Igande honetan Libertimenduak Donapaleuko kaleak hartuko ditu
Otsailaren 6an Bidarraiko plaza hartu ostean, Donapaleun ospatuko da igande honetan Amikuzeko Libertimendua.
Antzerkia, dantza eta bertsoa bateratzen dituen ikuskizuna da Libertimendua, Nafarroa Beherean inauteri-garaiarekin batera plazaratzen dena. Pasa den igandean Bidarrain egin dute aurtengo estreinako emanaldia eta igande honetan Donapaleun izango da hurrengo zita.
10:00etan kale-itzulia egingo dute igerilekutik abiatuta eta 11:00etatik aurrera hasiko da emanaldia abere merkatu plazan. Hura amaitutakoan, herri-bazkaria egingo dute ikastolaren eskutik. Antolatzaileek honako telefonoa jarri dute, erreserbak egiteko: 0649590701 –Hego Euskal Herritik deituz gero, +33 sakatu aurretik–.
Bidarraiko emanaldian, ikusleen txaloen eta irrien artean –kritika sozial umoretsutik ere asko baitu Libertimenduak– momentu hunkigarri bat ere bizi izan zuten publikoak, Kazeta.eus-en jaso dutenez: urtarrilaren 28an auto-istripuz hil zen Leire Iribarneren omenez ohorezko aurreskua dantzatu zuten eta haren oroimenari eskainitako bertsoak kantatu ere bai. Iribarne, Diabolo Kiwi taldeko kidea eta beste proiektu musikal askotako partaidea izateaz gain, Garaziko Libertimenduko kidea ere bazen.
XX. mendean galtzear egon zen Libertimendua ospatzeko ohitura eta azken hamarkadetan gazte baxenabartarren bultzadari esker ari da indarra hartzen berriro.
Aurten Nafarroa Beheretik kanpo ere izango da gainera Libertimenduaz gozatzeko aukerarik. Otsailaren 26an Donostiako Añorga auzoan estreinatuko dute, Harrobiaren plazan. Otsailaren 27an berriz, Iruñeko Santa Ana plazara joaten direnek izango dute ikusteko aukera. Martxoan itzuliko da Libertimendua Nafarroa Beherera: 5ean Baigorrin egingo dute, 12an Hazparnen eta 13an Oztibarren.
Nehoiz baino negu epelagoa izanik ere, ihauteek udaberriari dei eginen diote. Ihauterietako asteburu gotorrena heldu da. Irisarrin Donibane Garazin, Donostiako Añorga auzoan edota Iruñean libertimenduak izanen dira, Irurin maskaradak eta Lapurdiko hamaika herritan... [+]
Libertimendu sasoi betean gara. Hartara, Euskal Herriko hainbat txokotan dantza, musika, antzerkia eta bertsoa uztartzen dituzten joko hauetaz gozatzeko garaia izateaz gain, aste hauek izaten dira momentu aproposena ere disziplina honi buruzko gora-beherei erreparatu eta... [+]
Pasa den irailetik ari dira auzotarrak "Añorgako Dibertimendua" itxuratzen eta otsailaren 26an plazaratuko dute. Nafarroa Behereko libertimenduak oinarri hartuta, dantza, antzerkia eta bertso bidez jorratuko dituzte umorez egungo gaiak. Lau dantza sortu dituzte... [+]
Herri batzuetan urtero moduko inauteriak izango direla adierazi da, beste zenbaitetan moldatu egin dituzte eta beste batzuetan bertan behera gelditu dira inauteriak. Sarrera honetan beste urteetan ospatu izan diren errituak zerrendatu ditugu, baina horrek ez du esan nahi aurten... [+]
Neguan jaun eta jabe izan dira zirtzilak, baina udaberria hurbiltzen ari den bezala dantzariak agertuko dira plazetan. Aurrez aurre edo elkarrekin izango dira Euskal Herriko zenbait plazetan antolatu diren libertimenduetan dantzariak, zirtzilak eta bertsolariak. Dantza,... [+]
Luhuson eman zioten hasiera Libertimenduen garaiari, joan den otsailaren 9an. Atzo, otsailaren 16an egin zuten bigarrena, Amikuzen. Otsailaren 23an Donibane Garazi, Irisarri eta Iruñean du hitzordua Libertimenduak. Azkenik, martxoaren 1ean emango diote amaiera, Esnazun.
Luhuson eginen dute aurtengo lehen libertimendua igande honetan. Ondotik, Amikuzeko, Garaziko, Irisarriko eta Esnazuko gazteek ere dute hitzordu hori biziaraziko. Iruñean ere errepikatuko dute hitzordua aurten ere.
“Gazteak euskarari lotzeko, eta euskara plazerarekin lotzeko tresna ederra da Libertimendua”. Makeako libertimenduan idazle aritu den Xan Berterretxeren hitzak dira. Eta ideiek ez dutenez mugarik ezagutzen, Iruñeko gazte euskaldun batzuek hitz horien esanahia... [+]