Indar Baskoniak “gehiegikeria poliziala” salatu du, 10 kideri ezarri nahi dieten 47.000 euroko isunaren harira
Kiroletako Indarkeria, Arrazismo, Xenofobia eta Intolerantziaren kontrako Espainiako batzordeak orotara 47.000 euroko isuna jarri nahi die Indar Baskonia taldeko 10 saskibaloi-zaleri, urtarrilaren 29an Estudiantes-Kirolbet Baskonia partidan gertatutakoengatik.
Orduan bezala ostegunean emandako prentsaurrekoan ere, "gehiegikeria poliziala" salatu du Indar Baskoniak. Zaleek azaldu dutenez, Madrilen jokatutako partida hura amaitzean poliziak paretaren kontra jarri zituen haietako batzuk, eta bi lagun identifikatu zituen. "Motiboez galdetu eta euren plaka-zenbakiak emateko eskatu genienean, kolpeka erantzun ziguten".
Estudiantes taldeko zale batzuek Baskoniakoek emandako azalpenak berretsi zituzten, eta poliziaren jokaera salatu zuten. Aldiz, bertsio "ofizialaren" arabera, arabarrek "istilu larriak" eragin zituzten.
Isun ekonomikoaz gain, urte betez kirol esparruetan sartzeko debekua ezarri nahi diete hamar lagunetako bakoitzari.
Erantzunik gabeko galderak
Indar Baskoniako zaleek euren haserrea azaldu dute, egun hartan soilik bi lagun identifikatu zituzten arren, hamar zigortu nahi dituztelako. "Bidezkoa al da zure taldea animatzera joan eta lintxatua eta bizkarrean espedientea duzula bueltatzea, horren berri izan gabe gainera?", galdetu dute. "Nola da posible bi lagun identifikatu eta hamar isun-eskaera iristea? Zilegi da poliziak euren plaka-zenbakiak ez ematea? Kasualitate hutsa al da identifikatu ez zituzten baina isun-eskaera jaso duten pertsonak izatea herri mugimenduetako kideak?...".
Poliziak partida hartan erakutsi zuen jarrera "lotsagarria" izan zela dio Indar Baskoniak: "Urteetan ari gara sufritzen gure eskubideen eta askatasun indibidual eta kolektiboaren aurkako erasoak, baina oraingo jazarpen polizial honek ez du aurrekaririk".
Jazarpen horren adibide bat da #m3moria aldarrikatzeagatik (1976ko martxoaren 3an Gasteizen hil zituzten langileen omenez, “Egia, memoria, justizia” zioen kartela zabaldu zuten Indar Baskonia taldeko kideek, Bilboko Dominion-en aurkako saskibaloi partidan, 2016an) zigortu nahi izan zituztenekoa. Kasua artxibatua izan zen azkenean.
Bukatzeko, gainerako baskoniazaleei eskatu diete "borroka honen motiboak ulertu, errespetatu eta babesteko". "Ez gara ixilduko".
Denboraldiko lehenbiziko partidan, Indar-en grada hutsik
Protesta moduan, Indar Baskoniako kideak ez ziren Kirolbet Baskoniak larunbatean Gasteizen jokatu zuen partida ikustera joan.
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Directa hedabideak ikertu eta argitaratu du poliziaren infiltrazioa. 2019ko irailean hurbildu zen lehen aldiz Lleidako Ateneu Cooperatiu taldera, Joan Llobet García izenpean, eta 2021eko azaroan utzi zuen militantzia, Bartzelonan lana aurkitu zuela eta amonaren... [+]
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Guardia Zibilaren historia bat - Hemendik alde egiteko arrazoiak izenburupean, datorren astean argitaratuko dugun 305. LARRUN aldizkariaren pasarte batzuk dira ondorengoak, erakunde armatuaren sorrera garaietan girotutakoak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]