Ikasgeletara itzulera abiatu dute EAEn
DBH 4ko, Lanbide Heziketako eta Batxilergoko ikasleak ikasgeletara bueltan dira. Dena den, behar akademikoak dituzten ikasleak soilik joko dute ikastetxera, eta hainbat zentrok ez dituzte ateak irekiko.
Maiatzaren 18an zuen ikasgeletara itzulera abiatzeko asmoa Eusko Jaurlaritzak; hala iragarri zuen Cristina Uriarte hezkuntza sailburuak, hezkuntza komunitatearekin hala egitea adostu gabe. Alabaina, aste betez atzeratu da ikasgeletara buelta, Uriartek itzulera aurretik gauzatzeko estaldura juridikorik ez zutela onartu ostean.
Hala bada, maiatzaren 25eko astelehenez bueltatu dira ikastetxeetara 15 urtetik gorako ikasleak. Dena den, itzulera ez da orokorra; batetik, ikasgeletako ateak zabaltzeko erabakimena tokian tokiko ikastetxeen esku geratu da, eta bestetik, soilik behar akademikoak dituzten ikasleak –selektibitatearen prestaketa kasu– hartuko dira ikasgeletan. Ikasle askok telelanaren bidez jarraituko dute funtzionatzen.
Ikasgeletara itzulera gauzatzeko segurtasun neurriak ezarri dituzte: maskarak jantzita eraman behar dituzte ikasleek, ikasle kopuru txikiak hartu ditu gela bakoitzak, eta segurtasun distantzia mantenduko da.
Berriako kazetari Irati Urdalletak Donostiako Axular lizeoaren ateetan ikasleei tenperatura nola hartzen zieten jaso du:
Ikasleak ikasgeletara itzultzen ari dira Araban, Bizkaian eta Gipuzkoan. Axular lizeoan tenperatura hartzen diete sartu aurretik, eta dostantziak mantendu behar dituzte. @berria pic.twitter.com/W58xcedzn4
— Irati Urdalleta (@UrdalletaIrati) May 25, 2020
Sindikatuek, beren aldetik, adierazi dute oso gutxi izan direla klase presentzialak abiatu dituzten ikastetxeak. Hori horrela, bai ELAk zein Steilasek publiko egindako oharretan zera ondorioztatu dute: ikastetxe gehienek bat egin dutela ELA, Steilas, LAB, CCOO eta UGT sindikatuek ikasturte amaierako egindako proposamenarekin.
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez... [+]
II. kongresuan aurkeztu duen berritasun esanguratsuenetako bat da. Orain arte Bigarren Hezkuntzara zuen bideratua bere jardun politikoa eta hemendik aurrera unibertsitateetan eta Lanbide Heziketan ere arituko dira. Euskal Hezkuntza Sistema Publiko Komunitarioa aldarrikatu du... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Ongi ezagutzen ditu eskola partikularretara doazen ikasleak Aitziber Ibarbiak. 25 urte inguru daramatza matematika, fisika eta kimikako partikularrak ematen, batez ere Batxilerrekoei. Irakasle on eta txarrez, ikasgelan sortzen diren erritmo ezberdinez, azterketak zuzentzeko... [+]