“Ikastetxez ikastetxe egindako lanketak bere emaitza izan du”
Greba orokorrak hezkuntzan izan duen jarraipenarekin pozik daude ELA, LAB eta STEILAS sindikatuak. EAEn %75 inguruko jarraipena izan du grebak ikastetxeetan (%80 haurreskoletan) eta Nafarroan, “gehiegizko zerbitzu minimoak” tarteko, hezkuntza publikoan %50era ez da iritsi jarraipena, baina 0-3 zikloan %72koa izan da. Ikastoletan, %90eko jarraipena izan du Hego Euskal Herrian eta unibertsitatean EHUren hiru campusetan apenas izan den aktibitaterik. LABek eman dizkigu datuok.
Haurreskolen eta eskola publikoaren datuak ELArekin partekatu ditu LABek, eta batez besteko orokorra eman digu STEILASek: %70-75eko jarraipena.
LABetik nabarmendu dute Arabako campusean fakultate guztiak kontuan hartuta bost klase baino ez dituztela eman, Donostikoan %5eko aktibitatea izan dela eta Leioan aparkalekuak eta autobusak hutsik ikusi dituztela. Finean, ikasle asko eta asko ere kalera atera baitira gaur.
300 batzarretik gora
Ikastetxez ikastetxe, 300 batzar baino gehiago egin dituzte aurreko hilabeteetan sindikatuek langileekin, “eta horren emaitza ere bada hau. Batzar horiek, gainera, greba orokorraren parte dira nolabait, gure mezua helarazi ahal izan dugulako zentroz zentro, langileekin eztabaidatu, eta kontzientziazio lan hori guztia erronka izan da”, azpimarratu dute ELAtik.
Gurasoek erantzun dute
Hezkuntza grebetan gurasoek duten garrantzia eta kasu honetan izan duten inplikazioa aipatu digu STEILASek: gurasoen aldetik erantzun ona izan dela diote eta seme-alaba asko ez dituztela eskolara bidali.
Irakasleak, seinalatuta
Kontrol handiena itunpeko ikastetxe erlijiosoetan egon dela salatu du LABek. Hainbat eskolatan, gurasoei bidalitako oharrean adierazi dute zein klase duten gaur eta zein ez, alegia zein irakaslek egingo duen greba eta zeinek ez, eta hori greba eskubidea oztopatzea dela gogoratu du, azken egunean bertan erabaki baitezake langileak greba egitea. Gainera, halako oharrekin “nolabait irakaslea seinalatzen ari zara, kontrolatzen, eta zatiketa bilatzen”.
Iazko urtarrileko greba orokorrean parte hartu zuen pertsona bat epaitu dute ostegunean Gasteizko Epaitegietan. Autoritatearen aurkako atentatua eta lesioak leporatzen dizkiote, eta hemezortzi hilabeteko espetxe-zigorra eta kalte ordainak eskatu. Euskal Herriko Eskubide Sozialen... [+]
Atzean geratu diren politika sozial eta ekonomiko okerrak aztertuz, Espainiako Estatuak berriki abiatutako aldaketaren euskal deklinazio baten beharra aldarrikatu nahi dugu, egungo blokeo egoera Euskal Herrian ere gaindituz.
Hala salatu dute twitter bidez Burlatako hainbat eragilek. Burlatako greba komiteak deituta asanblada informatiboa egingo dute arratsaldean.
Joan den urtarrilaren 30eko greba orokorrean grebalari batek jasandako Ertzaintzaren eraso eta hizkuntz eskubideen urraketa salatzeko, elkarretaratzea deitu du asteazkenean Durangoko Euskal Herrian Euskaraz (EHE) taldeak.
Hego Euskal Herrian arrazoi soziolaboralak edo politikoak direla medio, greba orokor bat deitzeak bere jarduera guztia geldiaraztea bilatzen du. Batzuentzat urtarrilaren 30eko greba orokorra arrakastatsua izan da, eta beste batzuentzat porrota, bakoitzaren betaurrekoen arabera.
Euskal Herriko Eskubide Sozialen Kartako ordezkariak Nafarroako presidente Maria Chiviterekin bildu dira, joan den urtarrilaren 30eko Greba Orokorraren testuinguruan. LABeko idazkari nagusi Garbiñe Aranburu eta LABeko Nafarroako bozeramaile Imanol Karrera izan dira... [+]
Asteazkenean deitu du elkarretaratzea Euskal Herrian Euskarazek. Iragan osteguneko greba egunean Ertzaintzak herritar baten hizkuntz eskubidea urratu izana salatuko dute.
Greba orokorrean gertatua sare sozialetan salatu zuen Beñat Armentiak berak: “Hona hemen Ertzaintza, guztiz oldartuta, nire eskubide linguistikoak urratzen”. Ertzain batek bere hizkuntz eskubideak urratu zizkioten eta kazetari gisa irudiak zabalduz gero 2.000... [+]
Grebaren mobilizazio jendetsu eta itxaropentsuen ostean, gogoetarako beta hartzea osasuntsu bezain beharrezkoa da, aurrera begirako erronkak gogoan.
Urtarrilaren 30eko Greba Orokorraren biharamunean, grebak suposatu duenaren inguruan hausnartzeko tartea hartu dugu Sonia Gonzalezekin.
Hego Euskal Herrian arrazoi soziolaboralak edo politikoak direla medio, greba orokor bat deitzeak bere jarduera guztia geldiaraztea bilatzen du. Batzuentzat urtarrilaren 30eko greba orokorra arrakastatsua izan da, eta beste batzuentzat porrota, bakoitzaren betaurrekoen arabera.
Pentsionistak Bilbon 2 urte eta 10 hilabetez astelehenero kontzentratuta egon eta gero, Espainiako Gobernuak pentsioen %0,9ko igoera iragarri du berriki. Enpresari nagusien ikuspuntutik neurri gorria, zentzu guztitan.
Zaraitzu eta Erronkari Ibarrean grebaren inguruan talde hausnarketa bat egiteko elkartu gara. Goizeko hamarretan lan taldeak sortu ditugu, grebaren zergatia eta bertan proposatzen diren gaiak edo ikuspuntuak lantzeko.