Ikama ikasle antolakundeak Gasteizen jasaten ari diren jazarpen poliziala salatu du
"Behin baino gehiagotan salatu dugu kurtso honetan pandemiaren aitzakipean presentzia poliziala areagotu izana, ikasleon bizitzen gaineko kontrolean sakonduz. Euskal Herriko hainbat ikastetxeetako patio inguruetan egon izan dira uneoro, Mendebaldea ikastetxea adibide, non isunak ere jarri dituzten. Baina azken bi asteetan Gasteiz osoan bizi izan duguna jasanezina izan da: ekimen ezberdinak egiteagatik salaketak, ikasleoi polizia sekretaren kotxeek jarraitzea...".
Horrez gain, ikastetxe batzuetako zuzendaritzek "ikasle mugimendua kriminalizatu izana" salatu dute.
Azaldu dute apirilaren 21ean mobilizazioak COVID neurriak kontuan hartuta egin zituztela, bi zutabetan eta gure arteko segurtasun distantzia bermatuz. Baina hala ere, bai Gasteizen eta bai Agurainen poliziaren errepresioa jasan behar izan zutela kontatu dute: "Andra Mari Zuriaren plazara heldu bezain laster poliziaren presentzia itogarria zen, Ertzainen 3 furgoi, 3 kotxe eta munizipalen 7 motor zeuden guztira gure zain. Poliziak hasieratik oztopatu zuen manifa, megafonotik distantziak mantentzeko aginduz, eta horretaz gain, gure pankartak eta oihuak egokiak ez zirela esanez. Guztia gaztelania hutsean eta manifestazioa disolbatzeko mehatxupean".
Espainiar Gobernu Delegaritzara iristean ertzaintzak “Euskal Herrian gure hezkuntza!” pankarta eusten ari ziren bi ikasle identifikatu zituen. Ikamak zera adierazi du honen aurrean, EAJri zuzenduz: "Ikasleoi beldurra sartzeko helburuarekin eta ikasle mugimendua desartikulatzeko asmoz jarri dituzte beste behin ere haien indar errepresiboak martxan. Badakite ikasleria antolatu eta indartsua haien inposaketei aurre egiteko gai dela, eta hori ekidin nahi dute ikasleria subjektu gisa hasieratik deuseztatuz. Baina gurekin jai dute". Euskal Eskola Herritar eta Burujabea lortzeko antolatzen jarraituko dutela hitzeman dute.
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]
EHUko Ibaetako campuseko Hezkuntza Fakultatearen “egoera larria” dela salatzen ari dira bertan irakasle ikasketak egiten ari diren ikasleak.
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]
Espainiako Gobernuaren unibertsitate lege berrian Euskal Filologia ezagutza arlo gisa Filologia Hispanikoen barruan jartzeko plana publiko egin zuenean, kontra agertu ziren hainbat banako eta kolektibo, horien artean Euskal Herriko Unibertsitatea bera.
Martxoaren 30eko greba egunean, Ikasle Abertzaleek deitutako manifestazioek kaleak hartu dituzte Bilbon, Donostian, Gasteizen eta Iruñean, "Enpresarien hezkuntzaren aurrean, ikasle langileok borrokara" lelopean.