Huelvako marrubi soroetako langileek jasaten duten indarkeria matxista azalera
Marrubien ustiapenean lan egiten duten emakumeak egunerokotasunean jazarriak, irainduak eta bortxatuak direla jakinarazi du Collectiv aldizkari alemaniarrak.
Huelvako (Andaluzia) marrubi ustiapen landetan lan egiten duten emakumeen inguruan RTL Nachtjournal eta BuzzFeed News-ek burututako ikerketa lana apirilaren 30ean eman dute argitara Collectiv aldizkarian. Bertan Palos de la Fronteran lan egiten duen Kalimaren istoria pertsonalean zentratzen dira marrubien ustiapenera dedikatzen diren landa eremuetako langileen egoera erdigunera ekartzeko. Gehiengoa emakume marokoarrak dira, eta indarkeria matxista pairatzen dute sistematikoki. Astinduak, irainak, xantaiak eta bortxaketak jasan izana aitortu dute dozenaka emakumek plazaratu berri duten lanean.
Europako masarentzat janari merkea ekoizteko ezinbestekoa den esklabo lanaren inguruan ARGIAk kaleratutako artikuluan azaltzen zen modura, denboraldiz kanpoko “marrubiok haztearen inguruan nekazaritza eredu oso teknifikatua antolatu da, esportaziorako prestatua, produkzio koste handikoa: pestizida, ongarri kimiko, negutegien plastiko eta beste azpiegitura, landare emankorren patente... eta oso lotuta dago saltoki handien banaketa kate erraldoiei”. Eredu honek berarekin dakar eskulan merke handi baten beharra, eta bizi duten prekarietate egoerak bultzatutako emakume marokoarrek betetzen dute orokorrean behar hori. 2007an marrubiaren patronalak, Espainiako Enplegu Agentziak eta Marokoko agintariek sinatutako tratuak sasoia amaitutakoan emakume hauek beraien herrialdera itzuliko direlako bermeaz gainera.
Argitara emandako salaketok indartzen dituen beste faktore baten berri ere eman dute: Palos de la Fronteran burutzen diren abortuen zenbateko altua. “Abortatzea eskatzen duten emakumeen gehiengoak emakume migratuak dira” azaltzen dute aldizkari alemaniarrean kaleratutako ikerketan. Osasun zentroko langile batek ikertzaileei adierazitakoaren arabera, Palos de la Frontera eta ondoko hiria den Moguer-en 185 abortu zenbatu ziren 2016an, %90a landetan jarduten zuten emakume migratuak.
Andaluziako Langileen Sindikatua (SAT) da gaiari heldu dion sindikatu bakarra, eta Huelvan bi ordezkari besterik ez ditu. Hauek azaldutakoaren arabera, marrubien ustiapen landetan ematen diren indarkerien aurrean emakumeek bizi duten inpotentzia sentipena izugarria da. “Esklabu lana” bezala jotzen du Andaluziako nekazaritza lana, eta salatzen dute “instituzioek, poliziak zein lan-ikuskatzaileek beste alde batera begiratzen dutela”.
Via Campesina mugimenduak GRAIN erakunde altermundistarekin plazaratutako agerkariko editorialean azaldutakoaren arabera, zapalkuntzak ezberdinak izan ohi dira berauek pairatzen dituzten norbanakoen genero edo jatorriaren arabera, eta hauek munduaren iparraldean eta hegoaldean ezberdin ageri badira ere “migrazioa eta globalizazioa medio” iparraldeak hegoaldean eta hegoaldeak iparraldean aurkitu ditzakegu gaur egun. Huelvako marrubien ustiapen landetan emakumeek bizi duten egoera horren adierazle argia.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]
Laure Zacchello azken aldiz ikusi zuten ekainaren 21 goizean. Fiskaltzak astelehenean senarrari behin-behineko espetxealdia ezarri zion eta haren parte-hartzea froga dezaketen “zantzu serio eta sendoak” daudela informatu du Sud Ouest egunkariak. Jendarmeriak laguntza... [+]
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Atxilotuak astelehen goizean, ekainaren 17an, egin zuen sexu erasoa, pazientea belauneko lesio batetik artatzen ari zela, emakumeak salatu duenez. Atxilotua ertzain-etxera eraman zuten eta aske utzi zuten, Bilboko Guardiako Epaitegiaren esku geratu ondoren.
Adingabe bat bortxatu izana egozten zaio gazteari, zenbait komunikabideren arabera. Lakuabizkarra auzoan izan da erasoa, larunbatetik iganderako gauean, auzoko jaien testuinguruan. Kontzentrazioa egin dute erasoa gaitzesteko.
Gizon bilbotar zuri bat epaitua izan da bere bikotekidea (emakume migratua) bizirik erre izana leporatuta. Feminizidio frustratu horrek agerian uzten du biktimek bizi duten babesgabetasuna, indarkeria matxista arrazakeriarekin uztartzen denean.