Inazio Arregi hil da, euskal irratigintzan aitzindari
Inazio Arregi Zendoia jesuita eta kazetaria 89 urterekin hil da astelehen honetan, gaixotasun luze baten ondorioz. Loiolako Herri Irratiko eta Eusko Irratiko zuzendari izan zen eta Vatikano Irratiko nazioarterako albistegi burua.
1931n Oñatin jaioa, 17 urterekin sartu zen Jesusen Konpainian eta Italian komunikazioa ikasi zuen gero, ikus-entzunezkoan espezializatuz. Euskal Herrira bueltan, 1966an Loiolako Herri Irratia sortu zuen santutegian, Juan Lekuonarekin batera, eta zuzendari izatera iritsi zen. 1982an Eusko Irratira aldatu zen eta hor ere zuzendari aritu zen, euskarazko irrati publikoa martxan jarri eta 1985era arte. Hedabideetan euskarak lekua izan zezala, hori zuen helburu nagusietakoa.
1986an, Vatikanora joan zen eta nazioarteko albistegi buru aritu zen Vatikano Irratirako. Ondas eta Rikardo Arregi sariak jaso zituen, bere ibilbideagatik.
2010ean, autobiografia publikatu zuen Alberdaniarekin: Eta orain, zer? Gure urte haiek (1931-2009).
Egitarau mardula prestatu dute Bergarako irrati libreko kideek: musika, literatura eta tailerrak. Besteren artean, martxoaren 29an Txapa Eguna egingo dute.
Frantziako Gobernuak aurkeztu duen 2025eko finantza lege-proiektuaren arabera, irrati elkarteek jasoko duten laguntza ekonomikoa %35 murriztuko da. Murrizketak, hamar milioi euro gutxiagoko diru-laguntza jasotzea suposatuko luke. Irratien elkarteak esan du "lurraldearen... [+]