Iaz gehien mailegatu zen euskarazko liburua, Nerea Ibarzabalen ‘Bar Gloria’
Araba, Bizkaia eta Gipuzkoako liburutegietan 2,7 milioi mailegu egin ziren 2023an, 2018an baino 100.000 inguru gehiago.
Pandemiak eragindako jaitsiera estali ez ezik, gainditu ere egin da pandemia aurreko maila liburuen mailegu sisteman. Eusko Jaurlaritzaren menpeko liburutegien sareak datuak eman berri ditu Liburuaren Nazioarteko Egunaren atarian, eta balorazio baikorra egin du erabilera handitu delako, zerbitzuak funtzio sozialak betetzen dituela seinalatuta. Kurioski, hain justu gehien mailegatu den gaztelaniazko liburu baten idazlea, duela ez hainbeste, polemika iturri izan zen liburuak dohainik mailegatzeak "kaltea" ekartzen duela esaten zuelako.
Gaur egun, liburutegien sarea 198 udalerritan kokatutako 297 liburutegik osatzen dute, eta ia 6,9 milioi liburu-ale dauzkate mailegagarri.
Euskaraz, liburu fisikoen artean gehien mailegatu dena Nerea Ibarzabalen Bar Gloria izan da. Rakel, Ana eta Miguelen bizipenak jasotzen ditu eleberriak, zeinak egoera ekonomiko hobeagoa lortzeko esperantzan bizitokia atzean utzi eta Gipuzkoako herri industrial batean finkatu diren familietako seme-alabak diren. Irakurgai daukazue ARGIAko 2.812 alean Amaia Lekunberrik egin zion elkarrizketa.
Gehien mailegatutako euskarazko liburuen artean bigarrena, Eider Rodriguezen Eraikuntzarako materiala izan da –Danele Sarriugartek elkarrizketa mardula egin zion ARGIAren 2.769. alean–. Eta hirugarrena, berriz, Arantza Urretabizkaiaren Azken etxea, 11 Akademiak saritua.
Liburu elektronikoek ere, gora
Fisikoen aldean, eta norbaitek inoiz zalantzarik egingo bazuen ere, oraindik atzean daude liburu elektronikoak. Iaz guztira egin ziren 2,7 milioi maileguetatik, 2,6 milioi liburu fisikoetan egin ziren, eta beste 122.000 inguru liburu elektronikoetan. Izena eman behar da eLiburutegia atarian –dagoeneko 65.000 pasatxo daude; urte bakarrean ia 7.000 gehiago–.
Euskaraz gehien mailegatutako liburu elektronikoen artean daude Bar Gloria eta Eraikuntzarako materiala, eta bi horiez gain, laukotea osatzeko, Amets Arzallusen eta Ibrahima Balderen Miñan eta Jon Arretxeren 19 kamera argitalpenak ere ageri dira mailegatuenen artean.
Liburuaren Eguna ARGIAn
Beste urte batzuetan bezala, ARGIAk keinu bat egingo dio apirilaren 23 honetako Liburuaren Nazioarteko Egunari, eta orain arte kaleratutako liburu guztiek %10eko beherapena izango dute ARGIAren azokan.
Irakurleak bertan topatuko ditu dagoeneko bigarren argitaraldia duen Hausnarrean. Ardiek egin naute artzain liburua (Josebe Blanco), Ño! komikia (Eli Pagola, Miren Artetxe eta Maitane Gartziandia), Planeta Prekarioan (Pello Zubiria) edota hirugarren argitaraldia duen Bidean (Koldo Rabadan).
Jakina, Bizi Baratzeko liburu ezagunenei ere eskaintza bera aplikatuko zaie, Jakoba Errekondoren zein Garbiñe Larrearen liburuei.
