Iberiar penintsula baino handiagoak diren bost plastikozko uharteek gizakion osasunean kalte larriak eragiten dituzte
Ozeano Atlantikoan 580.000 plastiko pieza daude kilometro karratu bakoitzean, Sea Education Society elkartearen arabera. Plastikoaren kutsadurarengatik urtean 100.000 itsas-dordoka eta hegazti hiltzen dira, Eco Portal gune ekologistak jaso duenez.
Adituek itsasoko plastiko multzoei “partxe” deitzen diete. Mundu osoan bost partxe erraldoi zenbatu dituzte. Ozeano Barearen iparraldean dago handiena, Iberiar Penintsula eta Frantziako Estatua baino azalera handiagoa duena. Kontrolik gabeko plastiko kontsumoaren ondorio dela dio Nazio Batuen Erankundeko Ingurumen Zientzietako zuzendari Achim Steinerrek: “Geure buruari ari gara harriak botatzen”. Itsasoko hondakin plastikoei buruz ARGIAk erreportajea egin zuen iaz.
SES –Sea Education Society– elkarteak egindako ikerketa baten arabera, Ozeano Atlantikoan kilometro karratu bakoitzeko 580.000 plastiko pieza daude. Gizakioi zuzenean kalte egin baino, itsas-animaliek pairatzen dituzte ondorio zuzenenak. Urtean 100.000 itsas-dordoka eta hegazti baino gehiago hiltzen dira plastikoa jan edo honekin kateatzeagatik.
Plastikoak minbizia sor dezakeela jakina da, baina Arizonako Unibertsitateko ikerlari Rolf Haldenek dio ezin dela zehatz-mehatz jakin zenbaterainoko eragina duen gizakiongan. “Guztiok gaude kutsatuta; ezin da jakin zertan eragin digun” dio. Plastikoak deskonposatzeko urteak eta urteak behar ditu, baina berehala kanporatzen ditu toxinak, zeinak berehala uretan zabaltzen diren. Merkurioa, kadmioa eta beruna dira ohikoenak. Ingurumen ikerlarien hitzetan, ozeanoko animalia gehientsuenak daude toxina horiekin kutsaturik.
“Ez digula eragiten uste dugu”
“Oraindik ez ditugu plastikoaren kalteak pairatu, eta horregatik ez gara egoeraren jabe”, dio NBEko Steinerrek. Natura zaintzearen beharra azpimarratu du, gure osasunean eragin dezakeelako. Plastikoaren kontsumoa murriztea eskatu du, ahalik eta gutxien erostea: “Bakoitzak egunean 300 gramo plastiko inguru sortzen du”. Geroz eta gutxiago erosita, orduan eta zabor gutxiago sortuko dela dio.
Arizonako Unibertsitateko Halden kezkatuta dago ingurumenagatik. Herritarron “kontzientzia garatzea” posible dela esan du, baina ezinezkoa dela gobernuen eta batik bat, Nazio Batuen Erakundearen jarrera aldaketarik gabe. Haldenen hitzetan, “beldurra” dute errealitatea den bezalakoa dela adierazteko: “Ingurumenaren alde lan handia egiten ari dira azken urteotan, baina herritarrei ez diete guztiz egiazko errealitate bat erakusten”.
“Mikroplastiko” hitza lehenengoz erabili zenetik 20 urte bete diren honetan, ikertzaile-talde batek urte hauetan ikasitakoa errepasatu dute, Science aldizkarian argitaratu duten lan batean. Eta ondorio garbiak atera dituzte: ingurune natural guztietan oso hedatuta... [+]
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]
2016tik 2023ra bitartean, Pastguren paper-fabrika izandakoa erraustegi modura erabili zuen Glefaranek, elektrizitatea ekoizteko. Zazpi urte horietan zehar, errauts-partikulen isurketa-mugak urratu zituen, eta "gizakien eta ingurugiroaren osasuna arriskuan jarri" zuen... [+]
Bilboko Udalak autoak gutxitu nahi ditu erdigunean, aire kutsadurak behera egin dezan. Horretarako, hainbat hiritan abian jartzen ari diren neurri bera hartu du: gehien kutsatzen duten autoei erdigunera sarrera debekatzea. Talde ekologistek neurria kritikatu dute, besteak beste... [+]
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
Erakunde ekologistatik kezkatuta ikusten dute Barakaldo eta Erandio arteko zubia eraikitzeko itsasadarraren hondoko 87.000 metro kubiko; dragatzearen iragarpena. Diru publikoaren xahutzea, arduragabekeria eta agintarien planifikazio falta salatu ditu, baita obrak... [+]
Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Pertsonen eta txakurren testikuluetan mikroplastikoak topatu dituzte maila esanguratsuetan. Eta ikertzaileek ohartarazi dute litekeena dela horrek eragina izatea ugalkortasunaren jaitsieran. Toxicological Sciences aldizkarian argitaratu dute ikerketa.
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Astelehenean egindako inspekzioaren ostean hartu da erabakia, azken asteetan izan diren istripuen harira.
Aixa Barbarin López urpeko arkeologoa da, eta, aitortu duenez, txiki-txikitatik izan nahi izan zuen arkeologoa. Hortaz, unibertsitatera joateko garaia iritsi zitzaionean, historia ikastea hautatu zuen, EHUn, eta arkeologian murgildu zen. Urpeko arkeologian aritzea, ordea,... [+]
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]