Ikastetxeetan maskara erabili beharko dute sei urtez goragoko haurrek Ipar Euskal Herrian ere
Bezperan Emmanuel Macron Frantziako presidenteak jakinarazi bigarren konfinamenduari buruzko zehaztapenak eman ditu Jean Castex Lehen ministroak. Lan esparru gehienek martxan segituko dute, "baitezpadakoak ez diren komertzioak", tabernak, jatetxeak eta kulturaren sektoreak salbu.
Lehen konfinamenduan ez bezala, aldi honetan ikastetxeak irekita izanen dira. Babes-neurri gisa, ikastetxeetan maskara derrigorrezkoa izanen dute sei urtez goragokoek. Unibertsitateetan haatik kurtsoak on line izanen dituzte eta bakarrik taldekako lan praktikoentzat elkartzen ahalko dira ikasleak. Gaur mintzatzekoa da Jean Michel Blanquer Hezkuntza ministroa xehetasunak emateko.
"Telelana ahal bezain masiboa"
Lehen konfinamenduan ez bezala, aldi honetan lan sektore gehienek martxan segituko dute eta hori ahal den neurrian etxetik arituz. "Telelana ahal bezain masiboa izan beharko da", Castexen hitzetan. Sektore pribatuan zein publikoan aukera hori duten "guztiek" bideratu beharko dute "bost egun bostengain". Telelanean ala parez-pare, zerbitzu publikoek irekita segituko dute bigarren konfinamendu honetan. Zehaztu duenez, eraikuntza-lanek ere aurrera segituko dute. Ahal bezainbat lan egiteko deia luzatu du Lehen ministroak, ekonomiaren garrantzia azpimarratuz, krisi ekonomikoaren ondorioak mugatzeko helburua argi utziz eta ondokoa zehaztuz: "Langabeziak eta prekaritateak ere hil dezakete". Hori horrela, bakarrik kulturaren sektorea eta "ezinbestekoak ez diren komertzioak" –jatetxeak eta tabernak barne– dira hetsirik egonen.
Kulturari dagokionez, «prestakuntza lana» egiten segitzen ahalko dute artistek –errepikak eta film grabaketak, adibidez– eta hori "biharkoa segurtatzeko gisan". Baina, hori aparte, zinemak, ikusgarriak eta bestelako aktibitate kulturalak debekatu ditu Frantziako Gobernuak. "Denbora mugatu batez guztia gelditzeak izugarri min egiten du, baina beharrezkoa da, gure neurrien eraginkortasuna segurtatzeko". Kirol hitzorduentzat berdin, ez da ezer eginen publikoarekin.
"Ezinbestekoak ez diren komertzioak", baita jatetxe eta tabernak ere hetsi beharko dituzte bigarren konfinamendu honetan. Azokek segitzen ahalko dute aurrera, "prefetak ez badu aurkakoa erabakitzen".
Laguntzak, enpresentzako
Lehen aldian bezala, gobernuak zailtasunetan diren enpresak diruz lagunduko dituela zehaztu du Castexek: "Hilabetero 10.000 euro arte igo daitekeen laguntza jasoko dute ixte administratiboa pairatzen duen sektore orok". Langabezia partziala eta zerga dispentsak finkatuko dituzte berriz ere bigarren konfinamendu honetan zailtasunetan egonen diren enpresentzat. Frantziako Kontseiluen Ministroak azaroaren 4an bozkatuko du 20 miliar euro gehiago horretara bideratzeko erabaki politikoa. "Gastu hauek asumitu behar ditugu; kostu ekonomiko, finantziario eta batez ere humano handiagoa lukeelako ezer ez egiteak".
Barda Macronek erran zuen gisara, berretsi du osasun egoera eta horri begira harturiko neurriak hamabost egunero aztertuko dituzte, behar izanez gero egokitzeko. Ostiral honetan hasiko da bigarren konfinamendua Ipar Euskal Herrian ere eta gutxienez abenduaren 1a arte iraunen du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.