Ikastetxeetan mugikorra debekatzeko eskatu diote guraso taldeek Jaurlaritzari
Ikastetxeak mugikorrik gabeko arnasgune izan daitezen araudia sortzeko eskatu diote Eusko Jaurlaritzari hainbat guraso taldek, gutun bidez eta sinadura bilketa abiatuta. Gaur gaurkoz, eskola bakoitzaren bizkar dago erabakia: mugikorra onartu ala ez eta zein baldintzatan. “Mugikorrak ikasgeletatik kanpo utzita ebidentziak argi uzten du gure seme-alaben garapena, ikasketa prozesua eta hezkuntza sistema bera hobetzen direla”.
Seme-alabek lehenengo mugikorra izateko adina atzeratu asmoz biltzen hasi eta teknologien inguruan gogoetatzen ari diren guraso taldeek osatzen dute Altxa Burua. Orain, beste ekimen bati ekin diote: eskolak mugikorrik gabeko gune izendatu daitezela lortzeko, ahalik eta talde gehienek Hezkuntza Sailari gutuna bidaltzea nahi dute, baita norbanako ahalik eta gehienek ekimenarekin bat egiten dutela sinatzea ere.
"Jakin badakigu, mugikorra bistan edo eskura izate hutsak gure arreta erakartzen duela ezinbestean eta irakasleak ez daudela eskoletan polizia lanak egiteko"
Berriki, ikasgeletan mugikorra erabiltzeari buruzko eztabaida prozesua iragarri du Begoña Pedrosa Eusko Jaurlaritzako Hezkuntza sailburuak, ikastetxe bakoitzak egin beharrekoa. Baina ardura eskola bakoitzaren bizkar utzi ordez, araudi orokorra eskatu dute aipatu guraso taldeek, beste lurralde batzuetan egin den moduan, mugikorra eskolatik kanpo gera dadin. “Jakin badakigu, mugikorra bistan edo eskura izate hutsak gure arreta erakartzen duela ezinbestean eta irakasleak ez daudela eskoletan polizia lanak egiteko. Gainera, irakasleak eta ikastetxea bera babesik gabe daude eskola esparruan ematen diren jazarpenen aurrean (kasu, ikasgeletan irakasleei baimenik gabe egiten dizkieten argazki eta bideoak, eta bestelakoak)”. Bertako langileei “baliabideak eta babesa” emateko, marko juridiko baten beharra azpimarratu dute: “Ezin dugu erabakia eskola bakoitzaren autonomiaren gain utzi”.
Akademikoki nahiz harremanetan, mugikorrak bazter uztearen “ondorio positiboak ez dira gutxi”, diote, edo beste era batera planteatuta, “ikasgeletan mugikorrak izateak hezkuntza sistema nolabait hobetzen al du? Erantzuna argia da: Ez. Ez dago hori babesten duen inongo ebidentzia sendorik”.
.jpg)
2025eko irailarekin hasiko den ikasturtean ez da izango sexu bereizketarik Gipuzkoako ikastetxeetan, Eusko Jaurlaritzako Hezkuntza Sailak asteazken honetan jakinarazi duenez. Eskibel eta Erain ikastetxe kontzertatuak dira gaur egun ikasleak sexuaren arabera banatzen dituzten bi... [+]
Eric Etxartek Seaskako lehendakarikide ardura hartu berri du urte hatsarrean, Antton Etxeberri eta Sophie Layusekin batera. Peio Jorajuriaren lekukoa hartu dute hirurek, eta Lehendakarikidetza taldea osatu dute.
Haur Hezkuntzako lehenengo zikloan, hiru ikastetxera joateko aukera dute familiek: bata publikoa, beste biak itunpekoak. Legeak kontrakoa agintzen duen arren, plazen eskaintza ez dela orekatua eta itunpekoek dagokiena baino nabarmen plaza gehiago eskaintzen dituztela salatu dute... [+]
“Urte berri-berri, zer dakarrazu berri?” oihukantatzen genien, urteko lehen eguneko gaupasatik bueltan, bidean gurutzatzen genituen goiztiarrei. Eske puxken esperantzan gu, mozkor panparrotuok. Eta artean ez baitzen ez runner-ik ez eta selfie-rik ere,... [+]
Behar dugun hezkuntzarako, independentzia! lelopean deitu du grebara Ikamak unibertsitateetan, Derrigorrezko Bigarren Hezkuntzan eta Lanbide Heziketan. Datozen asteetan iragarriko dituzte greba deialdiari lotutako mobilizazioak.
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.
Ikasgaia ba ote dakizun frogatzeko eta horren arabera nota jartzeko hiruhileko amaierako azterketarik ez dago Laskorain ikastolan, Derrigorrezko Bigarren Hezkuntzaren lehen zikloan. Baina orduan, nola ebaluatzen dituzte ikasleak? Nondik ateratzen da azken kalifikazioa?... [+]
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
Irakasle hau egokitzen zaielarik, 6-9 urteko haurrengan beldurra, amesgaiztoak, antsietatea, negarra… orokortzen direla salatu dute Atarrabiako Atargi ikastetxeko gurasoek. Urtetako arazoa konpontzen ez dela-eta, haren klaseei planto egitea erabaki dute. Guraso elkarteko... [+]
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.