Hormigoiak lurzorua inpermeabilizatzen duenean
Ugariak dira Dana denboraleak Valentzian eragin duen hondamendiaz egin diren irakurketak. Beste faktore batzuen artean, gizakiak naturari ebatsitako eremuez luze mintzo dira hedabideak, ibai eta itsaso ertzak hormigoiarekin betetzeak duen arriskua dela-eta. Hormigoiarekin estaliz gero, lurzoruak ezin baitu ura behar bezala xurgatu. Aste honetan hainbat protesta deitu dituzte Valentziako Gobernuan dagoen PPren eta erakundeen papera salatzeko.
Espainiako Estatuan, etxebizitzen %4,3 arrisku zonaldeetan daude eraikiak. Alegia, orotara milioi bat etxebizitza baino gehiagok du arriskua ibaiek gain hartu edo itsasoaren maila haziz gero kalteak sufritzeko, eta klima aldaketa dela-eta kopurua etorkizunean handiagoa izan liteke, elDiario.es-ek 2023ko irailean egindako ikerketaren arabera. Katastroak eta Urpean gera daitezkeen eremuen kartografia-sistemak jasotako datuetatik abiatuta osatu dute ikerlana, eta ondorioztatu Mediterraneoko kostaldea dela arriskurik handieneko zonaldea. Zerrendan lehenbizikoa Murtzia dago, eta ostean agertzen dira Kantabria, Asturias, Balear Uharteak, León eta Valentzia; Hego Euskal Herriko daturik ez dute jaso, katastro-erakunde propioak dituztelako bi administrazioek.
Espainia "txapeldun" da lursailak hormigoiarekin estaltzen, idatzi dute elDiario.es-eko kazetari Raúl Rejón eta Daniel Sánchez Caballerok, Dana-k eragindako kalteen harira azaroaren 1ean publikatutako erreportajean. Hainbat adituren hitzak jaso dituzte, tartean Jorge Olcinarenak, Eskualde Azterketa Geografikoko katedraduna Alacanteko Unibertsitatean: "Arazoa da pasa den hamarkadetan asko eraiki zela", dio. "1960ko hamarkadan, natura errespetatu gabe hasi zen okupatzen lurraldea, eta orain ondorioak ordaintzen ari gara. Ikusten ditugu etxebizitzak amildegietan sartuta, industria-nabeak, urak hazten direnean emaria bideratzeko beharrezko dimentsiorik ez dauzkaten zubiak...".
Hirigintza intentsiboak dakartzan arriskuen artean, lurzorua inpermeabilizatzea nabarmentzen dute adituek, hormigoi, asfalto edota metalez estalita xurgatze-ahalmena murrizten delako. Zentzu horretan, arrisku handieneko zonaldea Espainiako Estatuko hego-ekialdea dela diote zientzialariek. Arriskuak murrizteko zer egin beharko litzatekeen galdetuta, arrisku-zonaldeak zabaltzea eta "uraren energia murriztea" aipatu dute adituek, beste hainbat neurriren artean. Uraren energia murrizteari dagokionez, erreka eta ibaien bide naturalak berreskuratzea funtsezkoa dela diote, "landaretza hazi eta natura zabaltzean uholdeak laminatzea ahalbidetzen duelako", alegia, uholdeen emaria eta indarra txikitzea.
Mediterraneo aldean jada eraikiak dauden etxebizitzen kasuan "aterabide onik ez dago", Esteban García ingeniariaren hitzetan, "hasieratik ez lukete han egon behar".
Elkarretaratze eta manifestazioak Herrialde Katalanetan
Hilaren 7rako elkarretaratzea deitu dute Herrialde Katalanetan, PPko egoitzen aurrean. Besteren artean CUP alderdiak eta Arran eta Endavant kolektiboek egin dute deialdia, kaltetuei elkartasuna adierazi eta Carlos Mazón Valentziako Generalitateko presidentearen dimisioa eskatzeko. "Hondamendi hauek ez dira naturalak; erantzuleek izena daukate", salatu dute. Halaber, OJS gazte sozialisten erakundeak deituta manifestazioa egingo dute azaroaren 9an Valentzia hiriburuan, Geure hildakoak, haien irabaziak lelopean.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
AEBko eta munduko hiri handienetakoa den Los Angeles sute ikaragarriek harrapatu dute eta jadanik 150.000 lagun lekuz aldatu behar izan dituzte agintariek. Alkateak larrialdi egoera ezarri du, garrek ehundaka etxe kiskali dituzte hainbat auzotan, eta haizete gogorrek ez dute... [+]
Ekaitz-erauntsia emana zegoen eta "hondamendia jazo da", Errusiako Gobernuak jakinarazi duenez. Ukrainak arduragabekeria egotzi dio.
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Mediterraneoan tanta hotz batek eragindako triskantzak erakutsi digu gizakiak noraino sartu dezakeen hanka. Klima larrialdia sortzeaz gain, bere kalte humanoak eta ekonomikoak anplifikatu ditugu. Copernicusen datuen arabera, 400 kilometro koadrotik gora lur geruza... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Copernicus ingurumen behategiaren arabera 2024ak errekorra hautsiko du Lurreko tenperaturari dagokionez, eta hori bakarrik ez, industria aurreko garaiko batez bestekoa baino 1,5ºC altuagoa izango da lehen aldiz.
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
Hogeita hamaika suhiltzaile nafar joan dira Valentziara, uholdeen ondoko garbiketa lanetan laguntzen, Horietako bat da Iñaki Sexmilio. "Zenbait lekutan gurea izan da iritsi den lehen laguntza taldea, herritarrak oso eskertuta daude", azaldu du Metropoli Forala... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]
