Hurbilketarekin pozik agertu dira Altsasuko Gurasoak baina, etxean nahi dituzte
Sakabanaketari amaiera ematearekin pozik agertu dira Altsasuko Gurasoak, baina denak etxean izan arte lanean jarraitzeko deia egin dute. Laister publiko eginen da gazteak zigortu zituen epaiaren aurkako helegiteen inguruko erabakia, eta ez dute baztertzen beste mobilizazio bat deitzea.
Altsasuko Gurasoak-ek ospatu egin du euren semeen hurbilketa, baina azpimarratu dutenez, haiek etxean nahi dituzte. "Hurbiltzea Presondegiko Lege Orokorretik ondorioztatutako arau orokorraren ezarpenean datza: presoak, posible den guztietan, beren bizilekuetatik gertu dauden espetxeetan egon behar dira. Guztiak Euskal Herrian daudela esateak pozten gaitu, baina oso garbi dugu, esan beharko genuena zera da: etxean daudela, aske".
Sakabanaketa egoerarekin amaitzeak familia guztiek pairatutako "errealitate mingarri, arriskutsu eta izugarria" bati amaiera jartzea izan dela ere gogoratu dute, "duela urte askotik hona Euskal Herriko beste familia asko bizitzen ari den errealitatea", hain zuzen ere. "Gaur zigor gehigarria dela esan dezakegu, baita hau desagertu egin behar dela ere".
Euren semeen askatasunaren aldeko borrokak ez duela etenik ere esan dute. "Hemendik aurrera gure indarra eta ahaleginak gure semeen askatasuna lortzearen alde daude. Gure kasuan, berriz ere, presoaldi prebentiboa kautelazko neurriaren erabilera maltzurra da, beste zigor bat gehitzen da".
Gogogratu behar da Altsasuko gazteen aurkako epaiari ezarritako helegiteak datozen egunetan aztertuko direla, eta azken erabakia edozein unean eman daiteke jakitera. Hala eta guztiz ere, Espainiako Auzitegi Nazionalak zigorrak mantentzen baditu, Auzitegi Gorena, Konstituzionala, eta Estrasburgoko Giza-eskubideen Auzitegira joko dutela argi dute, "askatasuna lortu arte".
Eremu juridikotik haratago, jasotako elkartasuna behin eta berriz eskertu nahi izan dute, eta aurrerantzean bide beretik jarraituko dutela adierazi dute. "Uda honetan gauza positiboak ere bizi izan ditugu, Euskal Herritik, Kataluniatik eta penintsulako beste herrietatik jasotako elkartasunak ez gaudela bakarrik gogora ekartzen digu, bai eta indarrak batuz aldarrikapenak zehazten direla eta injustizia hau herritarrak jasotzeko prest ez daudela".
Etorkizunari begira "gizartearen indarrari" dei egiten jarraituko dute: "Injustizia asko dagoela badakigu, eta gure aldetik, gure seme-alaben askatasunaren alde burrukatzen jarraituko dugu, gizarte honen duintasunari egindako gehiegikeria bukatzearen alde. Etorkizunean agian beste mobilizazio bat egingo dugu", aurreratu dute.
Albiste hau Euskalerria Irratia-k argitaratu du eta CC-by-sa lizentziari esker ekarri dugu ARGIAra.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
