Ia 28.000 langabe gehiago daude Hego Euskal Herrian koronabirusaren krisia hasi zenetik
Apirileko datuak atera berri, 13.507 lagunek galdu dute lana hilabete horretan. Are beherakada handiagoa jasan du kotizazio kopuruak, 23.000 kotizatzaile galdu baititu.
Koronabirusaren krisia hasi zenetik 28.000 lanpostu eta 31.000 kotizatzaile galdu dira Hego Euskal Herrian, EAEko Lanbideren eta Nafarroako Lansareren datuen arabera. Historian eman diren daturik txarrenak dira. Eta aldi baterako enplegu erregulazio espedienteei esker ez dute zifrek beherakada handiagorik jasan, izan ere, apirilaren 30ean 187.737 langile zeuden Hego Euskal Herrian egoera horretan.
Herrialdeka, hilabete batetik bestera langabe gehien batu dituena Bizkaia izan da: 78.061 langabe batu ditu, martxoan baino 5.393 gehiago, eta iazko apirilean baino 11.772 gehiago. Hau da, %7,42ko gorakada izan du apirilean martxoarekin alderatua.
Proportzio handiena, ordea, Arabak izan du: 23.403 langabe ditu, 1.955 bakarrik apirilean, eta iazko apirilean baino 4.290 gehiago. Apirilean %9,12ko gorakada izan du langabe kopuruak, Hego Euskal Herriko altuena.
Gipuzkoan 37.179 langabe daude, horietatik 3.082 apirilean gehitutakoak (+%9.04); iazko apirilean baino 6.937 gehiago. Nafarroak 40.442 langabeetatik 3.077 (+%8,23) apirilean izan dira, iaz baino 7.861 gehiago.
Langabezia gehien pairatu dutenen artean emakumeak dira nagusi –98.784 emakume daude langabezian eta 80.301 gizon– eta sektoreka zerbitzuenak jasan du kolperik handiena.
Langabeziaren gorakadarekin etorri da, baita ere, kontratu berrien beherakada: 39.651 kontratu berri sinatu dira Hego Euskal Herrian apirilean, martxoan baino 41.249 gutxiago eta iazko datuak baino 54.790 gutxiago.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.
EAEko Lehen Hezkuntzako haurrei gainontzeko pertsona guztiei onartzen zaizkien eskubideak onartzea, horixe da Haurrak Ere Bai sarearen eskaria.
Aurrez aurreko bisita baten ostean konfinatu dutela eta konfinamenduaren baldintzak salatzeko hasi du protesta. Joan den larunbatetik daukate konfinatuta, ostiralera arte. Jakinarazi dutenez, ordura arte egongo da gose greban.
EAEko LABI ospetsuaren azken saioaren bezperan hartu gaitu, EHUn dituen bulegoetako batean. Legelaria eta Administrazio Zuzenbideko irakaslea da Iñigo Urrutia Libarona (Jatabe, Bizkaia, 1966). Gaur egun unibertsitateko Aldezlea ere bada, hots, bertako kideen babeslea... [+]
Normaltasuna berreskuratzen hasteko eta unean uneko osasun egoerari erreparatuz neguko jaiak antolatzeko prestaketa lanetan ari direla aurreratu du Eneko Goia Donostiako alkateak.
Maria Txibite lehendakariak koronabirusaren aurkako neurri murriztaileen amaiera iragarri zuen asteartean. Horrek hainbat galdera, zalantza sortu ditu herritarren artean. Horiei erantzuten ahalegindu gara.
Iruñeko Alde Zaharreko istiluak ez dira oraingoak, baina azken asteetan ostegun gauetan biziki gogorrak izan dira, bereziki San Nicolas eta San Gregorio kaleetan eta Sarasate Pasealekuan. Horren harira, hainbat tabernek itxi egingo dute hilaren 9an, 18:30etatik aurrera.
Asteazken goizean bildu da ostera ere Labiren Aholku Batzordea, eta bileraren ostean mintzatu da Iñigo Urkullu EAEko Lehendakaria. Asteartean Gobernu kontseiluan onartutako Bizi Berri IV Plana ere aurkeztu du, eta gizarteari babeserako oinarrizko neurriak berriro ere... [+]
Araba, Bizkaia eta Gipuzkoako biztanleek lor dezakete jada Europako Covid ziurtagiria, telematikoki baina izenpe digitalaren prozedurarik gabe. Izenpe digitalarekin nola egin zitekeen (Nafarroan ere) hemen kontatu genuen; orain azalpen gehigarri bat.
LABIren azken bileraren ostean eman du berria Iñigo Urkullu lehendakariak. Joan den urteko urritik daude itxita EAEko elkarte gastronomikoak, eta larunbatetik aurrera berriz ere zabaldu ahal izango dira. Nafarroan maiatzean eman zuten zabaltzeko baimena. Horrez gain,... [+]
Hortxetan dugu uda, eta harekin, urtaro honi lotu ohi ditugun oporrak, urte osoan eman guztiaren ordaina balira bezala. Eta berriro ere jendeak joan nahi du… urrun. Munduaren beste puntako itsas-bazter, naturako mirari edota diskoteka ospetsuan egon nahi du, 2020-2021... [+]