Ibarretxe Plana eta Loiolako akordioa berriz mahai gainera
Ez da hutsetik hasiko estatus politiko berriari buruzko eztabaida: EH Bilduk Ibarretxe Planaren hitzaurrea eta Loiolako akordioaren edukiak jarriko ditu berriz mahai gainean, ostegunean EAJrekin egingo duen bileran.
Sortu, EA, Alternatiba eta Aralar alderdietako kideek Donostian adierazi dutenez, EAJk bultzatu nahi duen estatus politiko berriari buruzko eztabaidan parte hartzeko prest agertu dira. 2006an EAJ, Batasuna eta PSE-EEren arteko Loiolako negoziazioetan adostutako edukiak eta 2004an Eusko Legebiltzarrak onartu zuen Estatutu Politiko Berria (“Ibarretxe Plana” izenez ezagunagoa) jarriko ditu EH Bilduk estatus berriaren eztabaidarako abiapuntu gisa.
Bi indar abertzale nagusien arteko bilerari itxaron gabe, Iñigo Urkullu EAEko lehendakariak gogorarazi dio EH Bilduri, ezker abertzalea izan zela Ibarretxe Plana “galbideratu” zuena eta Loiolako akordioei ezetz esan ziena, ondorioz “ETAren su-etena bukatzea ekarriz”.
Ezker abertzaleko legebiltzarkideen erdiek bozkatu zuten Ibarretxe Planaren alde 2004ko abenduaren 30ean onartu zenean; beste erdiek kontrako botoa eman zuten. Espainiako Diputatuen Kongresuak atzera bota zuen 2005eko otsailaren 1ean, PPren, PSOEren, IUren, CCren eta CHAren botoekin.
Informazio gehiago:
- Juan Jose Ibarretxe lehendakari zenean bultzatutako Estatutu Politiko Berrirako proposamena osorik irakur daiteke Eusko Legebiltzarraren webgunean.
- Loiolako bake elkarrizketei buruz Loiolako hegiak liburua idatzi zuen Imanol Murua Berriako kazetariak. Lan horri buruzko elkarrizketa argitaratu genuen ARGIAren 2.222. zenbakian: "Solaskideek elkarrekiko konfiantza handia izan zuten".
Bizi garen gizartea erabat oinarrituta dago menpekotasunean. Mendeetan zehar gure bizitza horren arabera eratu da, eta poliki-poliki erabakitzeko eskumena, askatasuna eta burujabe izatea murriztuz joan dira. Batzuetan bortizki kendu dizkigute; besteetan, ordea, geuk eman ditugu... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Herritarrei eta Hernaniko enpresei energia aholkularitza eskainiko die.
Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.
Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.
Behe Nafarroako Behorlegin asteburu osoko egitaraua eraman du aurrera herriBiltzak. Larunbatean Parisko Komunaren iraultzaren urteurrena gogoratu dute eta igandean kurduen eta euskaldunen arteko elkartasuna indartzeko udaberriko festa ospatu dute elkarrekin. Bi egunetan erein... [+]