Ibilaldia eta Eskola Publikoaren Jaia, egun berean
Bizkaiko ikastolen jaia, Ibilaldia, maiatzaren 25etik ekainaren 1era aldatu dute antolatzaileek, Europar Batasuneko hauteskundeen egun berean izan ez dadin. Orain, ordea, Euskal Eskola Publikoaren jaiarekin egingo du bat eta erabakia kritikatu egin du EHIGE euskal eskola publikoko gurasoen elkarteak.
Erabakia "zoritxarrekoa" dela dio EHIGEk, are gehiago bi jaiak Bizkaian izanik (Gernikan da Ibilaldia, eta Balmasedan eskola publikoaren festa) eta data alternatibo bat aurkitzeko eskatu dio Ikastolen Elkarteari, jai biak egun berean ospatzea bien kalterako izango dela-eta. Lourdes Imaz EHIGEko ordezkariaren hitzetan, Ibilaldiko antolatzaileek eurei eskatu zieten egunez aldatzeko, baina eurak lehenagotik zuten hartua ekainaren 1a.
Koldo Tellitu Ikastolen Elkarteko lehendakariak erantzun du "behartuta" aldatu dutela eguna, hauteskunde egun batean 100.000 lagun egun osoko jai batera mobilizatzea ez dela beraien aurreikuspenetan sartzen eta segurtasun arazoak ere sor zitezkeela, Ertzaintzak ezingo lukeelako Gernikan dispositibo berezia jarri.
Tellituren esanetan, asmoa ez da "inondik ere, Eskola Publikoaren Jaia zapuztea" eta bi festen balioa gehitu edo biderkatu dadila aldarrikatu du, "euskararen eta euskal hezkuntzaren normalizazioa sustatzearen alde".
Data aldaketarik ez
Tellituk gehitu du ez dutela igandetik larunbatera pasako Ibilaldia, herriaren ohikotasunari are gehiago eragingo liokeelako eta segurtasun arazoak egon litezkeelako, jaia bukatutakoan jende askok festa luzatuko bailuke. Maiatzaren erdialdetik ekaina erdialdera arte, igandero hezkuntzarekin lotutako jairen bat dagoela eta ekainaren 1a hautatzea erabaki zaila izan dela gaineratu du.
Botoen %55 lortu du Pascal Jocouk Beskoitzeko hauteskundeen bigarren itzulian. Fabienne Etchegaray aurkariak bozen %44 atera du. Hemezortzi kontseilari izango ditu gehiengoak, eta bost oposizioak. Berriako Ekhi Erremundegik eginiko elkarrizketan, ikastolaren aldeko konpromisoa... [+]
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Pascal Jocou eta Fabienne Etchegaray aurkeztuko dira Beskoitzeko hauteskundeen bigarren itzulian. Haritza Camblong-ek oraindik ez du zehaztu ekainaren 23ko bozketara aurkeztuko den. Fabienne Ayensak, Beskoitzeko aurreko alkateak, ikastolaren hitzarmenak eragindako desadostasunen... [+]
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
Hirugarren urtez Xiberoako ikastolei bultzada emanen die Tulalaika bestak.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Ostiral goizaldean igaro zen Korrika Zuberoatik, eta denbora tarte txikia egin bazuen ere, balio izan du erakusteko euskararen aldeko atxikimendua handituz doala, eta gazteak indartsu datozela. “Ikastolatik kanpo euskarazko aktibitateak egitea konplikatua da, baina... [+]
Ikastolen Elkarteak Beskoitzen egin du ekitaldia, bertako Ikastolaren etorkizuna jokoan baitago.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
40 taldeen artetik garaile atera da Muga Zero punk-rock taldea.