Ertzain baten erantzun euskarafoboa Galdakaon: “Ez dut euskaraz hitz egin nahi”
Greba orokorrean gertatua sare sozialetan salatu zuen Beñat Armentiak berak: “Hona hemen Ertzaintza, guztiz oldartuta, nire eskubide linguistikoak urratzen”. Ertzain batek bere hizkuntz eskubideak urratu zizkioten eta kazetari gisa irudiak zabalduz gero 2.000 euroko isuna jarriko ziotela mehatxu egin zion. ARGIA berarekin mintzatu da.
Beñat Armentia (1998, Galdakao) urtarrilaren 30ean herrian aritu zen egun osoan greba orokorraren berri ematen, Galdakaoko eta Usansoloko Binke! aldizkarirako.
Bazkalostean pikete informatiboaren berri eman zuen Armentiak. Grebalari multzoak Ertzaintzaren hiru auto jarraika izan zituen eta halako batean, autotik ertzain bat atera eta denek entzuteko moduan ondorengoa esan zien gaztelaniaz beste agenteei: “Gera dadila garbi, harrapatzen duzuen lehena identifika ezazue”.
“Ni urrutitik ari nintzen sekuentzia grabatzen, eta halere, ertzain hori korrika etorri zen niregana, 'identifíquese' oihuka. Nire inguruan jendea bildu zen. Grebalariak bero xamar egon arren, ni lasai nengoen, ez nintzen ezer txarra egiten ari, informatzen ari nintzen. Ertzaina bero-bero zegoen. Esan nion identifikatzeko prest nengoela, baina hori bai, euskaraz eskatzeko. Akabo. Erabat oldartu zen. Gaztelaniaz esan zidan zazpi aldiz eskatuko zidala identifikazioa, eta zazpigarrenerako ez banintzen identifikatzen, berarekin eramango ninduela”.
Ertzaina “uno, idenfíquese; dos, identifiquese...” entzuten hasi zenean, Armentiak behin eta berriro esan zion identifikatzeko prest zegoela, baina euskaraz eskatzeko. “Yo hablo en el dialecto que quiero”, gisako esaldiak esan zizkiola salatu dio ARGIAri.
Bitarte horretan, jende multzoaren atzealdetik beste pertsona batek bideoz grabatu zuen . Dialektoaren aipamen gutxiesgarria grabatu ez bazuen ere, bideoan argi entzuten da ertzainak mehatxu egiten duela irudiak grabatzen dituena delitua egiten ari dela, baita “no quiero hablar en euskera” gisako esaldi euskarafobo esaten dituela. Inguruan zeudenek plaka zenbakia eskatu zioten, baina ez zien eman.
Tira, ba @AOihenart -en haria ikusi eta gero, ni ere animatzen naiz atzokoa salatzera. Hona hemen @ertzaintzaEJGV, guztiz oldartuta, nire eskubide linguistikoak urratzen. @EHEbizi #EuskalHerrianEuskaraz pic.twitter.com/T25fkGloIP
— Beñat Armentia Arriandiaga (@benatarmentia) January 31, 2020
Ea inguruan euskaraz zekien beste ertzainik ba ote zegoen galdetuta, Armentiak dio hiruzpalau bazeudela, baina denak isilik.
Hizkuntz eskubideak ez ezik, informatzeko askatasuna ere urratu zizkion: “Argazki hori sare sozialetan ikusten badut, 2.000 euroko isuna eroriko zaizu”, mehatxu egin zion identifikatu gabeko ertzainak.
Osakidetzan egun, ez dago bermatuta euskarazko zerbitzua. Zerbitzu gehienetan ez dago hizkuntza irizpiderik eta herritar euskaldunek bere burua nabarmendu beharra daukate, egoera oso zaurgarrian, euskarazko zerbitzua jaso ahal izateko.
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
"Poloniar bat etortzen bada eta bost urte pasako baditu proiektu batean, joder agian ez zaio egoki irudituko seme-alabek euskaraz ikastea, ezta?", bankuko lehendakari Anton Arriolak adierazi duenez. Euskalgintzako eragileek gogor kritikatu dute eta esandakoa... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
Gasteizko 1 zenbakiko Auzitegi Kontentzioso-Administratiboak emandako epaia berretsi du EAEko Justizia Auzitegi Nagusiak. Lan poltsan parte hartzeko euskara maila altuenaren baliokide diren 3. eta 4. eskakizunak indargabetu zituen Gasteizko Auzitegiak.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
Euskarazko B2 eskakizuna zuten bi udaltzain lanpostu baliogabetu zituzten epaileek iazko urtarrilean, euskara eskatzea "diskriminatzailea" izan zitekeela iritzita; eta aitzineko astean, Donostiako Udalak aurkezturiko helegitea ez aztertzeko erabakia hartu du EAEko... [+]
Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Arkitektoen elkargoaren helegitea dela eta, Donostiako Udalak atzera bota du kontratazio espedientea.