“Ikasleen zati bat desagertuta dago eta beste zati handi batek ez du baliabiderik lana egiteko”
Steilas sindikatuak argitaratutako iritzi artikuluan salatu duenez, "Hezkuntza Sailak ez du ekitatea lehentasunezko gaitzat hartu, eta profesionalak berak, inguruneko errealitatera egokituta, izan dira irteera eman diotenak, ahal izan duten neurrian, egoera horri".
"EAEko hezkuntza sisteman familien egoera sozio-ekonomikoaren araberako desberdintasunak Europa osoko altuenen artean daude" adierazi du Steilas hezkuntzako sindikatuak iritzi artikuluan (hemen osorik irakurgai). Koronabirusaren krisiaren aurretik dagoeneko familia askoren ahuldade sozio-ekonomikoa larria bazen, pandemiaren aurrean hartu diren erabakiek "desberdintasun hori areagotu" dutela salatu du.
Ikasleen zati bat desagertuta, beste zati handi batek baliabiderik ez
Steilasek adierazi du benetako zifrak ezagutzen ez baditu ere, irakasle askoren kezka hauxe dela: "Gaur egun, ikasleen zati bat desagertuta dago, eta beste zati handi batek ez du baliabide nahikorik agintzen zaien eguneroko lana egiteko". Salatu duenez, "Hezkuntza Sailak gainezka egin du egoera horren aurrean, ez du ekitatea lehentasunezko gaitzat hartu, eta profesionalak berak, inguruneko errealitatera egokituta, izan dira irteera eman diotenak, ahal izan duten neurrian, egoera horri".
"Behar bereziko ikasleak baliabiderik gabe geratu dira"
"Ikasleen ehuneko esanguratsu batek hezkuntza-sistematik kanpo jarraitzen du" adierazi du eta ohartarazi du egoera hori larriagoa dela premia bereziak dituzten ikasleen kasuan: "Haien arreta desagertu egin baita, baliabiderik gabe geratu baita eta erabat ikusezin bihurtu baita, normaltasun-irudia hautsi ez dadin".
Telematikoki curriculuma bai, baina hezkuntza?
Steilasek telematikoki eskaintzen den hezkuntzaz balorazio hau egin du: "Egoera honetan, baliabide telematikoek ikasle batzuek curriculumeko alderdi jakin batzuk lantzen jarraitu ahal izateko balio dute soilik, baina, nolanahi ere, oso urrun daude Hezkuntzatik. Horregatik, zentro asko, gehienak publikoak, biztanleria ahulenarekin egiten ari diren lana goraipatzekoa da".
Aurrez aurreko eskolan pentsatu behar dela gogorarazi du: "Bizitzen ari garen une berezi honek, gure hezkuntza-sistemaren josturak berrikusteko balio behar digu. Ez gaitezen erori aldi birtual hori soilik konponduko duten epe laburreko soluzioetan. Pentsa dezagun aurrez aurreko eskolan".
HezkuntzArtea Irakasleen Elkargunea sortu du EAEko irakasle talde batek. Hezkuntza politiken “noraeza” salatu nahi dute, politika horiek etengabeko metodologia berrietan, “burokrazia ikaragarrian” eta IKTen “erabilera zentzugabean”... [+]
Iaz jarri zuten martxan lehenengoz Alde Zaharrean Jantoki Herrikoia. Auzokoak elkartu eta mahaiaren bueltan konpainian bazkaltzea da gakoetako bat. "Auzotarrak elkarren artean ezagutu eta komunitatea sortzea da gure nahia", azaldu du AZ Ekimeneko kide Asier... [+]
"Nola sustatu haurren parte-hartzea ekintza komunitarioen bitartez" ikastaroa emango du otsailean Iruñean Naiara Martin Gomezek (Elgoibar, 1982). Pedagogian graduatua da eta Atxutxiamaika Saileko arduraduna. Izen-ematea irekita dago UEUren webgunean. Ikastaroaz... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
2024ko balantzea egin du Irungo Harrera Sareak. Aurreko urtearekin alderatuta saretik migrante gehiago pasa dira, eta Gautxori taldearen harrerak laukoiztu egin dira. 6.000 pertsona inguru artatu dituzte guztira.
Berlingo mobilizazio komunista tradizionala, Palestinarekiko elkartasunak markatua, bortizki zapaldu zuen Poliziak: kargak, ospitaleratutako zaurituak, atxiloketak, manifestarien inguraketa metro-geltoki batean eta abar.
EH Bai koalizioak babesturiko Ahetzen zerrenda gailendu da bozen bigarren itzulian, joan den igandean, botoen %44 erdietsirik.
Irailetik Venezuelatik alde eginda egon ondotik, eta azken asteotan Hego Ameriketan kanpaina kutsuko bira egin ostean, hauteskundeetara aurkeztu zen Edmundo Gonzálezek hitzemana zuen Caracas hiriburuan agertuko zela Nicolas Madurok kargua hartuko zuen egunean. Bere... [+]
Lapurdiko Makean egin du Euskal Selekzioa Orain elkarteak lehenengo biltzar nagusia. Iazko udan Frantziako selekzioarekin jokatzeari uko egin ziotela iragarri zuten Ipar Euskal Herriko hamabost pilotarik osatzen dute gaur gaurkoz ekimena, zeinak helburu duen, besteak beste,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]