Uharteko emakumea senarrak erail duelakoan, bermerik gabe espetxeratu dute gizona
Emakumearen heriotza hilketa matxista izan ote den ikertzen dabil Foruzaingoa. Bien bitartean, gizona behin-behinean eta bermerik gabe espetxeratzeko agindua eman du epaileak.
Giza hilketa delitua leporatuta, hildako Uharteko emakumearen senarra bermerik gabe kartzelaratzea eskatu du Agoizko auzitegiko Emakumeen Aurkako Indarkeriaren 2. zenbakiko Epaitegiko instrukzio epaileak. MagistratuaK Foruzaingoaren ikerketa hartu du oinarritzat erabakia hartzeko unean, eta bere hitzetan “zantzuek frogatzen dute akusatuak eztabaida gogorra izan zuela emaztearekin eta hainbat ukabilkada eman zizkiola gorputzean eta buruan, konorterik gabe utzi arte”.
Erabakia hartzerakoan erabakigarria izan den ikerketa berberak adierazten duenez, Uharteko Udaltzainek bi aldiz atxilotu izan dute aurretik gizona, emakumeari tratu txarrak emateagatik.
Akusatua kamioi gidaria izanik, ihes egiteko daukan gaitasuna “nabarmena” dela ondorioztatuta eta frogak suntsitzen saia daitekeela kontuan izanda, epaileak behin-behineko espetxealdia ezarri dio, kontua argitu artean. Erailketa matxista izan dela ziurtatzen bada, aurten indarkeria matxistak Euskal Herrian hildako bosgarren emakumea litzateke. Euskal Herriko Emakumeon Mundu Martxak dagoeneko hala jo du.
Mobilizazio deiak
Uharteko Udalak eta mugimendu feministak mobilizaioak deitu dituzte asteazkenerako. Udalak elkarretaratzea egingo du 13:00etan Uharteko Udal plazan, eta mugimendu feministak arratsaldeko 19:30etan, plaza berean. Azken honetan emakumea “eraila” izan dela salatuko dute.
Donostia, Gasteiz eta Bilbon ere mobilizazioak deitu ditu ostegunean Euskal Herriko Emakumeon Mundu Martxak. Donostian 19:30etan Bulebarrean elkartzera dei egin dute, Gasteizen 20:00etan Andra Mari Zuriaren plazan, eta Bilbon 20:00etan Arriagan.
Baliteke egunak aurrera egin ahala deialdi gehiago zabaltzea Euskal Herriko hainbat lekutan.
Atzo eguerdian labanaz eraso zion bere amari Irunen eta Donostiako Ospitalean hil da. Erasotzailea epailearen aurrean deklaratzeko esperoan dago.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]