Iggy Popek BBC Radion egiten duen saioa Brigade Locoren ‘Bultzada’ abestiarekin abiatu du
Abeslari estatubatuar ospetsuak musikari zuzendutako irratsaioa egiten du BBC Radion, igande arratsaldero. Oro har talde anglosaxoiak gomendatzen ditu. Brigade Locoren abestia osorik entzun orduko aitortu du: "Ez dut tutik ere ulertu".
"Zatoz gurekin eta emantzazu bultzada" abesten du Brigade Loco talde bergararrak, Realari, eta zehatzago, Realeko Bultzada harmailari erreferentzia eginda. Tartean aipatzen dira –eta BBCk mundu osora zabaldu ditu– Satrusen korrikaldiak, Agirretxeren golak, Bigarren Mailako garaiak, eta funtsean aldarri hau: "Txuri urdin koloreak / Harrotasunez eramanda / Batera bagoaz garaipena gurea da / Zatoz gurekin eta emantzazu bultzada / Gure izana defendatuz goaz aurrera".
Iggy Pop abeslari estatubatuar ezagunak abesti horrekin zabaldu zuen joan zen ekainaren 3an BBC Radio 6n egiten duen irratsaioa. Bi ordu iraun ohi ditu saioak, eta 30 abesti inguru ipintzen ditu. Saioari ekiteko, berak hitza hartu baino lehen, Brigade Locoren Bultzada abestia entzun zen oso-osorik.
Abestia amaitzean, "Wow!" esan zuen Pop-ek, ohikoa duen ahots zakar eta ilunean. "Ez dut tutik ere ulertu, baina letrak oso zorrotz eta gogorrak sumatzen dira. Gustatzen zait mutil hauek daramaten bidea, nahiz ez dudan ezer ulertu". Social Distortion talde kaliforniarrari egin zion erreferentzia gero, baina segituan gehitu zuen, enfasi apur eta segundo erdiko isilune batekin, "euskaldunak dira". Eta Wikipediatik hartutako informazioa eman zuen jarraian: izena, nongoak diren, ze musika mota jotzen duten, eta taldekideen izenak zerrendatu zituen. Azkenerako, kasik minutu eta erdiko hitzartzea egin zuen Pop-ek.
Izaten da, tarteka, dena loturik dagoenaren sentsazioa. Denetarik-edo ikusteko aukera izanen da Zinemaldian, baita Sail Ofizialean ere, marko baten pean betiere. Ikusi ditugu umore ukitudun batzuk, negarra eragiterainoko dramak, suspenseak, dokumental tankerakoak, baita... [+]
Columbus Fundazioak antolatutako kontzertua, ‘RenHacer’ Musikaldiaren barruan.
Bilboko Orkestra Sinfonikoa.
Zuzendaria: Ramón Tebar.
Bakarlaria: Joaquín Achúcarro.
Egitaraua: Guridi, Grieg eta Brahmsen lanak.
Lekua: Bilboko Euskalduna... [+]
Soka-tira
Testua: Ilan Brenman
Ilustrazioak: Guilherme Karsten
Itzulpena: Ipar Alkain
Denonartean, 2024
-------------------------------------------------
Album honen bukaeran bada Benjamin Franklinen aipu bat: “Sekula ez da izan gerra onik, ezta bake txarrik... [+]
Poesia-irakurraldi bat, jendaurreko elkarrizketa bat eta sei orduko tailer bat eskaini zituen orain bi aste Sara Torres idazle eta pentsalariak Gasteizko Artiumen, Trama programaren barruan. Ondoren, eskuzabal eta gertuko hitz egin zidan bere lanari buruz, igande arratsalde... [+]
Astearte gauean egin zen Euskal Zinemaren Gala, Donostiako Victoria Eugenia antzokian.
Irailaren lehenetan, hasierak, nobedadeak eta estreinaldiak: estutxe eta koaderno berria, izena emandako ikastaro edota ekintzetarako taldekideekin lehen enkontrua, aktibitate emanaldi eskaintza oparoa publizitate orrietan edonon, ikasturtearen agenda betetzeko, nork berea... [+]
2021ean sortu zen Lizarran Raimundo el Canastero taldea, eta iaz ikusi zuen argia haien lehenengo diskoak –N.T.E.R.–. Kaxoia, gitarra, ordenagailua eta hiru lagun langabezian: Julen Arbizu (Lizarra, 1995), Imanol Viñarás (Lizarra, 1995) eta Mikel Beltza... [+]
Garai oparoa izan zen 1980ko hamarkada Euskal Herriko rock musikarentzat. Talde ugari sortu ziren: tartean, Belladona, Matraka eta La Viuda Negra. Hiru horiek soilik emakumez osaturiko musika talde nafarrak izan ziren. Iosebe Garaialde (Iruñea, 1961) lehen bi talde... [+]
Lotsa ahitzen ari ote zaigu? Horixe da egungo hainbat autoreren diagnostikoa. Ez da existitzen, jada, lotsarazi ahal gaituen begiradarik? Bestelakoa zen Jean-Paul Sartrek, 1943an, lotsaren inguruan deskribatutakoa: sarrailaren beste aldean, begia giltzaren zirrikituan itsatsita,... [+]
