Humza Yousaf izango da Eskoziako lehen ministro berria
SNP alderdi independentistako buru eta Eskoziako lehen ministro Nicola Sturgeonek otsailean dimititu zuen, eta horrek gertukoen zuen Yousaf hautatu dute haren ordezko gisa SNPko militanteen %52k; botoen %48 lortu du Kate Forbes ebanjelistak.
Ezustean eta trans legearen polemika erdian dimisioa aurkeztu zuen Nicola Sturgeon Eskoziako lehen ministroak otsailaren 15ean. Astelehen honetan jakinarazi dute haren tokia nork hartuko duen: Humza Yousaf Osasun ministroak. SNP alderdi independentistako buruzagitza eman diote 37 urteko gizonari, militanteen %52k haren alde bozkatuta. Gertu izan du Kate Forbes Finantza ministroa, botoen %48 jasota.
Forbes ezaguna da ideologia ebanjelista duelako, eta zenbait gaitan jarrera oso kontserbadoreak dituelako. Hark irabazi izan balu agintaldian babesak lortzeko arazo gehiago aurreikusten ziren. Yousaf, ordea, Sturgeon lehen ministro ohiaren segida gisa ikusten da, harengandik gertuen egon den alderdikidea delako, The Guardian egunkariak gogorarazi duenez. Ia 20 urteko ibilbidea du SNP alderdiaren barruan. Asteartean aurkeztuko du lehen ministro izateko hautagaitza parlamentuan, eta ezustekorik ezean kargua hartuko du.
Lehentasunak agintaldian
Irabazi osteko hitzaldian Yousafek iragarri du “eskoziar guztientzat” aginduko duela, eta lehentasunak hauexek direla zehaztu du: “Nire berehalako lehentasuna izango da eskoziar bakoitza ahal dugun neurrian babesten jarraitzea bizi-krisiaren kostuak eragindako kalteetatik, gure NHS osasun zerbitzua eta funtsezko beste zerbitzu publiko batzuk berreskuratzea eta erreformatzea, gure ongizate-ekonomia babestea eta herrialdeko pertsonen bizitzeko aukerak hobetzea”. Pobreziari, energiari eta ekonomiari lotutako neurriak ere aipatu ditu.
Halaber, berretsi egin du Sturgeonek hartu zuen konpromisoa: Eskoziako independentzia lortzea. “SNP taldean batuta, geu izango gara Eskoziari independentzia emango dion belaunaldia”, jakinarazi du oharrean. Halere, azpimarratu du “batasuna” beharko dutela alderdian, izan ere, hautaketa prozesuan SNP barneko desadostasunak agerian geratu dira, eta hori konpontzeko deia egin du.
Segurtasun energetikoa hobetzeko “diktadore kanpotarren” menpe ez egotea dela "onena" azaldu du lehen ministroak. Oposizioko alderdiek eta talde ekologistek erabakia arbuiatu dute.
Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.
Jacinda Ardernek duela aste batzuk Zeelanda Berriko lehen ministro kargua utzi zuenean, Nicola Sturgeonek boto-emaileei esan zien oraindik asko zuela egiteko. Baina, dirudienez, Eskoziako lehen ministroa bere etorkizunaz hausnartua zen. Hala aditzera eman zuen Eskoziaren zati... [+]
SNP Eskoziako Alderdi Nazionaleko burua 2014ko azarotik da Eskoziako gobernuburu. Eskozian erreferenduma egitearen alde egin du lan, besteak beste. Asteazkenean eman du erabakiaren berri, prentsaurrekoan.
Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.
Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.
Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]
Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak
Eskoziako Parlamentuan egindako hitz hartzean eman du horren berri Nicola Sturgeon Eskoziako Lehen ministroak. Aurkezpenean, kritikatu egin du Erresuma Batuko Gobernuak orain arte ukandako "blokeo jarrera".
3TimesRebelPress (3TR) argitaletxe independente eskoziarra jaio da, euskaraz, katalanez, galizieraz, gaelikoz, galesez… eta oro har hizkuntza gutxituetan idazten duten autore emakumeen literatura ingelesera itzultzea helburu duena, “mundu osoan sustatzeko”.
Sturgeon presidenteak erreferendum “legezkoa” agindu du, Erresuma Batuaren baimenik gabe balitz ere. 2023rako aurreikusten du gobernuak erreferenduma.
Bi astez klima larrialdiari aurre egiteko akordioak adosten aritu dira munduko agintariak. Gehien kutsatzen duten estatuek presionatuta, azken zirriborroan jasotako erabakiak hasierakoetatik moldatu egin dituzte: adibidez, ez dute ikatza baztertzeko eskaria egin, baizik eta... [+]
Astelehenean filtratu zen informazioaren arabera, Glasgowko Gailurreko bukaerako txostenak ez zion egin behar aipamenik energia fosilak desagertzeko beharrari. Testu berri batean, ordea, ikatza, gasa eta petrolioa finantzatzeari utzi beharra aipatzen da.
Glasgowko klima gailurrean herrialdeek sinatuko duten akordioaren lehen zirriborroa filtratu da, eta konpromiso maila zein txikia den jarri du mahai gainean Greenpeace talde ekologistak: CO2 isuriak murrizteko eta erregai fosilak mugatzeko neurririk ez da aipatzen.