Horrelako jarrerak “errotik moztu” ditzala eskatu diote udalari Zabalgana auzoko ikastetxe, guraso eta auzo elkarteek
Iragan astean Zabalgana auzoan Udaltzaingoak 16 urteko gazte bat jipoitu zuela salatu zuen haren familiak. Auzoko hainbat hezkuntza eragilek udalari eskatu diote gertatua argitu dezala, eta “hala badagokio” erantzukizunak hartu ditzala bere gain.
Zabalgana Institutua, Mendibea guraso elkartea, Aldaialde ikastetxeko irakaslegoa, Aldaiaberri guraso elkartea, Armentia ikastola, Mariturri ikastetxea, Mariturri guraso elkartea eta Zabalgana ikastetxea, Amezti Txiki guraso elkartea eta Zabalgana Batuz auzo elkartea: horiek dira ohar bateratua kaleratu duten hezkuntza eta auzo arloko eragileak.
Gogoratu dute iragan astean auzoko familia batek salatu zuela Udaltzaingoak 16 urteko gazteari jipoia eman ziola patinete elektrikoarekin arau-hauste bat egin ostean. “Salaketa horren arabera, hasieran ihes egin eta jazarpen baten ondoren, Aimar (adingabea, ez dezagun ahaztu) bortizki menderatu eta kolpatu zuten jada geldituta eta patinetetik jaitsita zegoenean”. Gaztea ospitalera eraman zuen anbulantzia batek, eta bertan baieztatu zuten medikuek, besteak beste, sudur trenkada hautsita zuela. Udaltzainek familiari adierazi zioten gaztea erori egin zela, baina herritar batek grabatutako bideoak polizien esana gezurtatu zuen.
Argitu eta erantzukizunak hartu
Familiari “elkartasuna” adierazi diote elkarte eta eragileek, eta udalari zuzendu zatzaizkie, Udaltzaingoaren jardueraren “azken arduradun” gisa. “Udalari exijitzen diogu gertatutakoa erabat argitzeko eta, hala badagokio, erantzukizunak bere gain hartzeko”.
Gazteak arau-hustea egin bazuen ere, polizien jarrera ez dela onargarria uste dute oharra sinatu duten eragileek: “Guztiz neurriz eta lekuz kanpoko jokaera iruditzen zaigu, eta ez dator bat agintaritzatik espero dezakegunarekin”. Kezka adierazi dute, herritar bezala eta hezkuntza komunitateko kide moduan ere, “horren larriak” diren gertaerak, “gure kaleetan gerta daitezkeelako, bizikidetzaren, errespetuaren eta elkartasunaren balioetan hezteko egindako ahalegin guztiei kalte eginez”. Horregatik eskatu diote udalari, “ekintza horiek errotik moztu ditzan”.
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.