Hamahiru urte beteko dira asteartean, hilaren 14an, Jose Luis Alvarez Enparantza Txillardegi hil zela, eta hura gogoan, ekitaldi jendetsua egin dute Antiguako Gaskonia plazan. Urteroko legez, Txillardegiren senideak, lagunak eta euskaltzaleak elkartu dira bertan, Eta non du... [+]
ilbeltza-(1).jpg)
Hamaikagarrenez antolatu dute euskal nobela beltzaren astea, urtarrilaren 20tik 26ra. Ekitaldi ugari egingo dira Baztango bailarako hainbat herritan. Liburu aurkezpenak, mahai-inguruak, solasaldiak eta kultur ekitaldiak izango dira, eta ekintzetan parte hartzea doakoa izango da.
Euskal kulturako berritasunak ezagutu nahi dituenak eta egile zein argitaletxeei zuzenean erosi nahi dizkienak urtean zehar baditu hainbat azoka eta ekimen aukeran. Urte askotako tradizioa dute horietako batzuek eta berriagoak dira besteak; tematikoak dira horietako asko eta... [+]
Joan Tartas (Sohüta, 1610 - heriotza data ezezaguna) ez da gure letren historiako idazle famatuenetarik eta, hala ere, ediren dugu gauza onik “pieza mendre” honetan, zeinaren titulua, onar dezagun hasieratik, ez den segur aski mundu honetan paraturiko izenburuen... [+]
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako. ARGIAk eskaintza zabala... [+]
Helduentzako zazpigarren lana argitaratu berri du Uxue Alberdik, hirugarrena ipuingintzan: Hetero (Susa, 2024). Zortzi narrazio bildu ditu liburuan, eta denen abiapuntua izan da memorian geratu eta “noizbait ere honi buruz idatzi behar dut” pentsarazi dion paisaia,... [+]
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Annie Ernaux (Lillebonne, Normandia, 1940) idazleak bere poetikaz eta horren funtzioaz egindako hausnarketak jasotzen dituen elkarrizketa-liburua euskarara ekarri du Leire Lakasta Mugetak (Iruñea, 2002): Idazketa labana bat da (Katakrak, 2024). Idazketaz, hautu estetiko... [+]
Susa argitaletxearekin kaleratu du Goikoetxeak liburu berria: Politeismo bastarta. Nobela gisa kalifikatu arren, kronika gozo eta bizia da, irakurlea Goikoetxearen pentsamenduetan barneratuko duena. Donostiako San Jeronimo kaleko sotoan egin du aurkezpena, hamarnaka lagunen... [+]
Abentura erraldoia. Salba dezagun kalejira haurrentzako liburua modu berezian aurkeztu du ARGIAk, Donostian. Haur eta guraso ugari bildu ziren Gorka Bereziartua eta Adur Larrearen ipuinaren bueltan, eta festarako, dantzarako, ipuinak kontatzeko eta maskarak marrazteko tartea... [+]
.jpeg)
Garazi Arrula (Tafalla, 1987) eta Iñigo Astiz (Iruñea, 1985) gonbidatu ditu Mikel Ayerbek (Azpeitia, 1980) Idazteaz beste euskal literaturari buruzko elkarrizketa-saioetako bigarrenera. Euskal ipuingintza izan da elkarrizketa saio honen gaia, eta gonbidatuen... [+]
Batxilergoan tutore izan nuenetik ia 10 urte pasa direla elkartu naiz Uxue Juarezekin Ur Mara museoko Toureau etxolan (Alkiza), pagoez eta Koldobika Jauregiren eskulturez inguraturik. Autoritate segitzen du izaten niretzat Uxuek, baina beste zentzu batean orain. Aurpegian... [+]
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Donostiako Gros auzoko erraldoi eta buruhandien konpartsak giroturiko kalejira eta dantza izango ditu lagun, ostiral honetan ARGIAk antolatu duen liburu aurkezpenak: Abentura erraldoia. Salba dezagun kalejira aurkeztuko dute Gorka Bereziartua eta Adur Larrea egileek.