Ikus-entzunezko Argia Saria: Bizkarsoro
Bizkarsoro filmak jaso du ikus-entzunezkoen Argia Saria. Euskararen iragan hurbilari errepasoa egiteaz gain, jasandako zapalkuntzari eta altxatzeko grina izan zutenei aitortza egiteko modu bat da pelikula. Saria jaso dute Josu Martinez zuzendariak, Katti Pochelu ekoizleak eta Hibai Castro argazki zuzendariak.
Honengatik saritu du Bizkarsoro ARGIAk:
"Herri zapaldu batek bere nortasunari eutsi baldin badio, zerbaitengatik da. Historian barrena, elkar lepotik hartu izan dute batzuek, eta borroka egin dute zerbaiten alde.
Koldo Izagirrek esaten zuen: euskara, hiltzekotan ere, autopsiarako frogak utzita hilko zela. Hil, ez da hil; baina frogak utzi ditu.
Froga eta dokumentazio horiek istorio bihurtuta pantailara ekarri dituzte orain film honen egileek, eta herritarren inplikazio handiarekin, memoria ariketa kolektibo baliotsua egin dute".
Argia Saria jaso berritan hitz egin dugu Hibai Castro argazki zuzendaria, Josu Martinez zuzendaria eta Katti Pochelu ekoizlearekin. Filmari bultzada emateko baliatu nahi dute saria, eta datozen asteetan hainbat herritan egongo direla gogorarazi dute. Martinezek dio aspalditik zuela gaia jorratzeko nahia, eta argi du jendea bihotzetik harrapatzen dela: "Batzuek uste dute euskarak erakargarria eta ez gatazkatsua izan behar duela, sexy-a, jende gehiagorengana iristeko. Hori ere beharko da, baina nire ustez jendeari bihotzera mintzatu behar zaio. Ahazten bazaigu euskara hizkuntza minorizatua dela, zailagoa izango da euskaldun izateko gogoa piztea".
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.
Guggenheim Urdaibai Stop plataformak jaso du 2023an egindako komunikazio kanpainarik onenaren saria. Aspalditik datorren borroka bati bultzada berria emateagatik, eta ingurumena eta herritarrak erdigunean jartzeko lanean aritzeagatik eman dio ARGIAk saria. Antton Mendizabalen... [+]
Bost sari banatu ditugu aurten: ikus-entzunezko saria Bizkarsoro filmari eman zaio, prentsa saria Sahara. Herri bat erresistentzian liburuari, entzunezko saria Ez gatoz Paristik podcastari, internet saria gordegia.eus artxibategi grafikoari eta komunikazio kanpaina onenaren... [+]