Ibarretxe eusten
Apal joan da kanpaina, honek ez du zerikusirik izan 2001ekoarekin, ez hautagaien arteko tentsioan, ez indarrean eta ezta irainetan ere. Ilegalizazioek ere, beren larritasunean, ez dute orduko girorik berpiztu. Hortik ere atera beharko dira kontuak. Azken egunotan, hala ere, eta batez ere jeltzaleen mesederako, goraka egin du tonuak. Eta horrela jarraituko du igandera arte, itxura guztien arabera, Juan Jose Ibarretxek bere deiadar larriarekin jarraitzen ez badu, EAJk jai izango baitu. Larritasun marka horrek bakarrik salba dezake PSE-PPren gehiengo osotik. Eta hala ere oso gaitz. Hilabeteetako kanpainan Ibarretxek, kirolari trebatuen modura, bere ahalegina ongi modulatu du eta azken txanpan gorantz jarraitzen du, eusten. Lopezek azkarregi ekin zion eta azken egunotan ahitu da. Prentsa komentario askotan partekatzen da ikusmolde hori.
Dagoen lehia kontuan hartuta, hautagaien arteko tentsiorik ez da. Tentsio eta erasoek molde larriagoa dute: Ilegalizazioak, batzokien aurkako erasoak, Lazkaoko atentatua, herriko tabernaren erasoa... Oraindik, gainera, asko dira ondorengo egunetan ETAk egin dezakeen beste atentaturen baten beldur. Madrilek badaki errealitatea desitxuratu eta bere alde jartzen, erakunde armatuak ere badaki bere modura eragiten. Gogoratu Isaias Carrasco, besteak beste.
Eskerrak EAJk Ibarretxe duen, bestela askoz larriago beharko luke. Denbora luzea beharko du beste halako liderrik moldatzeko. Eta ongi egokitu dira, liderra eta alderdia. Denetik jorratu du EAJk, salbu eta azken legealdiko Ibarretxeren gai izarrak: erabaki eskubidea eta kontsulta. Eta bai berak, bai beste alderdi txikiek emaitza itzelak lortzen dituzte, edo badoa etxera. Lopez izan daiteke lehendakari PPren botoekin, baina legealdi osoan lotuta izateko? Apika bai, baina gaitza ere bai. EAJren eta PSEren arteko akordioa da errealistena, baina Ibarretxek ez du lekurik hor. Aldez aurretik posible ez dena ere, hala ere, behin baino gehiagotan haragiztatu dute emaitzek.
Sartu Eusko Legebiltzarrerako Hauteskundeak 2009 gune berezira.
Tomas Urzainkik demokrazia eta subiranotasun kontzeptuak batu ditu bere azken liburuan. Nafarroako Infanzones-en Konstituzioko «Pro libertate patria gens libera state» maxima izan du erreferenteetako bat. Hots, «Estatua libre izan dadin, jendarteak ere libre behar du»... [+]
2004an Ertzaintzak "antiterrorismoari buruzko formakuntza" jaso zuen AEBetako funtzionarioen eskutik, AEBetako Estatu Departamentuak desklasifikatu duen dokumentu batean agertzen denez. José María Aznarren gobernuak AEBetako nazioarteko politikei eta... [+]
Artur Mas eta Juan Jose Ibarretxe. Bi lehendakari, bi ibilbide, amets bat: herrien erabaki eskubidea. Kataluniakoa nola doan azaldu zuen Masek, hemengorako bere klabeak Ibarretxek. Eta atzoko Kursaalen Joxe Elorrietaren izpiritua falta zen.
Kataluniako prozesua eta erabakitzeko eskubidea hizpide izango dute gaur arratsaldean Juan Jose Ibarretxe lehendakariak eta Artur Mas Kataluniako presidenteak Donostiako Kursaalen. Hitzaldiaren leku guzti beteta dagoenez, 19:00etatik aurrera zuzenean jarraitzeko aukera izango da... [+]
2004KO ABENDUAREN 30a, Eusko Legebiltzarrak Ibarretxe Plana onartu zuen Batasunaren ezinbesteko hiru botorekin –hiru alde hiru aurka–, honek aurreko aste eta hilabeteetan planaren aurkako jarrera argia erakutsi zuen arren. Ezustekoa tamainakoa izan zen euskal... [+]
Juan Jose Ibarretxe EAEko lehendakari ohia, Gemma Zabaleta PSEko kide eta Gizarte Politiketarako sailburu ohia, eta Floren Aoiz Sorturen Iratzar Fundazioko zuzendaria bildu ditu Gure Esku Dago ekimenak Bilbon antolatutako mahai-inguruak. Erabakitzeko eskubidearen alde agertu... [+]
