Ikurrinak debeku ofizialarekin jarraituko du Nafarroan
Nafarroako Legebiltzarrak atzera bota du Sinboloen Legea aldatzeko gaur aurkeztu den herri ekinaldi legegilea, Guztion Nafarroa guztien ikurrak herri ekimenak aurkeztua. 9.000 sinadura aurkeztu ziren horretarako eta 5.016 eman zituen balekotzat Legebiltzarreko Mahaiak. Bozketaren unean, 23 boto ekimenaren aurkakoak izan dira (UPN, PSN eta PPN) eta 17 alde (EH Bildu, Aralar-NaBai, Ezkerra eta Geroa Bai).
Eneko Compains Silvak aurkeztu du ekimena. Bere ustez, “gaur egun dagoen legea ez da ona eta egin liteke beste bat hobea, Nafarroako gizartean den pluraltasunarekiko begirune handiagoa izango duen legea". Herritarrek sinboloei buruz ere erabaki beharko luketela aipatu du.
Gaur egun dagoen Sinboloen Legea 2003koa da eta arazo handiak ekarri ditu Nafarroan, ikurrina ere euren udaletxeetan egotea erabaki duten udalek debekua eta isun mehatxuak jaso dituztelako hainbatetan.
Nafarroan, baina, Sinboloen Legetik oso harago joan dira agintari eta segurtasun indarrek hartutako erabaki ugaritan, batez ere Nafarroako hainbat ekitaldi publikotan ikurrina agertzeari dagokionez.
Sanferminetan, esate batera, azken urteetan behin eta berriz izan dira arazoak ikurrina Iruñeko udal plazara sartu nahi izan duten taldeekin. Debeku eta kolpeez harago ere joan dira zigorrak, hala, 2013ko Iruñeko Sanferminetan udal plazan ikurrina erraldoia zintzilikatu zuten lau herritarrei desordena publikoa leporatu zitzaien eta bost hilabeteko espetxe zigorra jaso zuten 2014ko azaroan.
Azken hiru hamarkadetan Nafarroako iparraldeko udaletxe gehienetan ez da banderarik jarri izan festetan izan ezik. Festetan, aldiz, ohikoena izan da Nafarroako bandera, ikurrina eta herrikoa jartzea. 2013tik aurrera Nafarroako Toki Administrazioak eta Espainiako Gobernuko Ordezkaritzak Espainiako bandera jartzeko agindua eman zuten, hala egin ezean zigor handiak eta kargugabetzeak iragarriz.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.
Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]
Aurten dagoeneko zazpi aldiz baino gehiagotan egin diete eraso Donostiako Ikatz kaleko Herria taberna kanpoan jarritako ikurrinari, arrano beltzari eta presoen ikurrari. Oraingoan, baina, gertatutakoa grabatu dute.
Aberri Egunaren bezperetan farol batetik ikurrina bat zintzilikatzeagatik Mozal Legea aplikatu zien Gasteizko Udalak hiru herritarri. Astebeteren buruan, zigortuek 300na euroko isun bana jaso dute "erabilera edo zerbitzu publikoko ondasun higigarriak edo higiezinak"... [+]
Aberri Egunaren ataritan farola batetik ikurrina zintzilikatzen ari zirela identifikatu zituen hiru pertsona Gasteizko Udaltzaingoak. Mozal Legea aplikatu diete, eta 100 euroko isuna jarri bakoitzari.
Aurreko legealdian aldaketaren lau alderdiek 2017an desegin zuten 2003ko Ikurren Legea berriz itzuli da Nafarroara. Garai hartan, UPNren eta PSNren corralitoa indar betean zegoen eta bi alderdiek Ikurren Legea atera zuten aurrera funtsean ikurrina udaletan jar ez zedin.
Nafarroako Legebiltzarrean tramitazio konplikatua izan ondoren, ostegun honetan eztabaidatuko dute Foru Erkidegoko Ikurren Lege berriaren inguruan. Eskuinak proposaturiko legea guztiz urardotuta, PSNren baiezkoa aurreikusten da.
Ez dirudi Navarra Sumak babes nahikorik izango duenik bere Ikurren Legea indarrean sartzeko: Nafarroako Legebiltzarreko alderdiek aurkeztutako zuzenketek adierazten dute gehiengoa ez dagoela alor horretan arau murriztaile eta zigortzaileen alde.
Bandera handiekin sartzea debekatzen zuen agindua ez betetzea egozten diete sei gazteei.
"Banderak trapuak besterik ez dira”, aldarrikatzen dute munduko hiritarrek, inongoak ez, eta toki guztietakoak direnek. Bitxia da, baina halakoak beti izaten dira estatua daukaten banderapekoak.
Gurean ere zabaldu da jarrera hori sektore independentista batzuetan... [+]
Enrique Maya Iruñeko alkateak egin ahalak egin zituen ikurrina eta bestelako aldarrikapenak sanferminetako txupinazoan egon ez zitezen, baina ez zuen lortu, horretarako bitarteko ugari jarri bazituen ere.
Korrikalari talde batek udaltzainek astearteko entzierroan izandako jarrera kritikatu du agerraldi batean. Poliziek hiru pertsona identifikatu, horietariko bi atxilotu eta laugarren bat zauritu zuten.