Indarkeria ardatz hartuta, Bilboko antzerki eta dantza garaikide jaialdia hasiko da asteazken honetan
Bilboko Udalak antolatzen duen BAD jaialdia urriaren 17tik 28ra hiriko sei agertokitan ospatuko da dantza eta indarkeria lotuz. Bilboko Antzerki eta Dantza Garaikide Jaialdiak, lau estreinaldi eskainiko ditu Campos Antzokian, Sandra Gómez, Blanca Arrieta, Isaak Erdoiza eta Pablo Fidalgo artisten eskutik. Horrez gain, BADek lekua gorde du nazioartean ibilbidea duten ekoizpen lanetarako, Arkadi Zaides koreografoaren Archive edo Juan Domínguezen My Only Memory lanetarako, adibidez.
Estreinaldien artean, Sandra Gomezen Todo por los aires –Circula 2018 jaialdian Valentziako konpainia gisa aukeratutakoa–, dago, urriaren 20an estreinatuko du. Bigarren estreinaldia urriaren 21ean izango da, Arabako Blanca Arrieta koreografo eta dantzariaren Despacio. Una serie de aproximaciones sucesivas sorkuntza lanarekin.
Campos Antzokiak Isaak Erdoizaren MASA jasoko du urriaren 27an. Lan horrek BADen laguntza du, Bilboko Udalak sorkuntza eszenikoari laguntzeko urtero deitzen duen “Artistak Egoitzan” programaren azken edizioan aukeratutako egitasmoetako bat baita. Azkenengo estreinaldia urriaren 23an izango dena, Pablo Fidalgo galiziarraren Anarquismos (Por el medio de la habitación corre un río más claro) da, BADen eta Portugalgo, Frantziako eta Galiziako beste jaialdi eta antzoki batzuen arteko ekoizpen lana.
Campos Antzokiko programazioa BADen barruan Euskal Herrira helduko diren beste proposamen batzuekin osatuko da, Juan Domínguezen My Only Memory eta Arkadi Zaides koreografoaren Archive bakarkako dantza lana, mundu osoko jaialdietan parte hartu duen eta Israelen kritikak eragin dituena, Israelen eta Palestinaren arteko gatazkaren azterketa artistikoa proposatzen baitu.
Egitaraua
Urriak 17
Germinal dokumentala. Carla Fernandez eta Ines Bermejo. 18:00etan Rekalde aretoan.
Urriak 18
Mi padre no era un famoso escritor ruso dokumental eszenikoa. Barbara Bañuelos. 19:00etan, La Fundicionen.
My Only Memory. Juan Dominguez. 21:00etan Campos Antzokian.
Urriak 19
TAILERRA: Heartbeat. Sandra Gomez. 16:00etan, San Fratziskoko zentro munizipalean.
Entre lo que ya no está y lo que todavía no está. Juan Dominguez. 19:00etan, Bulegoa z/b
El fin de las cosas. Eva Guerrero / Doos Colectivo. 21:00etan, Campos Antzokian.
Urriak 20
Flipper. Unplush. 19:00etan, La Fundicionen.
Todo por los aires. Sandra Gómez. 20:30ean Campos Antzokian.
Urriak 21
Farci.e. Sorour Darabi. 21:00etan La Fundicionen.
Urriak 22
Sayonara Baby. Kanpai Natalia de Miguel eta Jorge JAuregi Allue. 20:00etan, Pabelloi 6an.
Urriak 23
Two parallel studies of solitude. You & Me Productions. 11:30ean, Rekalde salan.
Urriak 25
Sareak. Organik dantza-antzerki. 19:30ean, Babellon 6an.
¡Ay! ¡Ya!. Macarena recuerda Shepherd. 21:00etan La Fundicionen.
Urriak 26
Two parallel studies of solitude. You & Me Productions. 11:30ean, Rekalde salan.
Tutuguri. Flora Detraz. 19:30ean La Fundicionen.
Urriak 27
MASA. Isaak Erdoiza. 20:00etan Campos Antzokian.
Urriak 28
Là. Baro D'evel. 20:00etan Pabellon 6an.
Albiste hau Dantzan.eus-ek argitaratu du eta CC-by-sa lizentziari esker ekarri dugu ARGIAra.
Yauzkari dantza taldearen koreografia, bideo eta programa batzuen argazkiak jaso ditu Eresbil Musikaren Euskal Artxiboak. Yauzkari Jose Lainez eta Concha Martinez donostiarrek 1980an sortutako dantza garaikideko konpainia izan zen, egoitza Iruñean zuena. Dantza... [+]
Oztibarreko Bunuztar Xoriak dantza taldeak Laminosine ikuskizuna sortu du. Dantza tradizionala eta garaikidea uztartuz, hamahiru nerabek kontakizun eta pertsonaia mitologikoak taularatzen dituzte, antzerkiari eta ipuinari ere tokia eginez. Lehen hiru saioak Ipar Euskal Herrian... [+]
Ertza dantza konpainiak Aitor Zabaleta dantzari eta koreografoaren Moor Krad lana taularatuko du lehen aldiz ostiralean, Bilboko Arriaga Antzokian. Gure baitan "guztiok gordetzen dugun itzal hori" da obraren ardatza.
Nazioartean diren sari behinenak jasoa da dantzaria. Haatik, profeta ere izan da bere herrian, eta Euskal Herriak ere ohoratu du, Zumaia jaioterriak bezainbat. Munichetik etxera etorrarazi zuen pandemiak, eta bi ikuskizun ditu etxeratzearen ondorio.
Gure kulturaren... [+]
Lantegiak, koreografia erakustaldiak eta euskal koreografo gazteen topaketa egingo dira, ekainera bitartean.
Maitzaren 14an Barbecho dantzalan garaikidearen aurrestreinaldia eskaini zigun Natxo Montero bilbotarrak, Arriaga Antzokian. Harekin Laia Cabrera antzezle eta dantzari kataluniarra aritu da sormen prozesua bera ardatz duen obra honetan. Gelatxoak programak lagundu du... [+]
Gernikako bonbardaketaren urteurrenarekin bat estreinatuko da Gernika Lemoizen. Mikel Laboaren Lekeitioetako bat Lemoizko testuinguruan lekututa interpretatzen duen dantza flamenko garaikidea du ardatz bideo honek, eta zuzeneko emanaldi berezi batez eman nahi zaio hauspoa. 40... [+]
Dantzari eta koreografo da Gasteizen. Horrekin batera, hizkuntza politika eredugarria du euskaldunberri zahar honek. Natural-natural nahi du dena.
Muelle 3 dantza eskolaren baitan, Horman Poster, Olatz de Andres eta Ruemania konpainiek komunikazio egitura bat osatu dute. Dantza garaikideak publiko zabalera iristeko dituen oztopoak gainditu nahi dituzte elkarrekin. Matxalen de Pedro (Horman Poster), Olatz de Andres eta... [+]
Miarritzeko Maitaldia dantza jaialdiaren 23. edizioa irailaren 6tik 15era bitartean egingo da. Parte hartuko duten 30 konpainien artean Olivier Dubois, Fêtes Galantes eta egitaraua irekiko duen Malandain Balleta daude.
Ekainaren 13an hasiko da Oreretako Eztena antzerki eta dantza jaialdia. Hiru egunez, hamahiru taldek hartuko dute parte Mikelazulo elkarteak antolatu duen ekimenean. Laugarren edizioa da aurtengoa eta hainbat disziplina bilduko ditu: antzerkia, txontxongiloak, bakarrizketak,... [+]