“Ikusarazi nahi nuke ‘normal’etik kanpo errealitate asko daudela, denak besteak bezain zilegi”
Anitzentzat hotza izan den Donibane Garaziko final erdietan bere arrastoa uzten jakin zuen Nerea Elustondok, saioari bestelako diskurtso, ideia eta fokoa proposatuz.
Saio berezia iragan zen ibiakoitzean Garazin. Gustura sentitu zinen oholtza gainean?
Sargori xamar egiten zuen, egia esan, oholtza gainean. Taularen disposizioa ere ez dakit egokiena ote zen, aurrekaldean pareta geneukalako. Baina nolanahi ere, nahiko eroso sentitu nintzen oholtza gainean.
Aspaldi txapelketan ibiltzen zarela. Aurtengoari zer berezitasun ikusi diozu?
21 urte pasa dira nire lehen txapelketatik. Ordutik aldatu dira gaiak, bertsolari gehienak, zein diskurtsoak. Buruz ari naiz, baina orduan uste dut sei emakume ginela lehenengo fasean, eta final erdietan hiru. Gaur egun beste kopuru batzutan gabiltza. Azken finean, bai lehen eta bai orain, mikrofono baten aurrean jarri eta bertsotan egin beharra dago.
“Normal izatea baino hobe zoriontsu izatea”. Mezu indartsu hau eta beste anitz kantatu dituzu Garazin. Zer trasmititu nahi diozu publikoari?
Gaur egun "normaltasuna" deitzen diogun hori azkenean sistema kapitalistaren interesen arabera eraikitako hitzarmen sozial multzo bat besterik ez da. Beraz, eraikia den aldetik, esan nahi du aldatu daitekeela. Jendeari ikusarazi nahi niokena da "normal" deitzen diogun horretatik kanpo ere errealitate asko daudela gure herrian bertan eta horiek denak besteak bezain zilegi direla.
“Hitz batean jendarteak onartzen ez duen dana” zarela kantatu zenuen ibiakoitzean. Garrantzitsua iruditzen zaizu gizarteak onartzen ez dituen horiei kantatzea bertsolari gisa?
Uste dut bertsolaritza bozgoragailu bat dela, bereziki txapelketan. Larunbatean bertan 1.300 pertsonatik gora ginen, kontuan hartu gabe sareetan edo telebistan izango zirenak. Arreta gehiago edo gutxiagorekin, belarri pare asko ariko ziren esaten genuena entzuten. Iruditzen zait bertsolariak behar duela konpromiso sozial eta begirada basati hori, zentroko ohiko begiradarekin ikusten ez den ertzekoa ikusteko. Ikusteaz harago gainera, gaia bera erdigunean jartzeko. Uste dut ikusten eta sentitzen ez dugun hori askotan iruditzen zaigula ez dela existitzen eta oso zaila egiten zaigula existitzen ez dela uste dugun hori onartzea.
"GANBARAKO GALDERA"
Zure aurtengo txapelketari begira, zein Garaziko saioari begira, txapelketa biharamunean zein zaporerekin gelditzen zara?
Garazikoarekin bereziki zapore gazi-gozoa daukat. Zortziko handiarekin gustura gelditu nintzen, zortziko txikian ere. Puntukakoan pixka bat sufritu genuen. Sei puntukoan eta ganbarakoan egindako lanekin ere orohar ongi, bi poto egin izanaren arantza kenduz gero. Ez dakit zenbateraino den politikoki polita esatea baina badaukat sentipena txapelketan ez ote diren hanka sartzeak gehiago zigortzen lorpenak saritzen direna baino.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]