Ia lau urteko espetxe zigorra 2019ko Gabon Zaharrean Gasteizko gaztetxean atxilotutako gazte bati
Hala Bedik jakinarazi duenez, gazteak aste honetan izan du epaiketa 2019ko gertakariengatik, eta hiru urte eta bederatzi hilabeteko zigorra ezarri diote. Hurrengo asteotan sartu beharko du espetxean. 2019ko urtarrilaren 1eko goizaldean istiluak izan ziren Poliziaren eta gazteen artean, Gasteizko gaztetxearen kanpoaldean, udaltzainek eta ertzainek bost gazte atxilotu zituzten eta hainbat zauritu eragin.
2019ko Gabon Zaharrean atxilotu zituzten bost gazteetatik lau aske utzi zituzten hurrengo egunean. 2020ko uztailean izan zuten epaiketa, eta isun ekonomikoa ezarri zieten, orotara ia 10.000 euroko zigorra. Bosgarren gaztea espetxeratu egin zuten ordea, eta ia urtebete eman zuen Zaballako kartzelan eta aste honetan izan du epaiketa.
Gazteak akordioa egin du Fiskaltzarekin, Hala Bedi-k zabaldu duenez. Agintaritzaren aurkako atentatuagatik hiru urte eta bederatzi hilabeteko zigorra ezarri diote 26 urteko gasteiztarrari, bi lesio deliturengatik 360 euro, eta bi poliziari 396 euro kalte ordain bezala. Fiskaltzaren eskaera ekonomikoa zein penala nabarmen altuagoa zela zehaztu du Hala Bedi-k.
2019ko istiluak
2019ko urtarrilaren 1ean, goizeko 9:00ak inguruan, istilu larriak gertatu ziren Gasteizko gaztetxearen kanpoaldean, Gabon Zaharretako ospakizunetan festa giroan ziren pertsona batzuen eta polizien artean. Ertzainek eta udaltzainek hartu zuten parte istiluetan, baina Udaltzaingoa izan zen protagonista nagusia. Udaltzainen bertsioaren arabera, gaztetxera hurbildu ziren zarata handiegia zlako, eta han ziren gazteak oldartu egin zitzaizkien. Gazte Asanbladak onartu zuen musika behar baino altuago erabili zutela gau hartan eta barkamenak eskatu zizkieten bizilagunei, baina Udaltzaingoari leporatu zioten istiluen ardura, zaratarena aitzakia izan zela salatuz: “Haien asmoa argia izan da: herri mugimendua eta okupazio mugimendua kriminalizatzea, ospakizun une jakin bat mediatizatuz eta magnifikatuz”. Udaltzainak bat-batean, “aurre abisurik gabe” eta “oso modu oldarkorrean” sartu zirela gaztetxera azaldu zuten.
Gasteizko Gaztetxearen 35. urteurrena ospatzeko jaialdira bertaratu da Udaltzaingoa, kontzertuak debekatuz eta soinu teknikaria atxilo eramanda.
"Hogeitamalas" lelopean kaleratu dute 2022ko urtemugako egitaraua. Tailerrak, auzolana, bazkaria eta kontzertuak antolatu dituzte aste osoan zehar gaztetxearen hogeita hamalau urteak ospatzeko.
Errekaleor, Olarizuko etxe okupatuak, Alde Zaharrekoak... Hautu politikoz zein behar gorri hutsez okupatzen dutenen aurkako bandera harro altxatzen du Gasteizko EAJko alkate Gorka Urtaranek, PPren diskurtsoa –eta bozak– bere eginez. “Lapurrak”,... [+]
20 urte dira 198 iratxok Gasteizko kaleak hartu zituztela, 2002ko urtarrilaren 25ean. “Metro erdiko izakitxoak, aurpegi zirtolarikoak eta belarri estu-luzeak zut, irribarretsu, kolore biziz jantziak”. PPko alkate Alfonso Alonsok begiz jota zuen Gasteizko gaztetxea,... [+]
"Gure guneak gal ez ditzagun, gaztetxeak defendatzeko hautua egin behar dugu, hauen gaineko kontrola eta erabilera bermatu ahal izateko". Horretarako, Gasteizko Gaztetxeak elkarreteratzera deitu du asteazkenean, eta manifestazioa larunbatean.
Herri honen memoria kolektiboari ale bat eskaintzea xede, egitarau mardula prestatu du Gasteizko Gaztetxeak martxoaren 3tik 28ra bitartean. "Erresistentzia ekintza da memoriari eutsi eta bizirik mantentzeko lan egitea", diote Zapalduon memoria jardunaldien... [+]
Hiriko dozenaka eragile sozial, kultural eta politikok Gasteizko Gaztetxearen aldeko agerraldia egin dute. Urriaren 5ean Udaltzaingoa baimenik gabe sartu zen gaztetxera, eraikina hustu eta barruan zeuden dozenaka gazteei isunak jarriz. Gaztetxeak uneoro arduraz jokatu duela... [+]
Gasteizko Gaztetxeak agerraldia egin du "erasoa" salatzeko. Astelehen gauean eraikinera sartu, hainbat gazte identifikatu eta isundu, eta eraikina hustu zuten udaltzainek. Antolakuntza eta autodefentsarako deia egin du Gazte Asanbladak.
2019ko urtarrilaren 1eko goizean, Udaltzaingoak bost gazte atxilotu zituen Gasteizko Gaztetxean. Istiluengatik auziperatutako lau gaztek zigor txikiagoa onartu dute, eta ez dira kartzelara joango.
Gasteizko proiektu autogestionatuek egitarau bateratua osatuko dute inauterietarako: deabruz mozorrotu eta "kapitalaren hiria" infernu bilakatuko dute otsailaren 22an.
Bi data berri aurkeztu ditu Muinoko Hotsak egitasmoak: urtarrilaren 31a eta martxoaren 14a. Gaztetxeko oholtza gainean, berriz, Lepora, Lisabö, Red Iron Squad eta Sexty Sexers taldeak.
Gabon zahar gauean "Aterpe" ostatuan lanean ari ziren langileen izen-abizenak eskatu ditu Gasteizko Udalak. ELA, LAB eta ESK sindikatuek ohartarazi dute, Gasteizko Gaztetxearen ondoan dagoen aterpetxeko langileen Datu Pertsonalak Babesteko Legea urratu egin dela... [+]
Gasteizko Gaztetxeko Gazte Asanbladako kideek aurpegia eman dute hedabideen aurrean urtarrilaren 1eko gertaerak argitzeko. Urtarrilaren 1eko arduradu zuzena Udaltzaingoaren mandoarena izan zela uste dute, muinoko etxearen solaskide bakarrak auzokideak eta eragileak direla... [+]
Udaltzaingoaren dozenaka agentek borra zabalgarriekin kargatu dute Gasteizko gaztetxea eta bost gazte atxilotu dituzte. Epailearen aurrean deklaratzeko zain aske geratu dira dagoeneko, Hala Bedi irratiko webgunean irakur daitekeenez.