Ikasle bat atxilotu dute Gasteizko EHUko campusean, eta lau identifikatu Ibaetan
Martxoaren 30eko grebako propaganda egiten ari zela eraman dute atxilo Gasteizko ikaslea, asteazkenean. Ikasle Abertzaleak-ek elkarretaratzea egin du atxiloketa salatzeko. Ostegun goizean, berriz, lau ikasle identifikatu ditu Poliziak Ibaetako campusean.
Ikasle bat atxilotu dute Gasteizko EHUren campusean, martxoaren 30eko grebarako propaganda egiten ari zela, asteazkenean. Gedar-ek jaso duenez, hainbat ikasle jarraitu ditu kalez jantzitako polizia batek, eta Udaltzaingoari deitu dio. Udaltzainek gazteen kontra egin dute, eta horietako bat Gizarte Langintzako fakultatean atxikita eduki ondoren atxilo eraman dute. Asteazken iluntzean utzi dute aske.
Ikasle Abertzaleak-ek atxiloketa salatzeko elkarretaratzea egin du iluntzean, Gasteizko Andra Mari Zuriaren plazan. Bertan, azpimarratu du Polizia "beste behin ere" campusera sartu dela "inpunitate osoz".
Horrez gain, Ibaeta Martxan proiektu komunikatiboak jakinarazi duenez, Ibaetako campusean ostegun goizean lau ikasle identifikatu ditu Ertzaintzak, horiek ere martxoaren 30eko grebako propaganda egiten ari zirela.
"Unibertsitate poliziala"
IAk salatu du EHU "unibertsitate poliziala" dela, askatasun politikoen urraketak "ez duelako etenik" eta "Poliziaren esku-hartzea ahalbidetzen" duelako "edozein gatazkaren" aurrean. Horren adibide jo dute asteazkeneko atxiloketa.
Antolakundeak azaldu duenez, kurtso guztian jasan behar izan dituzte "identifikazioak, jarraipenak, edota espedienteak irekitzearen mehatxuak", baina nabarmendu du greba aurreko egunetan Poliziaren errepresioa igo egin dela. Adierazi du azken asteetako Poliziaren presentzia "guztiz itogarria" izaten ari dela, "udaltzaingoz, ertzainez, kalez jantzitako poliziez eta seguratez beteta" egon delako campusa.
Asteazkeneko atxiloketaren aurrean EHUren "pasibotasuna" ere salatu du IAk. Dioenez, unibertsitateak "ez du ezer egin" Poliziaren interbentzioaren aurrean eta "informazio bideak moztu" dizkiete antolakundeko kideei.
Iazko martxoko greban 34 ikasle atxilotu zituen Ertzaintzak Gasteizko EHUren campusean. IAk salatu du EHUk espedienteak irekiko dizkiela 34 atxilotu horiei.
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Urri hasieran kaleratutako EHUko irakaslearen inguruko txosten bat egiteko eskatu dio Fiskaltzak Ertzaintzari. Kasuaren nondik norakoak sakonki ikertzeko eta gorroto deliturik egon den ala ez aztertzeko helburua du, salaketa jartzea erabaki aurretik.
Ikasturte hasieran hauteskundeak izan behar ziren EHUko agenda informatiboko gertaera nagusia. Gizarte eta Komunikazio Zientzien Fakultatean, gainera, hitzordu bikoitza dugu, gure zentroko batzarra ere urrian hautatuko baita. Aukera zabaldu da kudeaketa-eredu ezberdinak ezagutu... [+]
Ezin inoiz jakin zer topatuko duzun ikasturtea hasten denean, irailaren lehenak beti ohi dira tentsio altuko garaiak, hiru ala berrogei urte izan. Motibazio altuko garaia, hizkuntza eskolan eta gimnasioan izena emateko unea. Aurten zeramika ere egingo dut, beti izan da nire... [+]
Egoera juridikoki aztertu ondoren, Euskal Herriko Unibertsitateak erabaki du Zuzenbide Fakultatearen Bizkaiko Ataleko irakaslea lanpostutik kentzeko prozesua martxan jartzea. Irailaren 27an hasi ziren irakaslearen aurkako salaketak. Orduztik ehundaka izan dira auzi honen... [+]
Sanchezi buruz ari gara, joan den ostiralean astindu gintuen kasuaz. Adierazpen askatasuna defendatzen dugu, baita gustuko ez ditugun adierazpenak egiten direnean ere. Askatasun horrek iritzi arrazoituetan eta kontrastatutako datuetan oinarritutako ideiak adierazteko... [+]
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
"Irudia zuritzeko" estrategiak erabiltzen dituzte energia arloko enpresa nagusiek. Ekintza positiboak azpimarratu eta inpaktu negatiboa "estaltzen" dutela ondorioztatu du ikerketan parte hartu duen EHUko doktoregai Goizeder Blancok.
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.