EHUk 34 ikasleri espedientea ireki nahi dielako, IAk manifestaziora deitu du
2021-2022 ikasturtean ikasle greba deitu zuten Ikasle Abertzaleek, martxoaren 24an. Gasteizen 34 ikasle atxilotu zituen Poliziak, eta azken hilabeteetan EHUk gutuna helarazi die, espedienteak irekiko dizkietela jakinaraziz. Unibertsitatetik kanporatzeko arriskuan leudeke, beraz. Espedienteak atzera botatzea exijitzeko eta EHUren "jarrera autoritarioa" salatzeko, IAk manifestatzera deitu du otsailaren 16an Gasteizen.
Otsailaren 16an mobilizatzera dei egin dute Ikasle Abertzaleek. EHUk 34 ikasleri ireki nahi dizkion espedienteak atzera botatzea exijitzeko manifestazioa egingo dute Gasteizen, EHUren campuseko Elurreta eraikinetik abiatuta, 12:00etan.
Astearte goizean egindako agerraldian manifestazioa deitzeko arrazoiez mintzatu da ikasle antolakundea. Iazko martxoan ikasle greba egin zen IAk deituta, eta jakinarazi dutenez, piketeak egiteagatik EHUko campus ugaritako hainbat ikasle "jazarriak, jarraituak, mehatxatuak eta erasotuak" izan dira. Mehatxu horien baitan kokatu dute 34 ikasleri espedientea irekitzeko EHUk agertu duen asmoa.
Pasa den ikasturtean, grebako gertakarien ondotik, balizko zigorrak bertan behera uzteko eskatu zioten EHUri. Eskakizunak alde batera, baina, unibertsitateak hainbat ikasleri jakinarazi die espedientea irekiko zaiela. Zehazki, greba egunean Gasteizen atxilotu zituzten 34 ikasleei helarazi die espediente irekieraren berri ematen duen gutuna. Ondorioz, unibertsitatetik kanporatuak izateko arriskuan daude, IAk azaldu duenez.
Espedienteak irekitzeko mehatxua "askatasun politikoen urraketa garbitzat" jo du IAk. "Unibertsitatetik jardun, aldarri zein antolakuntza politiko oro bortxaz ezabatu nahi izatearen seinale". Beren arabera, espedienteen balizko irekierak "ikasleen antolakuntza independentea" kriminalizatzeko "aurrekari arriskutsua" jarriko luke. Hala bada, EHUri exijitu diote espediente horiek atzera botatzea, baita Poliziari unibertsitatera sarbidea ukatzea eta unibertsitatean kontrol sozialaren amaitzea ere.
EHUk autoritarismoranzko joera hartu duela eta gertakariak horren baitan ulertu behar direla deritzote. "Unibertsitateak bere burua espazio aske eta anitz moduan saltzen badigu ere, askatasun politikorik gabeko espazioa dela argi ikusten dugu bertako ikasleok egunero. Kameren presentzia itogarria, seguraten jazarpen konstantea, poliziaren mehatxua eta jardun politikoa burutzeagatik unibertsitatetik kanporatuak izateko arriskua ere badaukagu orain", egin dute irakurketa. Zentzu horretan, deitoratu dute indar poliziala edota zigor akademikoak erabiltzea gatazka politikoen aurrean, elkarrizketaren ordez. Hala bada, EHUren "jarrera autoritarioa" salatzeko ere baliatuko dute manifestazioa.
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]
EHUko Ibaetako campuseko Hezkuntza Fakultatearen “egoera larria” dela salatzen ari dira bertan irakasle ikasketak egiten ari diren ikasleak.
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Unibertsitatean sartzeko proba egingo dute laster Euskal Herriko milaka ikaslek. Lehia sustatu eta memorizazioa lehenesten duen proba dela salatu du Ikama ikasle mugimenduak: “Espektatiba eta desira jakin batzuk sortzen ditu ikasleongan, etorkizuna gure esku dagoela... [+]