Duela bost urte, 2013an, laborantza lurrak espekulaziotik babestu eta mantentzeko Lurzaindia sortu zuten ELB sindikatua, Arrapitz Federazioa, Euskal Herriko Laborantza Ganbara eta Euskal Herriko inter AMAP elkarteen bultzadaz. Martxoaren 31an biltzar nagusia egin ostean, iganderako hitzaldi, aldarrikapen eta elkartasun giroz osatutako besta antolatu dute Itsasun.
Hormigoiaren eta espekulazioren hatzaparretatik ahalik eta lur gehienak salbatu, segidarik gabeko etxaldeei jarraipena bermatu eta nekazaritzan instalatu nahi duten gazteei lurra eskuratzen laguntzeko ahaleginean aitzindari izan zen GFA elkartearen oinordekotza hartuz sortu zuten Lurzaindia 2013an. Geroztik, 150 hektarea lur eta 7 etxalde erosi dituzte, denetara 374 hektarea osatu.
“Denek nahi dute lurra berentzako”, esan du Lurzaindiaren buru Maryse Cachenautek. “Nekazaritzarako behar dugun arren, beste batzuk edozertarako erabiltzeko baliabidetzat daukate”. Horregatik Lurraren Bestarekin baserriak eta lurrak erosteko kanpainetatik harago Lurzaindiak herritarrak ohartarazi nahi ditu laborantzako lurrari eustearen garrantziaz, eta Ipar Euskal Herriak erakunde bateratu bat eraikitzen duen garaiotan hautetsien artean zabaldu nahi du gaia, lurraren antolamenduan lehentasunez erabil dezaten.
Itsasuko Lurraren Bestaren egitaraua goizeko 09:30etan hasiko da ekitaldiaren irekierarekin. 10:00etan eztabaida: “Elikadurarako lurra eta eraikuntza: nola uztartu?” (frantsesez). Aintzina taldeko Txomin Casteigts gaztearekin batera ariko dira Robert Levesque Terres d’Europeko zuzendari ohia, Alain Franck 64 departamenduko Hirigintza Agentziaren zuzendaria eta Gerard Leraz, Rhone-Alpes eskualdeko lehendakari ohia eta nekazaria. 12:00etan musikaz alaituta aperitifa hartu ostean, 13:00etan bazkaria eskainiko da. Egun osoan zehar Ipar Euskal Herriko hainbat elkarteren estandak bisitatu ahalko dira eta haurrentzako bezala helduentzako entretenigarriak gozatu.
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Asteartean, goizeko lehen orduetan, gutxienez lau pertsona atxilo hartu ditu Frantziako Poliziak. Operazioak Baionan, Itsasun eta Angelun egin dira, eta Baionako polizia-etxean daude atxilotuak. Euskal Irratiek jakitera eman dutenez, 2022ko abenduan Angelun eginiko ekintza baten... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Frantziako Etxebizitza ministro Patrice Vergrietek aukera hori iragarri du igandean, Intxausetako solasaldietan. 2025etik aurrera jarriko litzateke indarrean.
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]
Laborantza herrikoiaren alde eta espekulazioaren aurka lanean dabilen Ipar Euskal Herriko egitura 2013an osatu zuten eta orduz geroztik 35 laborari dabiltza ekoizpenean, Lurzaindiaren lurretan.
Senpereko Olha etxea saldu dute, baina espekulazioaren aurkako borrokak jarraitzen du herri hartan. Asteartean Donibane Lohizuneko Maison Adam denda blokeatu dute, bere jabeek erosi dutelako etxea 1,3 milioi eurotan. Hogeita hamar lagun inguruk hartu dute parte ekintzan.
Salerosketaz arduratu den Urruñako notarioak asteazkenean eman die salmentaren informazioa espekulazioaren aurka etxaldea okupatuta zuten eragileei.
Atxik Luhuso kolektiboa sortu dute herrian etxebizitzak eraikitzeko proiektu berriari erantzuteko.
Uztaritzeko etxe bat 480.000 euroan salgai jarri dute, eta herritar talde batek ekintza hori salatu du uztailaren 16an. Ipar Euskal Herrian ikusten den espekulazioaren aurkako mobilizazioa egin da igandean.