Ikurrina isunen bidez jazartzearen kontra dago Nafarroako Legebiltzarraren gehiengoa
Ez dirudi Navarra Sumak babes nahikorik izango duenik bere Ikurren Legea indarrean sartzeko: Nafarroako Legebiltzarreko alderdiek aurkeztutako zuzenketek adierazten dute gehiengoa ez dagoela alor horretan arau murriztaile eta zigortzaileen alde.
PSNk, Geroa Baik, EH Bilduk, Ahal Duguk eta I-Ek osatzen duten Nafarroako Legebiltzarraren gehiengoak eragotzi egingo du Navarra Sumak Ikurren Legea aurrera ateratzea. Lege horrek 150.000 euro arteko isunak aurreikusten ditu ikurrina jartzen duten udalentzat, eta Nafarroako "nortasun ikur esklusiboen" gorespena eskoletara eraman nahi du.
Foru Ganberak astearte eguerdian itxi zuen legeari zuzenketa partzialak aurkezteko epea –eskuineko koalizioak abuztuan erregistratu zuen–, eta proposamenak desberdinak izan arren, Legebiltzarreko gehiengoa bat dator bi kontutan: sinboloekin lotutako zigor araudi oso zorrotz bat ezartzeari uko egitea; eta ikurren ikuspegi monolitiko eta ofizialistari uko egitea.
Beraz, alderdiek aurkeztutako zuzenketekin Navarra Sumak ondoriozta dezake ezin izango duela bere proposamena gauzatu, eta Ikurren Legea beste bide batetik eraman beharko duela babes parlamentario handiagoa lortu nahi badu. Bestela, eskuineko gutxiengoak porrot egingo du, funtsean zigortzailea den eta beste autonomia-erkidego batzuetan existitzen ez den araudia berrezartzeko ahaleginean.
Gainera, Nafarroako Gobernuak irailean kaleratutako txosten batek legearen tramitazioak aurrera jarraitzearen aurka egin zuen, hainbat akats juridiko tarteko. Baina urrian tramitazioa osoko bilkuran bozkatu zuen PSNk, eta testua 2020ko urtarrilaren 22an iritsiko da batzordera.
PSNk ohartarazi du, hori bai: "banderen gerra" eskoletara eta herrietara eramaten duen lege bat ez lukete babestuko. Hala jasotzen da Chiviteren alderdiak aurkeztu dituen bederatzi zuzenketetan. Horietan, Navarra Sumak ekarritako testuko 12. eta 13. artikuluak kentzeko eskatzen da –eskoletan "nortasun-ikur esklusiboak" goraipatzeari eta Nafarroako banderak herrietatik banatzeari buruzkoak–, bai eta isunen kapitulu osoa indargabetzeko ere, bereziki gogorra baita ikurrina jartzen duten udalen kasuan: 2.000 eurotik 150.000 eurorainoko zigorrak.
Legearen bi aldeak indargabetzeko ados daude zuzenketak aurkeztu dituzten alderdi guztiak, baina alde handia dago Nafarroak izan behar duen Sinboloen Legearen ideian; eta, beraz, oso zaila izango da arau berririk aurrera ateratzeko adinako adostasuna lortzea.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.
Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]
Aurten dagoeneko zazpi aldiz baino gehiagotan egin diete eraso Donostiako Ikatz kaleko Herria taberna kanpoan jarritako ikurrinari, arrano beltzari eta presoen ikurrari. Oraingoan, baina, gertatutakoa grabatu dute.
Aberri Egunaren bezperetan farol batetik ikurrina bat zintzilikatzeagatik Mozal Legea aplikatu zien Gasteizko Udalak hiru herritarri. Astebeteren buruan, zigortuek 300na euroko isun bana jaso dute "erabilera edo zerbitzu publikoko ondasun higigarriak edo higiezinak"... [+]
Aberri Egunaren ataritan farola batetik ikurrina zintzilikatzen ari zirela identifikatu zituen hiru pertsona Gasteizko Udaltzaingoak. Mozal Legea aplikatu diete, eta 100 euroko isuna jarri bakoitzari.
Aurreko legealdian aldaketaren lau alderdiek 2017an desegin zuten 2003ko Ikurren Legea berriz itzuli da Nafarroara. Garai hartan, UPNren eta PSNren corralitoa indar betean zegoen eta bi alderdiek Ikurren Legea atera zuten aurrera funtsean ikurrina udaletan jar ez zedin.
Nafarroako Legebiltzarrean tramitazio konplikatua izan ondoren, ostegun honetan eztabaidatuko dute Foru Erkidegoko Ikurren Lege berriaren inguruan. Eskuinak proposaturiko legea guztiz urardotuta, PSNren baiezkoa aurreikusten da.
Bandera handiekin sartzea debekatzen zuen agindua ez betetzea egozten diete sei gazteei.
"Banderak trapuak besterik ez dira”, aldarrikatzen dute munduko hiritarrek, inongoak ez, eta toki guztietakoak direnek. Bitxia da, baina halakoak beti izaten dira estatua daukaten banderapekoak.
Gurean ere zabaldu da jarrera hori sektore independentista batzuetan... [+]
Enrique Maya Iruñeko alkateak egin ahalak egin zituen ikurrina eta bestelako aldarrikapenak sanferminetako txupinazoan egon ez zitezen, baina ez zuen lortu, horretarako bitarteko ugari jarri bazituen ere.
Korrikalari talde batek udaltzainek astearteko entzierroan izandako jarrera kritikatu du agerraldi batean. Poliziek hiru pertsona identifikatu, horietariko bi atxilotu eta laugarren bat zauritu zuten.
Udaltzaingoak Iruñeko entzierroko korrikalari bat identifikatu du larunbateko txupinazoan ikurrinekin izan zen arazoarekin lotuta. Identifikazioagatik kexu ziren beste bi pertsona salatu ditu Udaltzaingoak, eta hirugarren pertsona bati ukabilkada jo dio udaltzain batek.