, biktimen eta haien seme-alaben babesa eta segurtasuna indartuz", nabarmendu du Tabernak.
Ildo honetatik, Nafarroako Berdintasunerako Institutuan emakumeen aurkako indarkeriaren biktimen akreditazioetarako "leihatila bakarra" sortuko dela aditzera eman du. Orain arte, Institutuak etxebizitza babestua eskuratzeko irizpideez arduratzen zen, gainerako zerbitzuak Justizia Kontseilaritzaren menpeko Delituaren Biktimei Laguntzeko Bulegoak eskaintzen zituelarik. Antolakuntza berriak aukera ematen du “prestazio, laguntza eta baliabide gehiago eskuratzeko", nabarmendu du Tabernak.
Kontseilariak eman dituen datuen arabera, abuztuan 198 salaketa erregistratu dira Foru Erkidegoan emakumeen aurkako indarkeriagatik. Horietatik erdia baino gehiago, %56 zehazki, indarkeria fisikoagatik; % 13 indarkeria psikikoagatik; % 17 babes agindua urratzeagatik eta % 14 sexu-indarkeriagatik.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Biktimak 13 urte zituenean, 1998 eta 2001 artean, Lointek kirol taldeko Mario Lopez entrenatzaile ohiaren parteko sexu abusuak jasan zituen. Emakumeak duela urtebete salatu zuen, eta epaiketa 2025eko urtarrilaren 14tik 16ra egingo da, Bizkaiko Auzitegian. Mugimendu... [+]
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Erasoen aurrean “kikilduko ez direla” eta "nazkaturik" daudela adierazi dute Lezo eta Errenteriako feministek eta autodefentsa feminista eta ekintza zuzena aldarrikatu dituzte.
Gizon batek egindako jazarpena salatu du Irati Rusiñol hendaiarrak sare sozialetan. Komisarian ere jarri du salaketa. Salaketa publiko egin ostean, beste 30 emakumek esan dute gizon beraren erasoak jasan dituztela. Rusiñolek adierazi du beste inori halakorik egin... [+]
Zur eta lur hartu dituzte Nafarroako Berdintasun teknikariek festa girorako enpresa zenbaitek egindako proposamenak. Edalontzia estaltzeko tapak edo eta edarian drogarik dagoen ikusteko eskumuturrekoak.
Bilbon bazterkeria arriskuan dauden kolektiboekin lanean aritu nintzen bost urtez, arrakala digitalaren inguruan, batez ere emakumeekin. Bidean, bortizkeria matxistekin eta beste arazo askorekin aurkitu nintzen. Oso modu organikoan, indarkeria matxista pairatzen zuten... [+]
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Adinekoen egoitzako egoiliarra da asteazken gauean hildako emakumea. Larriki kolpaturikoa ospitalera eraman zuten, baina bertan hil zen emakumea. Bertako egoiliarra den 68 urteko gizon bat atxilotu dute, indarkeria matxista leporaturik.
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen... [+]