Ikastetxe inguru segurua aldarrikatu dute, auto batek ikasle bat harrapatu ostean
Ikastetxe inguruak autorik gabeko espazio seguruak izan behar duten aldarrikapena ez da berria, ezta Bilboko Pagasarribide eskola publikoan ere. Arriskua dagoela-eta urteak daramatzate borrokan; aste honetan, auto batek ikasle bat eta haren ama harrapatu ditu ikastetxe atarian. Gurasoek mobilizazioak hasi dituzte.
Astelehen honetan 7 urteko ikaslea eta haren ama harrapatu zituen auto gidariak, Pagasarribide ikastetxe atarian, oinezkoen pasabidean, eskolara sartzeko orduan. Ospitalera eraman zituzten, baina ez da larria izan.
Batez ere eskolako sarrera-irteera orduetan inguru arriskutsua dela-eta, neurriak eskatzen urteak daramatza Pagasarribideko hezkuntza komunitateak: semaforo bat, mutiloiak, autobus geltokia lekuz aldatzea… baina Bilboko Udalaren erantzuna izan da polizia agente gehiago jarriko dituela bertan, segurtasuna bermatzeko.
Istripuaren ondoren, aldarrikapena berreskuratu eta astearte honetan bertan errepidea moztu dute familiek, "Eskolarako sarbide segurua orain!" lelopean. Hurrengo egunetan ere mobilizazioak iragarri dituzte, beste behin egoera salatu eta soluzioak eskatzeko.
Matxinada Eskoletan
Larraskitu eta Errekalde auzoen arteko ikastetxe hau ez da egoera horretan dagoen eskola bakarra. Bilbon bertan, Atxuri auzoko ikastetxe inguruan ere salatu izan dute apenas dagoela oinezkoentzako lekurik eta trafiko biziak egoera arriskutsuak sortzen dituela. Konponbiderik ezean, umeen sarrera-irteeretan zebrabidean jarri izan dira gurasoak.
Azken finean, eskola ingurua kontuan hartuko duen hirigintza da hezkuntza komunitatearen aldarrikapenetako bat. Adibiderako, Katalunian jaio eta Bilbora iritsi zen Matxinada Eskoletan mugimendua: eskola inguruak oinezkoentzako espazio seguru bihurtzea eskatzen dute, autorik, kutsadurarik eta zaratarik gabe.
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Nolako esperientzia eta ondorioak izan dituzte iraganean bateratu ziren ikastetxeek? Zein berme eskatzen dituzte orain fusio fasean murgilduta daudenek? Bi ikastetxek bat egiteko prozesuan, aintzat hartu beharreko gakoak zein diren aletu ditugu, etorkizunean fusioen politikak... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
EAJk, EH Bilduk eta PSE-EEk ekimen bat adostu dute Eusko Legebiltzarrean Hezkuntza Sailari eskatzeko Iradi software libreko hezkuntza plataforma hedatzen jarraitzeko. Zenbait ikastetxetan ezarri da Iradi orain arte. Baliabide partekatuak, komunikazio zerbitzuak (e-posta eta... [+]
Oier Sanjurjo Maté hautatu dute Nafarroako Ikastolen Elkarteko lehendakari. Atzo egindako asanbladan erabaki zuten izendapena. "Mugarri garrantzitsua da euskarazko hezkuntzaren etorkizunerako foru erkidegoan", adierazi du Ikastolen Federazioak ohar batean.