Ibilaldia Portugaleten: Ezkerraldean euskararen aldapa leuntzen
Igande honetan izango da 35. Ibilaldia Portugaleten, Asti Leku ikastolak antolatuta. Guztira 7,3 kilometroko ibilbidea izango du eta aurreikuspenek diote 80.000 eta 100.000 euskaltzale artean izango dituela bisitari.
Aldapak leunduz da aurtengo Ibilaldiaren leloa, eta esanahi ugari eduki ditzake: Portugalete, Santurtzi eta Sestaoko aldapa fisikoei ez ezik, egungo “aldapa ekonomikoari” ere egiten dio erreferentzia, baita ezkerraldean bizi duten “euskararen aldapa” zailari ere.
Ibilaldiko zuzendari Carlos Gomezek “ospakizuna Ezkerraldean izatearen garrantzia” azpimarratu du, festaren azken xehetasunak azaltzeko eginiko agerraldian. Euskararen erabilera ezagutza maila baino murritzagoa dela aipatu du. Hala ere, “euskaldun zahar zein etorkizunekoei” eskaini die bertaratzeko gonbita.
Jesus Mari Bilbao Asti Leku ikastolako zuzendariak, ekimenarekin jasotako diruarekin aurrera aterako dituzten proiektuen berri eman du: “Aisialdi eta kirolerako jolastokiak egokitu eta bigarren hezkuntzako eraikin berria egin nahi dugu. Dena dela, ez dugu ahaztu behar Ibilaldiaren helburu nagusia Ezkerraldean euskara sustatzea dela”.
Bost gune antolatu dituzte ibiltariak egunean zehar entretenitzeko. “Gazteei egokitutako bi gune, familientzako beste bi, eta folk musikaren gunea” aipatu ditu Cristina Roy aurtengo Ibilaldiko dinamizatzaileak. Kontzertuen artean, Herri Oihua, Hesian, Skasti, Kherau, Gatibu, Zarama eta DJ Makala arituko dira, besteak beste. Haurrentzako ekitaldien artean, bestalde, Irrien lagunak, karaokea edota apar festa.
Informazio zabalagoa nahi duenarentzat, Ibilaldiaren webgunean topa dezake.
Botoen %55 lortu du Pascal Jocouk Beskoitzeko hauteskundeen bigarren itzulian. Fabienne Etchegaray aurkariak bozen %44 atera du. Hemezortzi kontseilari izango ditu gehiengoak, eta bost oposizioak. Berriako Ekhi Erremundegik eginiko elkarrizketan, ikastolaren aldeko konpromisoa... [+]
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Pascal Jocou eta Fabienne Etchegaray aurkeztuko dira Beskoitzeko hauteskundeen bigarren itzulian. Haritza Camblong-ek oraindik ez du zehaztu ekainaren 23ko bozketara aurkeztuko den. Fabienne Ayensak, Beskoitzeko aurreko alkateak, ikastolaren hitzarmenak eragindako desadostasunen... [+]
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
Hirugarren urtez Xiberoako ikastolei bultzada emanen die Tulalaika bestak.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Ostiral goizaldean igaro zen Korrika Zuberoatik, eta denbora tarte txikia egin bazuen ere, balio izan du erakusteko euskararen aldeko atxikimendua handituz doala, eta gazteak indartsu datozela. “Ikastolatik kanpo euskarazko aktibitateak egitea konplikatua da, baina... [+]
Ikastolen Elkarteak Beskoitzen egin du ekitaldia, bertako Ikastolaren etorkizuna jokoan baitago.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
40 taldeen artetik garaile atera da Muga Zero punk-rock taldea.