Eusko Jaurlaritzak probarako egitasmoa abiatu du Bilboko auzitegietan. Datorren urtean balorazioa egingo da, eta egitasmoa EAEko gainontzeko epaitegietan ezarri ala ez erabaki.
Hilabete amaieran abiatu nahi du probarako egitasmoa Eusko Jaurlaritzak. Bilboko auzitegietan bost pertsonako laguntzaile talde bat jarriko dute, psikologoek eta gizarte hezitzaile eta langileek osatua. Maria Jesus San Jose Justizia Sailburuaren hitzetan, “biktimek auzitegietan jasaten duten estresa ahalik eta gehien murriztea da helburua”.
Genero indarkeria edo sexu bortizkeria jasan dutenei epaitegietan egin beharreko bidea erraztea izango da taldearen egitekoa. Erasoa pairatu duenari prozeduraren gaineko informazioa helarazteaz gain, konpainia ere egingo diote epaitegian sartzerakoan eta itxaronaldietan, erasotzailearekin topo egin dezan ekiditeko. Indarkeria jasan duen emakumeak seme-alabak izatekotan, horiek ere jaso ahalko dute laguntza. Zerbitzua borondatezkoa izango da, eta erasoa jasan duenak erabakiko du honetaz baliatu ala ez, bere behar eta nahien arabera.
Urriaren bukaera aldera martxan jartzea aurreikusten den egitasmoak urtebeteko bidea egingo du, eta ondoren balorazioa egingo da. Balorazio horren arabera erabakiko da EAEko gainontzeko epaitegietan laguntza ezarri ala ez.
Bizkaiko hiriburuko auzitegietan emango ditu lehen pausoak egitasmoak. Feminicidio.net behatokiak Espainiako Estatuko Botere Judizialaren Kontseilu Nagusiak genero indarkeriaren gainean emandako 2016ko datu estatistikoekin egindako analisien arabera, indarkeria jasan duten emakumeak okerren artatzen dituen lurraldeen artean dago Bizkaia. Gaia hizpide izan genuen ARGIAren 2619. zenbakiko Indarkeria matxista salaketak: Prozesu judizialaren argi-ilunak erreportajean.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]