Ilargi eta landareen agenda kaleratu berri du beste urte batez ARGIAk eta produktu honen marrazkilari ofiziala da honezkero Antton Olariaga. 2022ko agendari ere berak jarri dizkio irudiak; marrazkiekin jendea laguntzen eta Jakoba Errekondoren “mundu aberatsari” bultzadatxo bat ematen saiatu dela dio. “Jendeak zailak direla uste duen gauzak marrazkian ikusi eta ‘aiba! ni hau egiteko gai banaiz!’ esateko ideiarekin egin ditut”.
Badira urte mordoxka bat Bizi Baratzeko proiektuetan parte hartzen duzula.
Bai, harreman handia dugu honezkero, esanen nuke Jakoba eta biok kasik lagun ere bihurtu garela! (barreak). Ez, orain benetan, ederki moldatzen gara, ni ignorante hutsa naiz gai hauetan, baina berak hain goxo eta ongi esplikatzen ditu gauzak! Erraztasun handiak ematen dizkit, eta gozamena da horrelako testugile batekin lan egitea. Gainera, bera ere paisajista da eta badu bere sentsibilitatea. Gustatzen zait proposamen bat bidali eta haren iritzia jasotzea.
Ongarriena da aurtengo gaia. Ez dakit marrazteko gauzarik errazena ote den…
Ongarrien gaia oso zaila zen niretzat, ez baita mugitzen, ez da biziduna, tresna bat ere ez da… Baina tira, ez dakidanaren inguruko desafioak asko gustatzen zaizkit. Buelta asko eman nizkion kontuari, agendan hilabeteak zabaltzen dituzten ilustrazio horiek nola enfokatu nitzakeen pentsatzen, eta Jakobarekin ere asko hitz egin nuen. Azkenean, ongarrien inguruan egiten diren ekintzak jasotzea erabaki nuen, adin guztietako pertsonak erakutsiz lan horietan. Aizu, mahaian denek jaten badute, lana ere denek egin beharko dute, ezta? Irudimenarekin jokatu dut agenda honetan ere, eszena bakoitzean pertsonaia eta paisaia diferenteak kateatuz.
Garai bakoitzean hainbat ongarri mota nola egin ikasiko dugu, beraz?
Bai, eta aldian behin tresnaren bat ere tartekatu dut: lurra iraultzekoak, ongarria ematekoak… bestetik, irudiei perspektiba pixka bat ematen ere saiatu naiz, zelaiak-eta ikus daitezke, edo abereak urrutian, edo ukuiluan… Azaldu beharrekoak gauza deskriptiboak direnean, irakurtzeko marrazkiak egiteko joera dut normalean. Eszena horiek irakurri egin behar dira, eta hori da aberatsa nire ustez, irudiak ere irakurtzen jakitea.
Ilargiaz, lurraz eta landareez asko ikasi izan duzu urte hauetan guztietan, ezta?
Dudarik gabe! Pixkanaka ezagutzen joan naiz, eta deskubrimentu autentikoak dira zenbait gauza. Adibidez, zoragarria iruditzen zait niri lur azpiko borroka: nork egiten dion kalte nori, nork babesten duen nor, nork uxatzen dituen xomorroak, nork elikatu… Lur azpiko gerra hori ez da Gerra Hotza, bero-beroa baizik! Apasionantea iruditzen zait hori guztia. Dena den, praktikara ez dut eramaten, baratzerik ez dut-eta… Asfaltoko umea naiz ni! Baina bai, egia da ilargiari beste modu batean begiratzen diodala orain.
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
2022an Nafarroako Liburutegien Sareak martxan jarritako proiektu berezia da hazien liburutegia. Clara Flamarique Goñi da Nafarroako Gobernuaren liburutegi zerbitzuko proiektuen arduraduna, eta honela gogoratu ditu hastapenak: “Zaragozako liburutegian martxan zuten... [+]
Joxe Blanco Gomez laudioarra Lamuzanaturgunea blog-aren bultzatzaile eta Laudiokolore ekimeneko kidea da. Urteak daramatzate Laudion basa landareen inguruko sentsibilizazioa eta formazioa egiten, eta maiatzean, Arraño mendiko baso orkideen inguruko jardunaldiak egin... [+]
Urteak daramatza Cederna Garalur landa garapenerako elkarteak elikaduraren eta lehen sektorearen inguruko lanketa egiten Nafarroako Mendialdean. Elikadura osasuntsurako eta kontsumo jasangarriago baterako bidea egitea da asmoa, eta bide luze horretan, egitasmo berria gauzatu du:... [+]
Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Arabako Bionekazaritza elkartearen eta Euskadiko Hazien Sarearen arteko lankidetzatik sortu zen duela urte pare bat Agroekoop kolektiboa. “Arabako agroekologiaren bueltako elkarteak lotzeko eta indartzeko, eta sinergiak sustatzeko asmoz sortu genuen”, adierazi du... [+]
Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]
Urteak daramatzate Atxondoko Biezko baserrian bizitzen eta lanean Aner Garitaonandiak eta Oihane Lekunberrik. “Kaletarrak ginen gu, nik enpresa eta turismo ikasketak egin nituen, baina mundu hori ez zitzaidan gustatzen…”, azaldu du ekoizleak. Lekunberrik,... [+]
2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
Elkea proiektuan produktu asko eta desberdinak ekoizten ditu David Ruiz de Galarreta Azpilikueta ekoizle amezkoarrak. Olibondoekin hasi zen, baina fruta arbolek, lekaleek eta zekaleek ere beren tokia egin dute proiektuan urteotan. Eta, orain, jarduera berri bat gehitu die... [+]
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]