Indarkeria matxista arbuiatzeko protesta jendetsuak egin dira Zarautzen eta Tolosan
Zarautzen gizon batek neska adingabe bati egindako sexu erasoa salatu dute, eta Tolosan, berriz, beste gizon batek osteopatia kontsultategi batean bi emakumeri egindako sexu erasoak salatu dituzte. Bi kasuetan atxilotu dituzte ustezko erasotzaileak.
Harrabotsa eragin dute herritarren artean azken egunotan Zarautzen (Gipuzkoa) eta Tolosan (Gipuzkoa) argitara atera diren indarkeria matxista kasuak. Horren erakusgarri dira astearte arratsaldean eginiko protestak. Zarautzen manifestazio jendetsua egin dute udaletxe plazatik abiatuta, Indarkeria matxitari erantzun. Autodefentsa feminista lelopean, eta Tolosan ere elkarretaratzeak egin dituzte, herrian izandako bi sexu erasoak gaitzesteko: bata Plaza Zaharrean, Tolosako Udalak deituta, eta bestea Triangulo Plazan, Tolosaldeko Itaiaren eskutik.
Eusko Jaurlaritzako Segurtasun Sailak eman zuen Zarauzko kasuaren berri, eta jakinarazi zuen joan den ostegunean gizon bat atxilotu zutela, neska adingabe bati sexu erasoa egitea leporatuta. Egun bat beranduago eraman zuten epailearen aurrera, baina ikerketak oraindik zabalik jarraitzen du.
Zarauzko hitza-k jaso duenez, Euskal Herriko Emakumeon Mundu Martxak, Zarauzko Bilgune Feministak eta Morroxka taldeak manifestazioaren amaieran irakurritako manifestuan azaldu dute indarkeria sexistaren prebentzioa egiteko gaia “lehen lerroan” jartzea beharrezkoa dela, eta eragile, administrazio zein elkarteei eskatu diete “ardura har dezatela”.
Tolosan, berriz, urtarrilaren 21ean atxilotu zuten ustezko erasotzailea, osteopatia kontsultategi batean bi emakumeri sexu erasoak egitea leporatuta. Erasoetako bat duela urte batzuk gertatu zen; eta bestea, berriz, duela gutxi. Antza, gizonak hasieran masaje bat ematen zien bizkarreko, lepoko edo gerrialdeko eremuetan, gerora inolako baimenik gabe eremu intimoetara iritsita.
Tolosako epaitegiko epailearen aurrean deklaratu ondoren, ustezko erasotzailea kargupean aske geratu da, baina ikerketak zabalik jarraitzen du, iturri ofizialek uste baitute pertsona gehiago izan daitezkeela kaltetuak. Hori dela eta, Oriako ertzain-etxean salaketa jartzeko gomendatu diete biktimei.
Tolosako Udalak indarkeria matxistak “gure bizitzako esparru guztiak” zipriztintzen dituela esan du elkarretaratzearen amaierako ekitaldian, eta horiek guztiekin amaitzea dela helburua: “Indarkeria sexistarik gabeko herri bat eraiki nahi dugu”. Hala adierazi du Tolosaldeko ataria-k.
Tolosaldeko Itaiak egindako elkarretaratzean, berriz, emakume langileen aurkako eraso ororen aurrean erantzun “eraginkorrak” hedatzea beharrezkotzat jo dute: “Argi dugu ezinbestekoa dela erasoak gauzatzen dituztenak seinalatzea, baita emakumeok egoera horretatik askatzeko baliabide ekonomiko zein sozialak garatzeari ekitea ere”. Itaiak bide horretan jarduteko konpromisoa duela adierazi dute.
Zazpi atxilotu Nafarroan
Foruzaingoak zazpi gizonezko atxilotu ditu asteburu honetan, indarkeria matxistarekin zerikusia duten delituak leporatuta: lau gizon atxilotu dituzte familia eremuko tratu txarren delituengatik; beste bi kautelazko neurriak urratzeagatik; eta zazpigarrena sexu erasoengatik. Tuteran, Zarrakaztelun, Cascanten, Milagron, Caparroson eta Iruñean eman dira gertakariok, Berria-k jaso duenez.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Bi akusatuek espetxe zigorra berreikusteko eskatu ostean, Felix Taberna presidenteorde lehenak adierazi du ez dagoela zigorra murrizteko baldintza juridikorik: "Zigorrak dauden bezala mantentzeko adinako larritasuna du delituak". Defentsaren abokatuak salatu du bi... [+]
Lau urteko kartzela zigorra, zazpi urteko inhabilitazioa eta hiru urtez 12 urteko biktimarengandik urruntzeko agindua eman du Gipuzkoako Probintzia Auzitegiak. Neskari 6.000 euro ere ordaindu beharko dizkio erasotzaileak kalte-ordainetan.
Gertatutakoak ez direla kasualitatea azpimarratu dute. Unibertsitateko eremuetan indarkeria matxista gertatzen dela azaldu dute, eta arazoa sistematikoa dela. Protokolo bat eskatu dute erasotuak babesteko. Erasotzaileak inpunitate osoarekin jokatu duela salatu dute.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
_2.jpg)
EHUko Errektoretza Taldeak ARGIAra igorritako oharrean zehaztu duenez, Filologia Hispanikoko irakaslearen aurkako salaketen "berri izan zuen unetik abian da protokoloak zehazten duen prozedura". Denuncias Euskal Herria Instagrameko kontuan bost salaketa anonimo... [+]
Atzo eguerdian labanaz eraso zion bere amari Irunen eta Donostiako Ospitalean hil da. Erasotzailea epailearen aurrean deklaratzeko esperoan dago.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]