Ikastoletako zuzendariek planto egin diote Jaurlaritzari, bilera gaztelania hutsean egiteagatik
Haur Hezkuntza ematen duten EAEko ikastetxe guztietako zuzendariak bilerara deitu zituen joan den astean Eusko Jaurlaritzako Hezkuntza sailak, matrikulazio prozesuaz hitz egiteko. Power-pointa euskaraz jarri eta azalpen guztiak gaztelaniaz egitea erabaki zuela, “gaia oso teknikoa delako”, horrela hasi zuen bilera Begoña Pedrosa Hezkuntza sailburuordeak. Zuzendari ugari haserretzea eta azkenerako zutitu eta bilera uztea ekarri zuen horrek.
Bileran egon ziren zenbait pertsonak kontatu diote ARGIAri gertaturikoa. “Gaia oso teknikoa dela argudiatu zuen, a zer nolako argudioa! Euskaraz gai guztiei buruz hitz egin ezingo bagenu bezala", dio haserre zuzendarietako batek. Pedrosaren hitzen ostean, ikastola bateko zuzendaria altxatu egin zen, bere hizkuntza eskubideak urratzen ari zirela eta bilera gaztelania hutsez eginez gero atera egingo zela adieraziz. Beste hainbat ikastolatako zuzendarik ere beren haserrea adierazi zioten, Hezkuntza sailburuordetzatik hori planteatzea lotsagarria zela adieraziz.
Egoera oso tentsua sortu zen, Pedrosak leporatu zien “modu oldarkorrean” jokatzea, baina ARGIAren iturrien arabera, ez zuen hizkuntza aldetik bilera beste era batera planteatzeko soluziorik eman. “Txiza egin zigun burutik behera”. Azkenerako, asko izan ziren zutitu eta bilera utzi zuten zuzendariak. Hala ere, Pedrosak, hedabideen aurrean, positiboki baloratu zuen bilera.
Abenduaren 16an Gasteizen bi bilera antolatu zituen Hezkuntza sailak, batetik Bizkaiko ikastetxeekin, eta bestetik Gipuzkoa eta Arabakoekin. Horietako batean jazo zen kontaturikoa. Begoña Pedrosa sailburuordearekin batera, Xabier Aizpurua Hezkuntzako administrazio eta zerbitzuen sailburuordea eta ISEI-IVEIko zuzendari Eduardo Ubieta izan ziren bileran.
Ikastolen Elkarteak gutuna bidaliko du
Ikastoletako ordezkariek bilera utzi zutenez, Ikastolen Elkarteak beste bilera bat antolatu du ikastoletako zuzendariekin abenduaren 22an, Hezkuntza sailak kontaturikoa helarazteko. Horrez gain, Hezkuntza sailera gutuna bidaltzeko asmoa du Ikastolen Elkarteak, euskarari emandako tratua dela-eta bere egonezina adierazteko.
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
6.000 eurotik 10.000 eurorainokoak izango dira zigorrak. Katalana da Andorrako hizkuntza ofizial bakarra, nahiz eta biztanleen erdiaren ama hizkuntza gaztelania den.
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Premiazko txostena eskatu dio Nafarroako Kontseiluari. Behin betiko onartzeko aurretiazko urratsa da, Nafarroako Justizia Auzitegi Nagusiak aurreko dekretuaren zati batzuk baliogabetu eta bost urtera.
Justizian, osasungintzan eta gizarte zerbitzuetan euskara bermatu dadin, zerbitzu publikoak euskaraz jaso ahal izan daitezen, Nafarroako zonifikazioa amaitu dadin eta ETB3 Nafarroa osoan ikus dadin neurriak hartzeko eskatu dio Espainiako Gobernuari Europako Kontseiluko Adituen... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
Irailaren 18koa da azken sententzia: Donostiako udaltzaingorako lanpostu deialdiaren euskara eskakizuna atzera bota du EAEko Justizia Auzitegi Nagusiak. Euskalgintzaren Kontseiluak eta Donostiako Bagera Euskaltzaleen elkarteak elkarretaratzea deitu dute Donostian, Alderdi... [+]
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]