Ikasle Abertzaleak-ek milaka ikasle bildu ditu hiriburuetako kaleetan egindako mobilizazioetan
Ikasle Abertzaleak (IA) erakundeak grebara deitu ditu gaur Hego Euskal Herriko Bigarren Hezkuntzako ikasleak eta ikastetxe ugaritan greba egiteaz gain, lau hiriburuetako mobilizazioetan milaka ikasle bildu ditu. Ikasle Sindikatuak ere bat egin du greba deialdiarekin, baina ez dute adostasunik izan ekitaldiak elkarrekin egiteko.
Ikasle Abertzaleetako kideek azken asteetan ekintza ugari egin dituzte grebarako deialdia egiteko, eta gaur kalera atera dira Hezkuntzan ofentsiba kapitalista gelditu! goiburupean. Eusko Jaurlaritza bideratzen ari den hezkuntza erreformaren aurkako jarrera agertu dute, eta LOMLOEren ildo beretik doala zehaztu dute. Edozein kasutan, adierazi dute hezkuntzak bizi duen “ofentsiba kapitalistari aurre egin eta hezkuntza sistema sozialista aldarrikatzeko” baliatuko dutela greba eguna.
Gaur egun bizitzen ari garen krisiarekin lotu dituzte hezkuntza erreformak, horretarako “kapitala bere irabaziak bermatu nahian dabilela eta horretarako gizarteko egitura nagusiak berregokitzen dituela, merkatuak behar duen lan indarra ekoizten duela bermatzeko". EAEko Hezkuntza Lege berria ere horren adibide garbitzat jo dute.
Heziketaren desegitea salatu dute, edo bestela esanda, hezkuntza edukiz husten ari direla: “Jakintza garatzearen garrantzia albo batera uzten da eta formakuntzaren debaluazio bat gertatzen ari da. Horren ordez, ikastetxeak diziplinamendu hutserako zentro bilakatzen ari dira: metodologia aldatzen (errefortzu plan berria eta batxilergo orokorra inposatuz, esaterako) konpetentzia jakin batzuk ebaluatzen (konpetentzia digitala, ekintzailetza…) edo autoritarismoa eta infantilizazioa hedatzen”.
Testuinguru honetan, langile klasearen alde egingo duen hezkuntza eraiki beharraz aritu dira, haien ustez egungo hezkuntza, besteak beste, segregatzailea delako: “Hezkuntza kualifikatua da, hain zuzen ere, gehien elitizatzen dena; ikasle langileak berriz, ahal bezain laster lanean jarriz. Ez dago interesik proletariotza heziketa prozesuan denbora luzez mantentzeko eta, era berean, heziketa prozesuak gero eta gutxiago ase ditu proletariotzaren beharrak. Hau da, familia askorentzat sostengaezina bilakatzen ari den inbertsio bat da hezkuntzarena, gaur-gaurkoz etorkizun ziurgabe bat besterik eskaintzen ez duena”.
IAren eta ISren arteko ika-mika
Ikasle Sindikatuak (IS) ere deitu du gaurko grebara, eta aldez aurretik dei egin du IAk egindako deialdietara joateko, gaurko egunean indarrak banatzeak zentzurik ez duela iritzita. IAk, aldiz, gogor kritikatu du ISren jarrera, ikuspegi desberdinak dituztela azaltzeaz gain, IS IAren lanaz baliatzen dela salatu du. Gaurko grebara deitzeaz gain, Ikasle Sindikatuak bat egin du beste hainbat eragilek –tartean euskal gehiengo sindikalak– EAEko Hezkuntza Lege berriaren aurka egindako greba deialdiarekin.
Milaka pertsona kalera atera gara gaurko ikasle greban, Bilbon, Donostian, Gasteizen eta Iruñean egindako manifestazioetan.
Ofentsiba kapitalistaren eta hezkuntza erreformen aurrean, hezkuntza sistema sozialistaren aldarria zabaldu dugu.#U27IkasleGreba! pic.twitter.com/kKLzLO2WGL
— Ikasle Abertzaleak (@IAbertzaleak) October 27, 2022
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Martxoaren 30eko greba egunean, Ikasle Abertzaleek deitutako manifestazioek kaleak hartu dituzte Bilbon, Donostian, Gasteizen eta Iruñean, "Enpresarien hezkuntzaren aurrean, ikasle langileok borrokara" lelopean.
"Elite ekonomikoen araberako hezkuntza" dugula, eta enpresen eta hezkuntza zentroen arteko harremanak, jakintza-alor batzuetan jartzen den indarra, funtzio diziplinatzailea, kontrol sistemak… horren erakusgarri direla iritzi diote Ikasle Abertzaleek. Greba eguna... [+]
Martxoaren 30eko grebako propaganda egiten ari zela eraman dute atxilo Gasteizko ikaslea, asteazkenean. Ikasle Abertzaleak-ek elkarretaratzea egin du atxiloketa salatzeko. Ostegun goizean, berriz, lau ikasle identifikatu ditu Poliziak Ibaetako campusean.
2021-2022 ikasturtean ikasle greba deitu zuten Ikasle Abertzaleek, martxoaren 24an. Gasteizen 34 ikasle atxilotu zituen Poliziak, eta azken hilabeteetan EHUk gutuna helarazi die, espedienteak irekiko dizkietela jakinaraziz. Unibertsitatetik kanporatzeko arriskuan leudeke, beraz... [+]
Mugimendu Sozialistako bi kidek Poliziaren partetik jazarpen jarraitua pairatu dutela salatu dute. Irekita zeuzkaten prozesu judizialek etorkizunean eragin liezazkieketen balizko kalteen aurrean laguntza eskaini diete militanteei, trukean Mugimendu Sozialistari buruzko... [+]
Gasteizko campusean 34 ikasle atxilotu zituzten IAk martxoaren 24rako deitutako greban, eta "desordena publikoak" eragitea leporatzen diete. Urtarrilera bitartean deklaratu beharko dute.
Ikasleak, gurasoak, euskalgintza, sindikatuak… Kritiko direnak eta mobilizazio deialdiak pilatzen ari zaizkio EAEko Hezkuntza Legearen aurreproiektuari. Bi arlo dira polemikoenak: sare publiko eta kontzertatuak legean izan behar duten rola; eta euskarak irakaskuntzan izan... [+]