‘Ilusionismo’, Bilboko I. Magia Jaialdia sortu dabe
La Fundición elkartearen eskutik dator jaialdia.
Arte eszeniko garaikideetan hiru hamarkada baino gehiagoan leku sendoa hartu ostean, La Fundición elkarteak ateak irekiko deutsoz magiari 36 urte egingo dituan 2022. urte honetan, Ilusionismo sorkuntzeagaz. Jaialdi barri horretan, hiru jardunalditan, orain arte Bilboko aretoko agertoki gainean azaldu ez arren, beste arte eszeniko bat dan diziplinako egungo joerak erakutsiko dira. Euskadiko antzerkigintzearen karteletan magiak presentzia urria dauela ikusita, Deustuko aretoko arduradunek hutsune hori beteten lagundu nahi dabe urterokoa izateko asmoz sortuko dan hitzorduari esker.
Jaialdiaren lehenengo edizinoa zezeilaren 18, 19 eta 20an izango da eta edade guztietarako ikuskizunak aurreikusi ditue (10 euroan), publiko helduari zuzendutako beste bategaz eta profesionalentzako topaketa bat be izango da.
Zezeilaren 18an hasiko da jaialdia (19:00), Giorgio Rodri aktore eta mago madrildarraren ikuskizunagaz; harek eszenarioko ilusionismo funtzino parte-hartzailea eskainiko dau familia osoarentzat (Magia en estado puro izenpean). Ondoren, zezeilaren 19an, Paco Agrado (Badajoz, 1993) gaztearen txandea izango da, helduentzako El ultimo domingo de marzo ikuskizunagaz, karten magia intimoa, poesia eta antzerkia modu harrigarrian uztartuz. Gainera, Agradok berak, domeka goiza, hilaren 20an, alaituko dau profesionalentzat izango dan topaketa bat, abagune parebakoa ilusionismoaren joera barriko egungo ordezkari behinenetako batzuekaz ikasteko. Egun horretan bertan, hilaren 20an (19:00), Ilusionismo Jaialdiaren lehenengo edizioak ateak zarratuko ditu bertoko eszenan oso ezaguna dan Imanol Ituiño (Cancamisa Teatro) eta publiko guztientzako El mago en la botella izeneko bere ikuskizunagaz.
La Fundición elkartean zezeileko saio guztietarako sarreren prezioa 14 eurokoa da (Ilusionismo Jaialdiko familia-ikuskizun bitarako izan ezik, horrek 10 euroan dagozalako salgai), txarteldegian zein online (Kutxabankeko sarean), azken horretan hasierako eskaintza bat dago lehenengo saltzen diranentzat, 7 euroan. Gainera, zezeilean Bea Insa eta Ángel Mirou bikoteak osotzen dauen La Pacheca Collective konpainiari sorkuntza-egoitzea onartu deutso. Lau astez, espazioa eta bertako baliabideak erabili ahal izango ditue Tarán-trán, transición (Lluvia, grises y las 5.000 amantes del Rey) izeneko lanari azken ikutuak emoteko. Lana berehala estreinauko da eta bertan Espainiako transizinoaren errepaso desmitifikatzaile eta umorezkoa egiten da.
Salvador (Borja Fernández)
La Fundiciónek zezeileko Salvador antzezlanaren saio bi ditu programauta (zezeilaren 12an eta 13an, 19:00retan), Borja Fernandez galiziarrak sortu eta interpretautakoa. Dokumentalaren eta fikzinoko antzezpenaren arteko muntaketa bat da Borja beraren aitita dan Benito Fernandez Meirinho pertsonaia misteriotsuari buruzkoa. Aktore eta musikariak agertokian bideo jockey eta objektuen manipulatzaile bat dauelarik lagun, mobimentu migratzaileei, desagerpenei eta topaketei buruzko hitzarmen bat egiten dau, joandako mendearen erdialdera Hegoamerikara joan ziran aitita-amomak abiapuntutzat hartuz.
63 urteko iurretarra Gerediaga Elkarteko kudeatzailea izan zen 1982tik 2018ra. “Bere kezkei eta borrokari esker”, Durangaldeko historia ikertu eta zabaltzeko “erreferentzia nagusietako bat” izan dela nabarmendu dute elkartetik.
Kalearen eszena irudiz beterik dagoen leku bat bezala agertzen zaigu, hitz eta irudiz osaturik, informazio, iragarpen, publizitate eta mezuekin batera paseatzen baitugu egunero eta uneoro. Kalea euskarri fisiko boteretsua izanik, ikusezko kulturaren sustatzaile izateko, eta... [+]
Euskara hutseko liburu eta disko azoka euskaraz “normalki, lasaiki eta naturalki” bizitzeko gunea bilakatu da. Urtez urte ekitaldiak aurrera egiten du eta euskaltzaleentzat ekitaldi garrantzitsuenetako bat bihurtu da, azokaren antolatzaileek nabarmendu dutenez... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]
Berrogei argitaletxe eta diskoetxe, horietarik bederatzi berri, eta 120 salmahai bosgarren Ziburuko liburu eta disko azokan. Ekainaren lehenean ospatuko dute Baltsan elkarteak eta Argia hedabideak
Argitaletxeez gain, diskoetxeak egonen dira Ziburuko Azokaren baitan. Horietariko batzuen sorkuntzak zuzenean deskubritzeko parada izanen da aurtengoan ere azoka.
Urtean bertan argitaratutako lanak izaten dira protagonista Ziburuko Euskarazko Liburu eta Disko Azokan. 2024an argitaratu eta Ziburuko azokara eramango dituzten liburu eta diskoen zerrenda iragarri dute bertan egongo diren 33 liburu-argitaletxe eta 3 diskoetxeek. Era guztietako... [+]
Elkarrizketa bat papereratzerakoan galtzen dira isilune eta esku keinuak. Pena da. Daniel Landart entzuten ari zela gogoeta hori zeukan kazetariak, eta gauza bera pentsatzen zukeen argazkilariak ere, ikusirik ondoko egunean esku keinuen argazki andana bidali ziola kazetariari... [+]